|
|
(GMT+08:00)
2006-09-20 11:23:21
|
|
ທ່ານຫຼີຈ້າວຊິ່ງພົບປະຜູ້ນຳຕ່າງປະເທດທີ່ເຂົ້າຮ່ວມສະມັດຊາໃຫຍ່ສະຫະປະຊາຊາດຄັ້ງທີ 61
cri
Author: min
ຕາມຂ່າວCRI: ວັນທີ 19 ກັນຍາ, ຢູ່ນິວຢອກ, ທ່ານຫຼີຈ້າວຊິ່ງ ລັດຖະມົນຕີວ່າການກະຊວງການຕ່າງປະເທດຈີນໄດ້ພົບປະຜູ້ນຳຕ່າງປະເທດຈຳນວນໜຶ່ງທີ່ເຂົ້າຮ່ວມສະມັດຊາໃຫຍ່ສະຫະປະຊາຊາດຄັ້ງທີ 61.
ທ່ານຫຼີຈ້າວຊິ່ງຕ່າງໄດ້ແນະນຳສະພາບກະກຽມກອງປະຊຸມສຸດຍອດເວທີປາໄສຮ່ວມມືລະຫວ່າງຈີນອາຟິຼກາຕໍ່ທ່ານຄາບີລາ ປະທານາທິບໍດີກົງໂກແລະທ່ານນາວິນ ຣາມໂກລາມ ນາຍົກລັດຖະມົນຕີໂມຣິດ, ຜູ້ນຳສອງປະເທດດັ່ງກ່າວຫວັງໃຫ້ກອງປະຊຸມສຸດຍອດຈະຊຸກຍູ້ການຂະຫຍາຍການພົວພັນລະຫວ່າງຈີນອາຟຼິກາແລະການພົວພັນລະຫວ່າງສອງຝ່າຍ.
ໃນເວລາພົບປະທ່ານຈີພີ ລິຟນີ ລັດຖະມົນຕີວ່າການກະຊວງການຕ່າງປະເທດອິສຣາແອນແລະທ່ານວາລິດ ມູອາເລມ ລັດຖະມົນຕີວ່າການກະຊວງການຕ່າງປະເທດຣີບັງ, ທ່ານຫຼີຈ້າວຊິ່ງກ່າວເນັ້ນວ່າ, ຕ້ອງປະຕິບັດມະຕິເລກ 1701 ຂອງສະພາຄວາມໝັ້ນຄົງສະຫະປະຊາຊາດຢ່າງຮອບດ້ານ, ສຳເລັດການເພີ່ມແລະການຈັດວາງກອງທະຫານປະຈຳລີບັງຊົ່ວຄາວຂອງສະຫະປະຊາຊາດທີ່ປະຈຳຣີບັງໂດຍໄວ. ທ່ານຍັງຊີ້ອອກວ່າ, ບັນຫາລະຫວ່າງປາເລັສຕີນກັບອິສຣາແອນແມ່ນບັນຫາໃຈກາງຂອງບັນຫາຕາເວັນອອກກາງ, ຄວນແກ້ໄຂຄວາມຂັດແຍ່ງກັນໂດຍຜ່ານການເຈລະຈາການເມືອງບົນພື້ນຖານມະຕິຂອງສະຫະປະຊາຊາດແລະຫຼັກການ "ເອົາທີ່ດິນແລກປ່ຽນສັນຕິພາບ".
ທ່ານຫຼີຈ້າວຊິ່ງໄດ້ແລກປ່ຽນຄວາມຄິດຄວາມເຫັນກັບທ່ານອາເບີໂຕ ໂຣມູໂລ ລັດຖະມົນຕີວ່າການກະຊວງການຕ່າງປະເທດຟິລິບປິນແລະທ່ານຄາຊູຣີ ລັດຖະມົນຕີວ່າການກະຊວງການຕ່າງປະເທດປາກີສະຖານກ່ຽວກັບການພົວພັນລະຫວ່າງສອງຝ່າຍສະຖານະການໃນພາກພື້ນອາຊີຕາເວັນອອກສຽງໃຕ້ແລະອາຊີໃຕ້.
ທ່ານຫຼີຈ້າວຊິ່ງຍັງໄດ້ຫາລືກັບທ່ານມາເກີເຣັດ ເບກເຄດ ລັດຖະມົນຕີການຕ່າງປະເທດອັງກິດກ່ຽວກັບບັນຫາດາຟູຂອງຊູດັງແລະບັນຫານິວເຄຼຍອີຣານ.
|
|
|