|
|
 |
| (GMT+08:00)
2006-09-20 18:30:06
|
 |
|
ຈີນຊົມເຊີຍບໍລິສັດຊອກຫາຄົນເກັ່ງພິເສດນຳເຂົ້າຜູ່ມີຄວາມຮູ້ຄວາມສາມາດຫຼາຍກວ່າເກົ່າໃຫ້ແກ່ຈີນ
cri
ຕາມຂ່າວສານຊິນຮວາ, ວັນທີ20ກັນຍາ,ທ່ານລິວຢົງຈື້ ໂຄສົກຖະແຫຼງຂ່າວຂອງກົມຜູ່ຊ່ຽວຊານຕ່າງປະເທດແຫ່ງຊາດຈີນກ່າວວ່າ,ຈີນຊົມເຊີຍບໍລິສັດຊອກຫາຄົນເກັ່ງພິເສດມີສ່ວນຮ່ວມຫຼາຍກວ່າເກົ່າເຂົ້າໃນການນຳເຂົ້າຜູ່ມີຄວາມຮູ້ຄວາມສາມາດຂອງຕ່າງປະເທດ.
ທ່ານລີວຢົງຈື້ແມ່ນໃຫ້ທັດສະນະດັ່ງກ່າວໃນເວລາເຂົ້າຮ່ວມກອງປະຊຸມແລກປ່ຽນຜູ່ມີຄວາມຮູ້ຄວາມສາມາດສາກົນຈີນປີ2006ທີ່ຈັດຂຶ້ນຢູ່ເສິນຢາງ ເມືອງພາກເໜືອຂອງຈີນໃນມື້ດຽວກັນ.
ທ່ານລິວຢົງຈື້ກ່າວວ່າ,ໃນຫຼາຍປີມານີ້,ຈີນໄດ້ນຳເຂົ້າຜູ່ມີຄວາມຮູ້ຄວາມສາມາດຂອງຕ່າງປະເທດປະມານ2ແສນຮອດ4ແສນເທື່ອຄົນຕໍ່ປີ.ໂດຍສະເພາະແມ່ນບໍລິສັດຮ່ວມທຶນແລະຮ່ວມມືທີ່ບໍລິສັດຊອກຫາຄົນເກັ່ງພິເສດຂະໜາດໃຫຍ່ຂອງຕ່າງປະເທດສ້າງຕັ້ງຢູ່ຈີນນັ້ນສາມາດກ່າຍຂົວໃຫ້ແກ່ຜູ່ຊ່ຽວຊານແລະຫົວໜ່ວຍໃຊ້ແຮງງານ,ສະໜອງການບໍລິການແບບວິຊາສະເພາະ.
ພ້ອມດຽວກັນນັ້ນ,ວິສາຫະກິດທີ່ມີກຳລັງຕົວຈິງພາຍໃນປະເທດຈີນນັບມື້ນັບຫຼາຍໄດ້ເລີ່ມຜ່ານຈາກບໍລິສັດຊອກຫາຄົນເກັ່ງພິເສດເພື່ອຊອກຫາຜູ່ມີຄວາມຮູ້ຄວາມສາມາດຜູ່ດີເລີດຂອງຕ່າງປະເທດ.
|
|
|
