|
ທ່ານເຈຍຊິງລິນກ່າວວ່າການພັດທະນາໂດຍສັນຕິຄວນກາຍເປັນຫົວຂໍ້ຕົ້ນຕໍຂອງການພົວພັນລະຫວ່າງສອງຝັ່ງ
cri
ຕາມຂ່າວCRI, ວັນທີ20ກັນຍາ,ຢູ່ທີ່ປັກກິ່ງ,ທ່ານເຈຍຊິງລິນ ກຳມະການປະຈຳກົມການເມືອງສູນກາງພັກກອມມູນິດຈີນ ປະທານສະພາປຶກສາການເມືອງປະຊາຊົນແຫ່ງຊາດຈີນກ່າວວ່າ, ການພັດທະນາໂດຍສັນຕິຄວນກາຍເປັນຫົວຂໍ້ຕົ້ນຕໍຂອງການພົວພັນລະຫວ່າງສອງຝັ່ງ.
ໃນເວລາພົບປະແມ່ຍິງໄຕ້ຫວັນ,ຮົງກົງແລະມາກາວທີ່ເຂົ້າຮ່ວມກິດຈະກຳແລກປ່ຽນຕ່າງໆລະຫວ່າງແມ່ຍິງສອງຝັ່ງຊ່ອງແຄບໄຕ້ຫວັນ,ທ່ານເຈຍຊິງລິນກ່າວວ່າ,ແຜ່ນດິນໃຫຍ່ແລະໄຕ້ຫວັນຂຶ້ນກັບປະເທດຈີນດຽວ,ໃນສະເພາະໜ້ານີ້,ການສະແຫວງຫາສັນຕິພາບ,ສະຖຽນລະພາບແລະການພັດທະນາແມ່ນສຽງໃນໃຈຮ່ວມກັນຂອງພີ່ນ້ອງຮ່ວມຊາດສອງຝັ່ງເຊິ່ງລວມທັງເອື້ອຍນ້ອງແມ່ຍິງສອງຝັ່ງ.
ທ່ານເຈຍຊິງລິນກ່າວວ່າ,ບໍ່ວ່າໃຕ້ກໍລະນີໃດ,ຄວາມເຊື່ອຖືຂອງພວກເຮົາທີ່ປົກປັກຮັກສາການພົວພັນລະຫວ່າງສອງຝັ່ງໃຫ້ຂະຫຍາຍຕົວຢ່າງສັນຕິແລະໝັ້ນທ່ຽງນັ້ນຈະບໍ່ມີການປ່ຽນແປງ,ຄວາມຕັດສິນໃຈທີ່ຊຸກຍູ້ການແລກປ່ຽນແລະຮ່ວມມືກັນໃນດ້ານເສດຖະກິດວັດທະນະທຳລະຫວ່າງສອງຝັ່ງ,ການສະແຫວງຫາໃຫ້ສອງຝັ່ງຈະເລີນຮຸ່ງເຮືອງນຳກັນນັ້ນຈະບໍ່ມີການປ່ຽນແປງ,ຄວາມຈິງໃຈທີ່ສ້າງຄວາມຜາສຸກແລະເຮັດວຽກຕົວຈິງເພື່ອພີ່ນ້ອງຮ່ວມຊາດໄຕ້ຫວັນນັ້ນກໍຈະບໍ່ມີການປ່ຽນແປງຢ່າງເດັດຂາດ.
|
|
