|
|
 |
| (GMT+08:00)
2006-09-21 13:24:00
|
 |
|
ທ່ານຫຼີຈ້າວຊິ່ງບັນລະຍາຍຫຼັກໝັ້ນຂອງຝ່າຍຈີນກ່ຽວກັບບັນຫາເພີ່ມທະວີການຮ່ວມມືລະຫວ່າງສະຫະປະຊາຊາດກັບອົງການພາກພື້ນ
cri
Author: shuo
ຕາມຂ່າວCRI:ມື້ວານນີ້(ວັນທີ20ກັນຍາ),ຢູ່ນິວຢອກ,ໃນກອງປະຊຸມລັດຖະມົນຕີການຕ່າງປະເທດຂອງສະພາຄວາມໝັ້ນຄົງກ່ຽວກັບບັນຫາການຮ່ວມມືລະຫວ່າງສະຫະປະຊາຊາດກັບອົງການພາກພື້ນ,ທ່ານຫຼີຈ້າວຊິ່ງ ລັດຖະມົນຕີວ່າການກະຊວງການຕ່າງປະເທດຈີນໄດ້ປະກອບຄຳຄິດຄຳເຫັນເພື່ອບັນລະຍາຍຫຼັກໝັ້ນຂອງຝ່າຍຈີນ.
ທ່ານຫຼີຈ້າວຊິ່ງເວົ້າວ່າ,ສະຫະປະຊາຊາດແມ່ນແກນໃຈຂອງກົນໄກຄວາມປອດໄພຮ່ວມສາກົນ,ສະພາຄວາມໝັ້ນຄົງມີໜ້າທີ່ຮັບຜິດຊອບອັນດັບໜຶ່ງໃນດ້ານຮັກສາສັນຕິພາບແລະຄວາມປອດໄພຂອງໂລກ.ຈີນສະໜັບສະໜູນໃຫ້ສະຫະປະຊາຊາດເພີ່ມທະວີການຮ່ວມມືກັບອົງການພາກພື້ນ ອົງການອະນຸພາກພື້ນແລະອົງການລະຫວ່າງລັດຖະບານອື່ນໆ,ພ້ອມກັນຮັກສາສັນຕິພາບແລະຄວາມປອດໄພຂອງໂລກ.
ທ່ານຫຼີຈ້າວຊິ່ງກ່າວວ່າ,ສະຫະປະຊາຊາດສາມາດອີງໃສ່ທ່າແຮງແລະຈຸດພິເສດຂອງອົງການພາກພື້ນຕ່າງໆ,ປະສານສົມທົບກັບສະພາບຕົວຈິງ,ດຳເນີນການຮ່ວມມືກັນໃນດ້ານຕ່າງກັນ ຄື ສ້າງມາດຕະການໄວ້ເນື້ອເຊື່ອໃຈ ປ້ອງກັນການປະທະກັນ ຄຸ້ມຄອງວິກິດການແລະຮັກສາສັນຕິພາບ.
|
|
|
