|
ຄະນະຜູ້ແທນສະມາຄົມປັບປຸງແລະພັດທະນາສະຫະພາບມຽນມາຢ້ຽມຢາມຈີນ
cri
Author: min
ຕາມຂ່າວສານຊິນຮວາ: ໂດຍຕອບສະໜອງຄຳເຊີນຂອງສະມາຄົມແລກປ່ຽນສາກົນຈີນ, ວັນທີ 20 ກັນຍາ, ຄະນະຜູ້ແທນສະມາຄົມປັບປຸງແລະພັດທະນາສະຫະພາບມຽນມາໄດ້ເລີ່ມຢ້ຽມຢາມຈີນ.
ນອກຈາກປັກກິ່ງແລ້ວ, ຄະນະຜູ້ແທນດັ່ງກ່າວຍັງຈະໄປຢ້ຽມຢາມແຫ່ງຕ່າງໆ, ຄື: ເມືອງຄຸນມິງ, ເມືອງລີ້ຈ່ຽງແລະເມືອງເວິ່ນໂຈ່ວເປັນຕົ້ນ.
ສະມາຄົມປັບປຸງແລະພັດທະນາສະຫະພາບມຽນມາສ້າງຕັ້ງຂຶ້ນໃນເດືອນກັນຍາປີ 1993, ປະຈຸບັນ, ມີສະມາຊິກ 21 ລ້ານຄົນ. ສະມາຄົມດັ່ງກ່າວຕັ້ງໜ້າເຂົ້າຮ່ວມວຽກງານການເມືອງ, ເສດຖະກິດແລະສັງຄົມຂອງມຽນມາ, ໄດ້ສ້າງການພົວພັນອັນກວ້າງຂວາງກັບອົງການຈັດຕັ້ງຊາວໜຸ່ມແລະຄະນະອື່ນໆຂອງຈີນ, ລາວ, ຫວຽດນາມ, ມາເລເຊຍ, ອິນໂດເນເຊຍ, ສິງກະໂປ, ຍີ່ປຸ່ນ, ແລະກູບາ.
ໃນຫຼາຍປີມານີ້, ສະມາຄົມປັບປຸງແລະພັດທະນາສະຫະພາບມຽນມາໄດ້ສ້າງການພົວພັນໄມຕີຈິດກັບສະມາຄົມແລກປ່ຽນສາກົນຈີນແລະສະຫະພັນຊາວໜຸ່ມທົ່ວປະເທດຈີນ, ແລະໄດ້ແຕ່ງຄະນະຜູ້ແທນຢ້ຽມຢາມເຊິ່ງກັນແລະກັນຫຼາຍເທື່ອ, ອັນໄດ້ຊຸກຍູ້ການຂະຫຍາຍຕົວຂອງການພົວພັນລະຫວ່າງຈີນກັບມຽນມາ.
|
|
