|
|
 |
| (GMT+08:00)
2006-09-21 17:24:20
|
 |
|
ARFຈັດກອງປະຊຸມຫາລືການຮ່ວມມືກູ້ໄພ
cri
ຕາມຂ່າວສານຊິນຮວາ,ຕາມການຕົກລົງຂອງກອງປະຊຸມລັດຖະມົນຕີການຕ່າງປະເທດຂອງເວທີປຶກສາຫາລືດ້ານການເມືອງແລະຄວາມໝັ້ນຄົງພາກພື້ນອາຊຽນຫຼືARFຄັ້ງທີ13ເມື່ອເດືອນກໍລະກົດປີ2006,ຈີນແລະອິນໂດເນເຊຍໄດ້ຈັດກອງປະຊຸມກູ້ໄພຄັ້ງທີ6ຂອງARFຢູ່ນະຄອນຊິງຕາວແຂວງຊ່ານຕຸ່ງຂອງຈີນແຕ່ວັນທີ18ຫາວັນທີ20ກັນຍາ.ຝ່າຍຈີນໄດ້ຍື່ນຮ່າງຫຼັກການຊີ້ນຳການຮ່ວມມືກູ້ໄພຂອງARFໃຫ້ກອງປະຊຸມ,ອັນໄດ້ສ້າງພື້ນຖານໃຫ້ແກ່ARFດຳເນີນການຮ່ວມມືໃນຂັ້ນຕໍ່ໄປ.
ໂດຍປິ່ນອ້ອມຫົວຂໍ້ທີ່ວ່າ"ຮ່ວມກັນຊົມໃຊ້ຊັບພະຍາກອນກູ້ໄພ,ພ້ອມກັນຮັບມືໄພພິບັດ",ຜູ່ແທນທີ່ຮ່ວມປະຊຸມໄດ້ທວນຄືນສະພາບການຮ່ວມມືກູ້ໄພຂອງARFໃນປັດຈຸບັນ,ສະຫຼຸບຊັບພະຍາກອນກູ້ໄພຂອງກອງທະຫານແລະປະຊາຊົນ,ຊອກຊ່ອງທາງຮ່ວມມືໃນຂົງເຂດຫຼັກແລະຮູບການປະຕິບັດຂອງການຮ່ວມມືກູ້ໄພ.ຝ່າຍຈີນຍັງໄດ້ຍື່ນເອກະສານຕ່າງໆກ່ຽວກັບການສຳຫຼວດຊັບພະຍາກອນກູ້ໄພແລະການເສີມສ້າງຄວາມສາມາດກູ້ໄພຂອງARFໃຫ້ແກ່ກອງປະຊຸມ,ອັນໄດ້ຮັບຄວາມສົນໃຈເປັນຢ່າງຍິ່ງຈາກຝ່າຍຕ່າງໆ.
|
|
|
