|
ຈີນຈະປັບປຸງລະບົບປະກັນສັງຄົມສຳລັບຜູ່ອາຍຸສູງໃຫ້ສົມບູນຂຶ້ນ
cri
ຕາມຂ່າວCRI,ໃນ5ປີຂ້າງໜ້າ,ຈີນຈະລົງທຶນຫຼາຍຂຶ້ນຕື່ມເຂົ້າໃນວຽກງານຜູ່ອາຍຸສູງ,ປັບປຸງລະບົບປະກັນສັງຄົມສຳລັບຜູ່ອາຍຸສູງໃຫ້ສົມບູນຂຶ້ນ.
ນີ້ແມ່ນຂ່າວທີ່ເປີດເຜີຍມາຈາກແຜນພັດທະນາວຽກງານຜູ່ອາຍຸສູງປີ2006ຮອດປີ2010ທີ່ລັດຖະບານຈີນປະກາດໃນວັນທີ21ກັນຍາ.
ຕາມແຜນການດັ່ງກ່າວ,ໃນ5ປີຂ້າງໜ້າ,ຈີນຈະສືບຕໍ່ປັບປຸງລະບອບປະກັນບຳນານແລະລະບົບປະກັນສຸຂະພາບຂອງຜູ່ອາຍຸສູງໃຫ້ສົມບູນຂຶ້ນ,ເປີດກວ້າງຂອບເຂດປະກັນບຳນານແລະປະກັນສຸຂະພາບຂອງຜູ່ອາຍຸສູງ,ພ້ອມທັງເພີ່ມທະວີການຊ່ອຍເຫຼືອຜູ່ອາຍຸສູງທີ່ທຸກຍາກໃນດ້ານຊີວິດການເປັນຢູ່,ຄົ້ນຄວ້າກ່ຽວກັບການສ້າງຕັ້ງລະບອບຊ່ອຍເຫຼືອຜູ່ອາຍຸສູງທີ່ມີລູກຜູ່ດຽວ.ນອກນີ້,ຈີນຍັງຈະສົ່ງເສີມສັງຄົມລົງທຶນສ້າງຕັ້ງອົງການບໍລິການຜູ່ອາຍຸສູງ,ພະຍາຍາມເຮັດໃຫ້ຊີວິດດ້ານຈິດໃຈແລະວັດທະນະທຳຂອງຜູ່ອາຍຸສູງອຸດົມສົມບູນຂຶ້ນ.
ຕາມຄາດຄະເນວ່າ,ໃນ5ປີຂ້າງໜ້າ,ປະຊາກອນຜູ່ມີອາຍຸ60ປີຂຶ້ນໄປຂອງຈີນຈະເພີ່ມຂຶ້ນໄປອີກ,ເມື່ອຮອດປີ2010ຈະມີເຖິງ174ລ້ານຄົນ,ກວມຈຳນວນປະຊາກອນປະມານ12,78%.
|
|
