|
|
 |
| (GMT+08:00)
2006-09-22 10:32:41
|
 |
|
ເວທີປາໃສລະດັບສູງຂອງສື່ມວນຊົນແລະເສດຖະກິດການຄ້າຈີນສ.ເກົາຫລີຈັດຂຶ້ນຢູ່ສ.ເກົາຫລີ
cri
Author: sayvanny
ຕາມຂ່າວ CRI: ວັນທີ 22 ກັນຍາ,ເວທີປາໃສລະດັບສູງຂອງສື່ມວນຊົນຈີນສ.ເກົາຫລີແລະເວທີປາໃສລະດັບສູງຂອງເສດຖະກິດການຄ້າຈີນສ.ເກົາຫລີ ເຊິ່ງເປັນເນື້ອໃນສຳຄັນອັນຫນຶ່ງຂອງກິດຈະກຳປະສົບການຂອງຈີນໃນສ.ເກົາຫລີປີ 2006 ໄດ້ຈັດຂຶ້ນຢູ່ເຊອຸ່ນ ນະຄອນຫລວງສ.ເກົາຫລີ.
ຫົວຂໍ້ຂອງເວທີປາລະດັບສູງຂອງສື່ມວນຊົນຈີນສ.ເກົາຫລີແມ່ນແບ່ງປັນບົດຮຽນໃນການຈັດງານກິລາໂອລິມປິກ, ເພີ່ມທະວີການແລກປ່ຽນແລະການຮ່ວມມືລະຫວ່າງສື່ມວນຊົນຈີນສ.ເກົາຫລີ.ຜູ່ຮ່ວມປະຊຸມໄດ້ຫາລືກັນກ່ຽວກັບຫົວຂໍ້ຕ່າງໆຄື ບົດບາດຂອງສື່ມວນຊົນໃນການຊຸກຍູ້ການພົວພັນລະຫວ່າງຈີນກັບສ.ເກົາຫລີໃຫ້ຂະຫຍາຍຕົວຢ່າງກົມກຽວກັນ.ທ່ານກິມຊັງໂຮ ຫົວຫນ້າສຳນັກຂ່າວທາງການຂອງສ.ເກົາຫລີແລະທ່ານຈ້າຍອູ ຫົວຫນ້າຫ້ອງການຖະແຫລງຂ່າວຂອງລັດຖະບານຈີນໄດ້ກ່າວປາຖະກະຖາໃນເວທີປາໃສດັ່ງກາວ. ທ່ານມາເວີຍກົງ ຮອງບັນນາທິການໃຫຍ່ຂອງວິທະຍຸສາກົນແຫ່ງປະເທດຈີນຫລື CRI ໄດ້ກ່າວປາຖະກະຖາທີ່ມີຫົວຂໍ້ວ່າການຮ່ວມມືລະຫວ່າງສື່ມວນຊົນຈີນກັບສ.ເກົາຫລີແລະການແຈ້ງຂ່າວງານກິລາໂອລິມ ປິກປັກກິ່ງປີ 2008.
ຫົວຂໍ້ຂອງເວທີປາໃສລະດັບສູງຂອງເສດຖະກິດການຄ້າຈີນສ.ເກົາຫລີເທື່ອນີ້ແມ່ນ:ເພີ່ມທະວີການຮ່ວມມືດ້ານເສດຖະກິດການຄ້າ, ຊຸກຍູ້ການ ພັດທະນາພ້ອມກັນ,ຜູ່ຮ່ວມປະຊຸມໄດ້ຫາລືກັນກ່ຽວກັບຫົວຂໍ້ຕ່າງໆຄື ອັດຕາແລກປ່ຽນເງິນຢວນຈີນກັບຄວາມຫມັ້ນຄົງດ້ານການເງິນຂອງພາກພື້ນອາຊີປາຊິກຟິກ,ທ່າແຮງດ້ານພູມສາດແລະທ່ວງທ່າຂະຫຍາຍຕົວແບບຄ້ຳຊູກັນຂອງເສດຖະກິດການຄ້າຈີນສ.ເກົາຫລີ.
|
|
|
