|
ປະທານສະພາເອີລົບເຫັນວ່າ,ການພັດທະນາຂອງຈີນມີຜົນດີຕໍ່ທົ່ວໂລກ
cri
Author: shuo
ຕາມຂ່າວສານຊິນຮວາ:ວັນທີ21ກັນຍາ,ທ່ານໂຈເຊັບ ໂບເຣນລີ ປະທານສະພາເອີລົບເວົ້າວ່າ,ການພັດທະນາໄວຂອງຈີນບໍ່ພຽງແຕ່ແມ່ນຂ່າວດີສຳລັບປະຊາຊົນຈີນທໍ່ນັ້ນ,ຫາກຍັງແມ່ນຂ່າວດີຕໍ່ພາກພື້ນອື່ນໆໃນໂລກອີກດ້ວຍ.
ທ່ານໂບເຣນລີແມ່ນກ່າວຄຳເວົ້າດັ່ງກ່າວຕໍ່ນັກຂ່າວຈີນພາຍຫຼັງຮັບປະທານອາຫານທ່ຽງກັບທ່ານກວ່ານເຊິງຢວນ ຫົວໜ້າຄະນະທູດຈີນປະຈຳສະຫະພາບເອີລົບຫຼືEU.ທ່ານໂບເຣນລີເວົ້າວ່າ,ຈີນພວມຕື່ນຕົວ,ວົງການພາຍນອກບໍ່ຄວນຮູ້ສຶກຢ້ານກົວຕໍ່ເລື່ອງນີ້.ທ່ານຫວັງໃຫ້ການພັດທະນາຂອງຈີນຈະສືບຕໍ່ໄປ,ແລະຫວັງໃຫ້ຈີນເສີມຂະຫຍາຍບົດບາດສຳຄັນກວ່າເກົ່າໃນວຽກງານສາກົນ.
ທ່ານໂບເຣນລີຍັງເວົ້າວ່າ,ໃນນາມເປັນປະທານຂອງສະພາເອີລົບ,ທ່ານສຸດທີ່ເອົາໃຈໃສ່ນຳການພົວພັນລະຫວ່າງສະພາເອີລົບກັບສະພາປະຊາຊົນແຫ່ງຊາດຈີນ,ຫວັງໃຫ້ສອງຝ່າຍເພີ່ມຄວາມເຂົ້າໃຈກັນ.ທ່ານເວົ້າວ່າ,ສະຫະພາບເອີລົບກັບຈີນຕ້ອງເກາະແຂນກັນແລະຕ່າງໂຄລົບເຊິ່ງກັນແລະກັນ,ຜູ້ຕາງໜ້າປະຊາມະຕິຂອງສອງຝ່າຍກໍຄວນປະກອບສ່ວນຂອງຕົນ.
|
|
