|
ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີ,ທ່ານຜູ້ຟັງທີ່ເຄົາລົບ,ລາຍການ"ຂົວທາງອາກາດ"ໄດ້ວຽນມາພົບກັບທ່ານອີກຕາມເຄີຍ.ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງນ້ອງຊືວື່ ບ້ານຄອນວັດ ເມືອງຮົ່ມ ແຂວງວຽງຈັນ,ໃນຈົດໝາຍນ້ອງຊືວື່ໄດ້ບອກສະພາບທີ່ນ້ອງຟັງວິທະຍຸCRIໃຫ້ພວກເຮົາຮູ້ໂດຍຂຽນວ່າ,ເທື່ອນີ້ແມ່ນເທື່ອທຳອິດທີ່ໄດ້ຂຽນຈົດໝາຍເຂົ້າມາຫາCRIພາກພາສາລາວ.ນ້ອງໃນນຳຄອບຄົວທຸກຍາກເຜົ່າມົ້ງດຳລົງຊີວິດປະຖົມປະຖານພື້ນບ້ານ.ທີ່ຜ່ານມາຄອບຄົວກະທົບກະເທືອນຫຼາຍ,ຍ້ອນເສດຖະກິດຄອບຄົວຍັງບໍ່ທຽບທັນກັບຄອບຄົວອື່ນໆ.ແຕ່ເມື່ອນ້ອງຫາກໍ່ເລິ່ມຟັງວິທະຍຸກະຈາຍສຽງແຫ່ງປະເທດຈີນພາກພາສາລາວຕັ້ງແຕ່ມື້ສະເຫຼີມສະຫຼອງການພົວພັນລາວຈີນຄົບຮອບ45ປີມາເຖິງປະຈຸບັນ,ເວລາຄ່ຳ19ໂມງ30ນາທີຫາ20ໂມງ30ນາທີເໝືອນກັບຄົນຮັກທີ່ນັດກັນໄວ້ທີ່ບໍ່ມີຫຍັງຈະມາທຳລາຍການນັດໝາຍຂອງພວກເຮົາໄດ້.ວິທະຍຸCRIໄດ້ກະຈາຍຂ່າວຫຼາຍຢ່າງອອກອາກາດ,ນ້ອງຟັງແລ້ວຈັບໃຈຫຼາຍ,ເຮັດໃຫ້ນ້ອງພ້ອມຄອບຄົວປະທັບໃຈຕໍ່ວິທະຍຸCRIທີ່ເປັນກະແຈເປີດປ່ອງຢ້ຽມປະຕູໃຫ້ຄອບຄົວນ້ອງ,ຊາບຊືມຮຽນຮູ້ໄດ້ຫຼາຍຢ່າງ,ໄດ້ເຮັດໃຫ້ຄອບຄົວມີຈິດໃຈໝັ້ນທ່ຽງເຊື່ອໝັ້ນຕົວເອງແລະມີໃບໜ້າເບິ່ງກວ້າງມອງໄກອອກຢ່າງບໍ່ຢຸດຢັ້ງ.
ພວກເຮົາຮູ້ສຶກດີໃຈຫຼາຍທີ່ນ້ອງຊືວື່ຕີລາຄາສູງປານນີ້ຕໍ່ລາຍການຂອງພວກເຮົາ,ນີ້ຈະໃຫ້ກຳລັງໃຈຕໍ່ພວກເຮົາໃຫ້ເຮັດລາຍການຍິ່ງດີກວ່າເກົ່າ,ພ້ອມກັນນັ້ນ,ກໍ່ເປັນການບອກພວກເຮົາວ່າຈະຕ້ອງເຮັດວຽກໃຫ້ ດີກວ່າເກົ່າເພື່ອຮັບໃຊ້ທ່ານຜູ້ຟັງທັງຫຼາຍ,ພວກເຮົາຕ້ອງເຮັດລາຍການທີ່ກວ່າເກົ່າແລະສອດຄ່ອງກັບຄວາມຕ້ອງການຂອງຜູ້ຟັງກວ່າເກົ່າ,ຈະບໍ່ເຮັດໃຫ້ຜູ້ຟັງຜິດຫວັງ,ແລະຈະຊ່ອຍຜູ້ຟັງຊອກຮູ້ໂລກແລະສາລະໜ້າຮູ້ໄດ້ຫຼາຍກວ່າເກົ່າ.
ຄຳຊົມເຊີນແມ່ນເປັນສິ່ງທີ່ທຸກຄົນປາດຖະໜາ,ແຕ່ຖ້າທ່ານຜູ້ຟັງທັງຫຼາຍສົ່ງຄຳຕຳນິສົ່ງຂ່າວໃນສິ່ງທີ່ເຫັນວ່າພວກເຮົາຍັງຂາດຕົກບົກຜ່ອງໃນດ້ານໃດກໍ່ຍິ່ງຈະເປັນການດີຕໍ່ທິມງາມCRIທີ່ຈະປັບປຸງແກ້ໄຂໃຫ້ດີຂຶ້ນເລື້ອຍໆ.
ໃນຕອນທ້າຍຂອງລາຍານມື້ນີ້,ພວກເຮົາຂໍຈັດເພງມ່ວນໆເພງໜຶ່ງມອບໃຫ້ນ້ອງຊືວື່,ອວຍພອນໃຫ້ຊີວິດການເປັນຢູ່ຂອງນ້ອງຈົ່ງນັບມື້ນັບດີຂຶ້ນ,ພ້ອມນີ້ກໍ່ຂໍໃຫ້ຜູ້ຟັງທຸກທ່ານທີ່ພວມຟັງລາຍການຢູ່ໃນຂະນະນີ້ຈົ່ງເບີກບານມ່ວນຊື່ນທຸກໆມື້,ເພງທີ່ທ່ານຈະໄດ້ຟັງນີ້ຊື່ວ່າ"ທ້າຍເໝີຍລີ້",ແປວ່າ"ງາມແທ້ໆ",ຫວັງວ່າຄົງຈະຖືກໃຈທຸກທ່ານ.
|
