|
|
 |
| (GMT+08:00)
2006-09-23 17:39:09
|
|
ທ່ານສົນທິຂຶ້ນຮັບຕຳແໜ່ງປະທານຄະນະປະຕິຮູບການປົກຄອງ
cri
ຕາມຂ່າວCRI, ວັນທີ22ກັນຍາ, ທ່ານສົນທິ ບຸນຍະຣັດກະລິນ ຜູ້ບັນຊາການກອງທັບບົກໄທໄດ້ຮັບເອົາພະລາຊະໂອງການຂອງເຈົ້າຊີວິດໄທ, ຂຶ້ນຮັບຕຳແໜ່ງປະທານຄະນະປະຕິຮູບການປົກຄອງໃນລະບົບປະຊາທິປະໄຕໄທຢ່າງເປັນທາງການ.
ຕາມຂ່າວແຈ້ງວ່າ, ມື້ວານນີ້, ພິທີອ່ານພະລາຊະໂອງການໄດ້ຈັດຂຶ້ນຢູ່ສຳນັກກອງບັນຊາການກອງທັບບົກໄທ. ພະລາຊະໂອງການນີ້ທວງໃຫ້ເຈົ້າໜ້າທີ່ພາກສ່ວນຕ່າງໆຂອງໄທຕ້ອງປະຕິບັດຄຳສັ່ງຂອງທ່ານສົນທິ ບຸນຍະຣັດກະລິນ.
ຕອນບ່າຍວັນທີ22ກັນຍາ, ໂຄສົກຄະນະກຳມະການປະຕິຮູບການປົກຄອງໄທເວົ້າຕໍ່ນັກຂ່າວວ່າ, ປະຈຸບັນ, ສະຖານະການລວມຫຼັງການລັດຖະປະຫານຂອງໄທເກືອບໄດ້ຟື້ນຟູເປັນປົກກະຕິແລ້ວ. ຄະນະປະຕິຮູບການປົກຄອງໄທພວມຂ້ຽວເລັ່ງແກ້ໄຂວວຽກດ່ວນຈຳນວນໜຶ່ງ, ໃນນັ້ນລວມທັງວາງແຜນງົບປະມານປີ2007, ການສັບຊ້ອນລັດຖະກອນປະຈຳປີ, ສະໜອງການຊ່ອຍເຫຼືອແກ່ປະຊາຊົນຜູ້ປະສົບໄພນ້ຳຖ້ວມແລະແກ້ໄຂບັນຫາບໍ່ມີສະຖຽນລະພາບຢູ່ສາມຈັງຫວັດພາກໃຕ້ຂອງໄທເປັນຕົ້ນ.
|
|
|
