|
ທ່ານຜາງລົງກຳເນີດເຕີບໂຕຢູ່ພາກຕາເວັນອອກສຽງເໜືອຂອງຈີນ, ມີສຽງຄໍທີ່ດີມາຕັ້ງແຕ່ເກີດ, ໄດ້ເຂົ້າຮ່ວມເວທີເພງມາດົນແລ້ວ. ປາງອາຍຸ 20 ປີ, ທ່ານຜາງລົງກໍໄດ້ຈາກບ້ານເກີດເມືອງນອນ, ໄປຊອກຫາຄວາມຝັນແຫ່ງດົນຕີ. ຫຼາຍປີຕໍ່ມາ, ທ່ານຜາງລົງໄດ້ມີຄວາມສາມາດຮ້ອງເພງເກັ່ງຂຶ້ນຫຼາຍ, ທັງມີບົດຮຽນສະແດງເທິງເວທີອັນອຸດົມສົມບູນ. ປີ 2000, ທ່ານຜາງລົງໄດ້ອັດ CDຊຸດທຳອິດທີ່ໃຫ້ຊື່ວ່າ: "ສາມບາດກ້າວໃນຊີວິດ", ເຖິງວ່າCDແຜ່ນນີ້ບໍ່ໄດ້ຮັບຄວາມເອົາໃຈໃສ່ປານໃດຈາກວົງການດົນຕີ, ແຕ່ເພງ"ເຖົ້າແລ້ວ"ຍັງມີຜູ່ມັກຫຼາຍບໍ່ຢອກ, ຊື່ຂອງທ່ານຜາງລົງກໍເລີ່ມໄດ້ຮັບຄວາມສົນໃຈຈາກວົງການດົນຕີ. ນີ້ກໍແມ່ນເພງ"lao le" ເຖົ້າແລ້ວ.
ຍ້ອນການຂັບຮ້ອງອັນດີເດັ່ນ,ປີ 2004, ທ່ານຜາງລົງໄດ້ຮັບເຊີນເປັນຜູ່ຮ້ອງເພງປະກອບໃນລະຄອນໂທລະພາບເລື່ອງ"ຈົດຫມາຍ 281 ກ້ານ"ຊຶ່ງມີເພງ"ຄວາມຮັກຈອກກັບນ້ຳ",ເພງ"ແມງກະເບື້ອສອງໂຕ"ແລະເພງ"ເປົ່າຕາ",ລະຄອນໂທລະພາບເລື່ອງນີ້ມີຄົນເບິ່ງຫຼາຍ, ຈົນເພງ"ແມງກະເບື້ອສອງໂຕ"ກໍ່ໄດ້ເຜີຍແຜ່ຢ່າງກວ້າງຂວາງ, ໄດ້ຍິນຄົນຮ້ອງເລື້ອຍໆຢູ່ຕາມທຸກຈອກແຈໃນຕົວເມືອງ, ແລະຢູ່ໃນລຳດັບເພງນິຍົມຂອງແວບໄຊດົນຕີຕັ້ງຫລາຍເດືອນ,ອັນໄດ້ສ້າງສະຖິຕິສູງສຸດຂອງດົນຕີແວບໄຊ.ໃນໄລຍະນັ້ນ, ທ່ານຜາງລົງໄດ້ກາຍເປັນນັກຮ້ອງທີ່ມີຊື່ສຽງຢູ່ຈີນ.
ນີ້ແມ່ນເພງແມງກະເບື້ອສອງໂຕທີ່ຂັບຮ້ອງໂດຍທ່ານຜາງລົງ.ເພງນີ້ມີເນື້ອຮ້ອງວ່າ:ສຸດທີ່ຮັກ, ນ້ອງຈົ່ງບິນຊ້າແດ່, ລະວັງໜາມກຸຫລາບຈະປັກ;ສຸດທີ່ຮັກ,ນ້ອງຈົ່ງອ້າປາກແດ່,ກິ່ນຫອມດອກໄມ້ໃນສາຍລົມຈະພາໃຫ້ນ້ອງເພີນໃຈ, ສຸດທີ່ຮັກ,ນ້ອງຈົ່ງບິນໄປກັບອ້າຍເດີ,ບິນຜ່ານປ່າໄມ້ໄປເບິ່ງຫ້ວຍນ້ຳລຳເຊ,ສຸດທີ່ຮັກ ເຮົາຈົ່ງມາຟ້ອນນຳກັນ, ລະດູບານໃຫມ່ແຫ່ງຄວາມຮັກບໍ່ມີຍາມຄ່ຳມືດ.ອ້າຍກັບນ້ອງຈະບິນກ້ຽວກັນຕະຫຼອດ, ເຖິງຈະຫ່ຽວແຫ້ງໄປຕາມນ້ອງອ້າຍກໍບໍ່ກິນແໜງແຄ່ງໃຈ.
ທ້າຍປີ 2004, ທ່ານຜາງລົງໄດ້ອັດCD ແຜ່ນທີສອງທີ່ຊື່ວ່າ"ແມງກະເບື້ອສອງໂຕ", ໃນCDແຜ່ນ ນີ້ມີເພງ"ແມງກະເບື້ອສອງໂຕ"ແລະເພງຄວາມຮັກ"ຈອກກັບນ້ຳ",ແລະຍັງມີເພງທີ່ນິຍົມກັນຫລາຍເພງຄື ເພງ"ບ້ານຂ້ອຍຢູ່ພາກຕາເວັນອອກສຽງເຫນືອ"ແລະເພງ"ຝ່າຝືນຄຳໝັ້ນສັນຍາຢ່າງໄຮ້ປານີດ".
ເພງນີ້ຮ້ອງວ່າ:"ໃນຫ້ອງທີ່ເປົ່າຫວ່າງເມື່ອນ້ອງຈາກໄປ,ໃຜຈະເຫັນນ້ຳຕາຂອງອ້າຍ?,ບໍ່ແມ່ນອ້າຍບໍ່ຮູ້ຄວາມອອ່ນໂຍນແລະຄວາມອາໄລ,ໃຜໃຫ້ນ້ອງທໍລະຍົດຕໍ່ອ້າຍແບບນີ້,ນ້ອງວ່າຍ້ອນອ້າຍບໍ່ອ່ອນໂຍນ,ນ້ອງວ່າຍ້ອນເຮົາທັງສອງບໍ່ຮັກກັນແລ້ວ,ໃຫ້ອ້າຍລືມນ້ອງ,ອ້າຍຈະແຜດສຽງຮ້ອງ,ອ້າຍຮູ້ສຶກແຄ້ນໃຈຈົນລືມວັນເວລາ,ຢູ່ໃນໂລກນີ້,ຖ້າບໍ່ມີນ້ອງອ້າຍຈະຢູ່ຈັ່ງໃດ?"
ໃນເພງນີ້, ທ່ານຜາງລົງໄດ້ພາຜູ່ຟັງເຂົ້າສູ່ໂລກດົນຕີທີ່ຄວາມຮັກໄດ້ສະຫຼາຍຕົວດ້ວຍສຽງທຸ້ມໆດັ່ງໄດ້ເຫັນພາບອັນໂສກເສົ້າເຫງົາຫງ່ວມ,ເມື່ອຖືກເຂົາປະລະໄປແລ້ວ, ກໍຍັງຄິດຮອດຄິດເຖິງເຂົາຢູ່ບໍ່ເຊົາ.ທ່ານຜາງລົງໄດ້ອະທິບາຍຄວາມຮັກດ້ວຍຄວາມຮູ້ສຶກຂອງທ່ານເອງ.
ເດືອນກັນຍາປີ 2005,ທ່ານຜາງລົງໄດ້ອັດເພງຊຸດທີສາມທີ່ມີຊື່ວ່າ:ນ້ອງແມ່ນດອກກຸຫລາບຂອງອ້າຍ,ໃນເພງຊຸດນີ້, ທ່ານຜາງລົງໄດ້ເລືອກເພງເອງແລະອັດເອງ,ເພງເກືອບເຄິ່ງໜຶ່ງໃນຊຸດນີ້ຍັງແມ່ນທ່ານເອງເປັນຜູ່ແຕ່ງ, ເພງ"ນ້ອງແມ່ນດອກກຸຫລາບຂອງອ້າຍ",ເພງ"ຜົມຍາວ"ແລະເພງ"ຂ້ອຍຈະຮ້ອງເພງ"ໃນCDແຜ່ນນີ້ໄດ້ອອກອາກາດຢູ່ໃນລາຍການດົນຕີຂອງວິທະຍຸກະຈາຍສຽງ ຕ່າງໆຂອງຈີນ,ໄດ້ຮັບຜົນງານຢ່າງດີເດັ່ນ.
ໃນເພງຊຸດໃໝ່ດັ່ງກ່າວ,ທ່ານຜາງລົງໄດ້ເຮັດຕາມຈຸດພິເສດທີ່ເຄີຍໄດ້ເຮັດມາຄືທີ່ງາມລຽບໆ,ແບບປະຖົມປະຖານແລະແບບສາມັນ,ໄດ້ຈົດທຳຢ່າງລະອຽດ,ບໍ່ສັບສົນ,ບໍ່ຫຼູຫຼາແຕ່ເຫັນແລ້ວເຮັດໃຫ້ຄົນຄຶດຢາກໄດ້.
ນີ້ແມ່ນເພງ"ນ້ອງແມ່ນດອກກຸຫລາບຂອງອ້າຍ",ທຳນອງລັກສະນະເພງອິນເດຍປາກິສະຖານ,ຈັງຫວະທີ່ໄວແລະຟັງສະບາຍໃຈໄດ້ສ້າງບັນຍາກາດອັນພໍດີພໍງາມ,ທ່ານຜາງລົງໄດ້ບັນລະຍາຍເນຶ້ອໃນຂອງເພງເປັນຢ່າງດີຄືຈົດຈໍ່ຕໍ່ຄວາມຮັກ,ຮັກດຽວໃຈດຽວ.
ໃນເພງມີເນື້ອຮ້ອງວ່າ:ເມື່ອດອກໄມ້ບານດອກຫນຶ່ງ,ກໍຕ້ອງມີດອກຫນຶ່ງຮ່ວງໂຮຍ,ດອກໄມ້ບານເຕັມພູ,ມີແຕ່ນ້ອງທີ່ອ້າຍຮັກແທ້ລໍຖ້າອ້າຍໃຫ້ດີໆ,ຖ້ານ້ອງກຸຫລາບເຜີຍກີບ,ດອກໄມ້ບານເຕັມພູ,ມີແຕ່ນ້ອງຫນ້າຮັກກວ່າຫມູ່.ນ້ອງແມ່ນດອກກຸຫລາບຂອງອ້າຍ, ນ້ອງແມ່ນດອກໄມ້ຂອງອ້າຍ, ນ້ອງແມ່ນສຸດທີ່ຮັກຂອງອ້າຍ,ແມ່ນຜູ່ທີ່ອ້າຍເປັນຫ່ວງ,ບໍ່ຟ້າລົມຝົນຕົກແຮງປານໃດ,ອ້າຍກໍ່ຮັກແຕ່ນ້ອງດອກກຸຫລາບຂອງອ້າຍ.
ສື່ມວນຊົນເຫັນວ່າ, ແຜ່ນCD"ນ້ອງແມ່ນດອກກຸຫລາບຂອງອ້າຍ"ແມ່ນປະມວນເພງທີ່ມີລັກສະນະເປັນຫລັກຫມາຍທາງຂອງທ່ານຜາງລົງແລະກໍແມ່ນແຜ່ນCDທີ່ພາໃຫ້ເພງດັງແລະຄົນກໍດັງຈົນແຟນເພງຂອງທ່ານຖືທ່ານຜາງລົງທຽບເທົ່າກັບທ່ານໂຈ່ຮວາຈ້ຽນ ນັກຮ້ອງໄຕ້ຫວັນທີ່ມີຊື່ສຽງ.ເຫັນວ່າດົນຕີແລະເພງຂອງພວກເພິ່ນ ລ້ວນແຕ່ມີສະເຫນ່ລະດັບລາຊາເພງ,ເພງຂອງພວກເພິ່ນໄດ້ຍຶດຫມັ້ນເດີນຕາມເສັ້ນທາງທີ່ຕັ້ງຫນ້າແລະລະບາຍອາລົມ,ສະນັ້ນ,ຈິ່ງໄດ້ຮັບຄວາມນິຍົມຊົມຊອບຈາກຜູ່ຟັງທີ່ອາຍຸຕ່າງກັນ.
ມ້ວນທ້າຍລາຍການມື້ນີ້,ເຊີນຟັງເພງຂ້ອຍຈະຮ້ອງເພງ ໃນເພງຊຸດໃຫມ່ຂອງທ່ານຜາງລົງ. ເພງນີ້ໄດ້ບັນລະຍາຍຄວາມນຶກຄິດຂອງຕົນເອງໃນໄລຍະທີ່ປະສົບຄວາມຫຍຸ້ງຍາກໃນວຽກງານດ້ວຍຄວາມເສບທີ່ງ່າຍໆແລະສຽງແຄ້ນໆ,ເພງນີ້ເຕັມໄປດ້ວຍຄວາມຫວນຄຶດແລະຄວາມສຳນຶກກຶກກອງອັນເລິກເຊິ່ງ.
ທ່ານຜາງລົງໄດ້ເປັນນັກຮ້ອງມາເປັນເວລາ 17 ປີແລ້ວ,ໃນໄລຍະນີ້,ທ່ານໄດ້ປະສົບເຫດການຕ່າງໆນາໆ, ຄື ພໍ່ແມ່ເຖິງແກ່ກຳ,ພາລະກິດປະສົບຄວາມຫຍຸ້ງຍາກ, ການລົງທຶນຫລົ້ມເຫລວເປັນຕົ້ນ.ໃນໄລຍະນີ້,ມີແຕ່ເພື່ອນຜູ່ດຽວທີ່ເປັນເພື່ອນທ່ານຜ່ານຜ່າຄວາມຫຍຸ້ງຍາກ,ເພື່ອນຜູ່ນີ້ກໍ່ແມ່ນດົນຕີທີ່ທ່ານຮັກຫອມ.ໃນເພງ"ຂ້ອຍຈະຮ້ອງເພງ"ເຕັມໄປດ້ວຍຄວາມດີ້ນຮົນ,ຄວາມເສົ້າໝອງແລະຄວາມກະຕືລື ລົ້ນ,ທ່ານໄດ້ເອົາດົນຕີເປັນສິ່ງບັນທຶກ,ສະຫຼັກຈິດສະຫຼັກໃຈຜູ່ຟັງດ້ວຍຄວາມສຳນຶກຮູ້ໃນຊີວິດຂອງທ່ານ.
|
