|
|
 |
| (GMT+08:00)
2006-09-25 17:07:56
|
 |
|
ໄທສ້າງຄະນະສຳຫຼວດຕ້ານການເສຍທາດຂາດຄຸນເພື່ອສຳຫຼວດລັດຖະບານຊຸດກ່ອນ
cri
Author: cai
ຕາມຂ່າວCRI:ວັນທີ 24 ກັນຍາ,ຄະນະປະຕິຮູບລະບົບການປົກຄອງໃນລະບອບປະຊາທິປະໄຕແຫ່ງຊາດໄທໄດ້ປະກາດສ້າງຄະນະສຳຫຼວດຕ້ານການເສຍທາດຂາດຄຸນ,ເພື່ອສຳຫຼວດລັດຖະບານຊຸດກ່ອນທີ່ນຳໂດຍທ່ານທັກສິນ ຊິນນະວັດ.
ຕອນກາງຄືນວັນທີ 24 ກັນຍາ,ທ່ານສົນທິ ບູນຍະຣັດກະລີນ ຫົວໜ້າຄະນະປະຕິຮູບລະບົບການປົກຄອງໃນລະບອບປະຊາທິປະໄຕແຫ່ງຊາດໄທໄດ້ລົງນາມໃນປະກາດສະບັບທີ 23 ນັບແຕ່ໄດ້ກໍ່ການລັດຖະປະຫານໃນວັນທີ 19 ກັນຍາມານີ້,ເພື່ອສ້າງຕັ້ງຄະນະສືບສວນເພື່ອຕ້ານການເສຍທາດຂາດຄຸນທີ່ປະກອບດ້ວຍ 8 ຄົນເພື່ອສຳຫຼວດວຽກງານຂອງລັດຖະບານຊຸດກ່ອນທີ່ນຳໂດຍທ່ານທັກສິນ ຊິນນະວັດແລະສະມາຊິກລັດຖະບານ ໂຄງການທີ່ໄດ້ອະນຸມັດພ້ອມທັງປະກົດການຮັ່ງມີຜິດປົກກະຕິເປັນຕົ້ນ.ຄະນະດັ່ງກ່າວຈະສຳເລັດວຽກງານສຳຫຼວດພາຍໃນ 1 ປີ,ແລະມີສິດໃຊ້ມາດຕະການຍຶດແລະກັກຊັບສິນຂອງສະມາຊິກລັດຖະບານທີ່ນຳໂດຍທ່ານທັກສິນ ຊິນນະວັດ ພ້ອມທັງຊັບສິນຂອງພັນລະຍາແລະລູກທີ່ບໍ່ເຕັມອາຍຸກະສຽນຂອງເຂົາເຈົ້າໃນໄລຍະສຳຫຼວດ.
ປະກາດຂຽນວ່າ,ຕໍ່ສະມາຊິກລັດຖະບານຊຸດແລ້ວນີ້ຫຼືບຸກຄົນອື່ນໆທີ່ໄດ້ຮັບການສຳຫຼວດແລະຢືນຢັນວ່າມີການກະທຳທີ່ຜິດກົດໝາຍແລະເສຍທາດຂາດຄຸນນັ້ນຈະຖືກສົ່ງໃຫ້ອົງການໄອຍະການສູງສຸດ,ເພື່ອດຳເນີນຄະດີຕໍ່ໄປ.
|
|
|
