|
ຄວນເປີດກວ້າງຂົງເຂດຮ່ວມມມືດ້ານເສດຖະກິດການຄ້າຢ່າງບໍ່ຢຸດຢັ້ງ
cri
ຕາມຂ່າວສານຊິນຮວາ, ວັນທີ25ກັນຍາ, ຢູ່ເມືອງສາງຊາແຂວງຫູໜານຈີນ, ທ່ານນາງອູຢີ ຮອງນາຍົກລັດຖະມົນຕີຈີນກ່າວວ່າ, ການພົວພັນດ້ານເສດຖະກິດການຄ້າລະຫວ່າງຈີນກັບຍີ່ປຸ່ນແມ່ນພາກສ່ວນປະກອບທີ່ສຳຄັນໃນການພົວພັນລະຫວ່າງສອງຝ່າຍ, ເສດຖະກິດຈີນຍີ່ປຸ່ນມີຄວາມຕາບຈູນກັນຫຼາຍ, ສອງປະເທດຄວນເປີດກວ້າງຂົງເຂດຮ່ວມມືດ້ານເສດຖະກິດການຄ້າຢ່າງບໍ່ຢຸດຢັ້ງ.
ທ່ານນາງອູຢີແມ່ນກ່າວຄວາມນີ້ໃນເວລາພົບປະທ່ານນີຄາອີ ໂທຊີຮີໂລ ລັດຖະມົນຕີວ່າການກະຊວງອຸດສາຫະກຳເສດຖະກິດຍີ່ປຸ່ນ.
ທ່ານນາງອູຢີເວົ້າວ່າ, ຈີນເອົາໃຈໃສ່ຂະຫຍາຍການພົວພັນກັບຍີ່ປຸ່ນ, ຫວັງໃຫ້ຝ່າຍຍີ່ປຸ່ນຈົ່ງທຳຄວາມພະຍາຍາມທີ່ມີລັກສະນະສ້າງສັນ, ລົບລ້າງຄວາມອຸປະສັກດ້ານການເມືອງ, ບັນລຸເປົ້າໝາຍທີ່ຢູ່ຮ່ວມກັນໂດຍສັນຕິ, ມີໄມຕີຈິດຕໍ່ກັນທຸກເຊັນຄົນ, ຮ່ວມມືກັນແບບຕ່າງຝ່າຍຕ່າງມີຜົນປະໂຫຍດແລະພ້ອມກັນພັດທະນາລະຫວ່າງຈີນກັບຍີ່ປຸ່ນ.
ທ່ານນີຄາອີກ່າວວ່າ, ການພົວພັນຍີ່ປຸ່ນຈີນສຳຄັນທີ່ສຸດ, ຝ່າຍຍີ່ປ່ນຸຍິນດີຕັ້ງໜ້າພະຍາຍາມ, ຊຸກຍູ້ຍີ່ປຸ່ນກັບຈີນມີໄມຕີຈິດຕໍ່ກັນທຸກເຊັນຄົນ, ຊຸກຍູ້ການພົວພັນເສດຖະກິດການຄ້າລະຫວ່າງສອງປະເທດຂະຫຍາຍໄປໜ້າຢ່າງບໍ່ຢຸດຢັ້ງ.
|
|
