ຕາມຂ່າວ CRI: ວັນ​ທີ 25 ກັນຍາ ທ່ານ​ອະພິສິດ ​ເວດ​ຊາ​ຊິ​ວະ ອະດີດປະທານ​ພັກປະ​ຊາ​ທິ​ປັດ ​ເຊິ່ງ​ແມ່ນ​ພັກ​ຝ່າຍ​ຄ້ານ​ໃຫຍ່​ກວ່າ​ໝູ່​ຂອງ​ໄທ​ໄດ້​ຮຽກຮ້ອງ​ໃຫ້​ຄະນະ​ປະຕິ​ຮູບ​ການ​ປົກ​ຄອງ​ຂອງ​ໄທ​ເອົາ​ອຳນາດການ​ປົກຄອງ​ໃຫ້​ປະ​ຊາຊົນ​ໂດຍ​ໄວ​ເທົ່າ​ທີ່​ຈະ​ໄວ​ໄດ້.

ທ່ານ​ອະພິສິດ​ໄດ້​ຂຽນ​​ໃນ​ເວັບ​ໄຊ​ຂອງ​ຕົນ​ທີ່​ເປີດ​ໃນ​ມື້​ດຽວ​ກັນ​ວ່າ, ​ເຖິງ​ວ່າ "ການ​ປະ​ຕິ​ຮູບ​ການ​ປົກຄອງ"​ ​ໄດ້​ດຳ​ເນີນ​ໄປ​ຢ່າງ​ສະດວກ, ​ແຕ່​ຄະນະ​ປະຕິ​ຮູບ​ການ​ປົກ​ຄອງ​ຄວນ​ເລັ່ງ​ລັດ​ສ້າງຕັ້ງຄະນະ​ລັດຖະບານ​ຊົ່ວຄາວ ​ປະຕິ​ຮູບ​ການ​ເມືອງ ຈັດການ​ເລືອກ​ຕັ້ງ​ໃນ​ທົ່ວ​ປະ​ເທດ​ຮອບ​ໃໝ່, ​ເພື່ອ​ເອົາ​ອຳນາດ​ການ​ປົກຄອງໃຫ້ປະຊາຊົນ​ໂດຍ​ໄວ​ເທົ່າ​ທີ່​ຈະ​ໄວ​ໄດ້, ​ແລະ​ພິ​ສູດ​ຄຳ​ໝັ້ນ​ສັນ​ຍາ​ຂອງ​ຕົນຕໍ່​ຊາວ​ໂລກ​ວ່າ ຜູ່​ນຳ​ຄະ​ນະ​​ປະ​ຕິ​ຮູບ​ການ​ປົກ​ຄອງ​ບໍ່​ມີ​ເຈດ​ຕະ​ນາ​ຢາກ​ກຳ​ອຳ​ນາດອີກ.