|
ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີ,ທ່ານຜູ້ຟັງທີ່ເຄົາລົບ,ເປັນຈັ່ງໃດໃນມື້ວານມີ້ກ່ອນທີ່ເປັນວັນທ້າຍສັບປະດາ,ມີຄວາມມ່ວນຊື່ນຫຼາຍຫຼືບໍ່ມື້ນີ້?ລາຍການ"ຂົວທາງອາກາດ"ໄດ້ວຽນມາພົບກັບທ່ານອີກຕາມເຄີຍ.ຫວ່າງມໍ່ໆນີ້,ນ້ອງສີວອນທີ່ຢູ່ບ້ານໂພນໄຊ ເມືອງແລະແຂວງຫຼວງນ້ຳທາໄດ້ຝາກຈົດໝາຍມາຍັງພວກເຮົາໂດຍຂຽນວ່າ,"ນ້ອງເອງກໍ່ຍັງຕິດຕາມຮັບຟັງວິທະຍຸ CRI ຢ່າງເປັນປົກກະຕິ,ແຕ່ວ່າ,ໄລຍະນີ້ບໍ່ຄ່ອຍຈະໄດ້ສົ່ງຂ່າວຄາວມາຫາ,ເພາະຫຍຸ້ງກັບວຽກງານຫຼາຍແດ່,ແຕ່ກໍ່ຍັງຮັບຟັງຢູ່ເປັນປະຈຳ,ເພາະວິທະຍຸ CRI ຂອງພວກເຮົາເປັນສື່ຜູກມິດສຳພັນກັບຜູ້ຟັງທົ່ວທຸກເຂດແຄວ້ນ,ເພາະ CRI ເປັນໃຈກາງຂອງເພື່ອນມິດທຸກມຸມໂລກເຊິ່ງໄດ້ຮັບແຕ່ເລື່ອງລາວຄວາມຮູ້ສາລະຂ່າວສານບັນເທີງຕ່າງໆ.ສຳລັບແບບຮຽນພາສາຈີນແລະແຜ່ນ CD,ນ້ອງໄດ້ຮັບແລ້ວ.ຂໍຂອບໃຈເປັນຢ່າງຍິ່ງ,ນ້ອງຈະພະຍາຍາມຄົ້ນຄວ້າຮ່ຳຮຽນເພື່ອມິດຕະພາບລະຫວ່າງຈີນ-ລາວໃຫ້ແໜ້ນແຟ້ນຂຶ້ນກວ່າເກົ່າ."
ທ່ານສີວອນຕີລາຄາສູງລາຍການຂອງພວກເຮົາແບບນີ້,ໂດຍຖືວິທະຍຸCRIເປັນສູນເຜີຍແຜ່ຄວາມຮູ້ສູ່ທຸກມຸມໂລກ,ອັນນີ້ແມ່ນຄຳຍ້ອງທີ່ມີຄຸນຄ່າທີ່ສຸດຕໍ່ພວກເຮົາ,ທີ່ຈິງແລ້ວ,ລາຍການຂອງພວກເຮົາຍັງມີຫຼາຍບ່ອນຄວນປັບປຸງໃຫ້ດີກວ່າເກົ່າ,ຖ້າວ່າທ່ານມີຄວາມເຫັນຫຍັງ,ຫຼືວ່າທ່ານມີຄວາມປາຖະໜາຫຍັງເພິ່ມເຕິມກໍ່ບໍ່ຕ້ອງເກງໃຈເຊີນຝາກຈົດໝາຍມາຫາພວກເຮົາໂລດ,ພວກເຮົາຍິນດີທີ່ສຸດທີ່ຈະໄດ້ຮັບຂໍ້ສະເໜີຂອງທ່ານ,ພ້ອມກັນນັ້ນກໍ່ຫວັງວ່າລາຍການຂອງພວກເຮົາຄົງຈະຊ່ອຍທ່ານຮູ້ໂລກກວ້າງໄກກວ່າເກົ່າ,ພ້ອມທັງໃຫ້ຄວາມຮູ້ແລະເປັນເພື່ອນມິດທີ່ໃກ້ຊິດສະນິດສະໜົມກັບທ່ານຫຫຼາຍກວ່າສື່ອື່ນໆ.
ສຸດທ້າຍ,ພວກເຮົາຂໍຈັດເພງມ່ວນໆເພງໜຶ່ງສູ່ທ່ານຟັງ,ເພງນີ້ຊື່ວ່າ"ຊິ່ວທ່ຽນເຕີທົງຮວ້າ",ແປວ່າ"ນິທານເດັກລະດູໃບໄມ້ຫຫຼົ່ນ",ເຊີນຟັງໄດ້ເລີຍ.
|
