|
|
 |
| (GMT+08:00)
2006-09-26 18:10:13
|
 |
|
ຈີນສົ່ງເສີມແລະສະໜັບສະໜູນອາເມລິກາກັບສປປເກົາຫຼີສົນທະນາໂດຍກົງກ່ຽວກັບບັນຫານິວເຄຼຍແຫຼມເກົາຫຼີ
cri
ຕາມຂ່າວCRI, ວັນທີ26ກັນຍາ, ທ່ານສິນກາງ ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຈີນສົ່ງເສີມແລະສະໜັບສະໜູນອາເມລິກາກັບສປປເກົາຫຼີສົນທະນາໂດຍກົງກ່ຽວກັບບັນຫານິວເຄຼຍແຫຼມເກົາຫຼີ.
ໃນເວລາຕອບຄຳຖາມຂອງນັກຂ່າວກ່ຽວກັບການເຈລະຈາຫົກຝ່າຍໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງ, ທ່ານສິນກາງຫວັງໃຫ້ອາເມລິກາແລະສປປເກົາຫຼີໃນຖານະເປັນຜູ້ກ່ຽວຕົ້ນຕໍຜ່ານຈາກການປຶກສາຫາລືກັນແກ້ໄຂບັນຫາທີ່ຄົງຄ້າງຢູ່ລະຫວ່າງສອງປະເທດຢ່າງເໝາະສົມດ້ວຍທ່າທີທີ່ຄ່ອງແຄ້ວແລະຕິດແທດຕົວຈິງ. ທ່ານຍັງກ່າວວ່າ, ການບັນລຸໃຫ້ແຫຼມເກົາຫຼີປາດສະຈາກນິວເຄຼຍ, ປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີແລະພາກພື້ນອາຊີຕາເວັນອອກສຽງເໜືອແມ່ນຫຼັກໝັ້ນສະເໝີຕົ້ນສະເໝີປາຍຂອງຈີນ, ຈີນຈະສືບຕໍ່ທຳຄວາມພະຍາຍາມທີ່ມີລັກສະນະສ້າງສັນເພື່ອເລື່ອງນີ້, ກໍຫວັງໃຫ້ບັນດາຝ່າຍທີ່ກ່ຽວຂ້ອງທຳຄວາມພະຍາຍາມທີ່ມີລັກສະນະສ້າງສັນຄືກັນ.
|
|
|
