|
ຕາມຂ່າວສານຊິນຮວາ: ວັນທີ 27 ກັນຍາ ກຳປູເຈຍແລະຫວຽດນາມໄດ້ຈັດພິທີຢູ່ບາເວັດ-ມົກບາຍ ເຂດຊາຍແດນສອງປະເທດ, ເພື່ອສະຫຼອງການເລີ່ມປັກຫຼັກໝາຍຊາຍແດນຢ່າງເປັນທາງການ.
ທ່ານຮຸນແຊນ ນາຍົກລັດຖະມົນຕີກຳປູເຈຍໄດ້ເຂົ້າຮ່ວມພິທີ ທ່ານກ່າວວ່າ, ການປັກຫຼັກໝາຍຊາຍແດນໄດ້ຕອບສະໜອງຄວາມປາຖະໜາຂອງປະຊາຊົນສອງຊາດທີ່ໃຫ້ແກ້ໄຂຂໍ້ພິພາດດ້ານຊາຍແດນໃນໄລຍະຍາວນານມານີ້, ຈະເປີດໜ້າໃໝ່ທີ່ເຕັມໄປດ້ວຍຄວາມຫວັງໃຫ້ການພົວພັນລະຫວ່າງສອງປະເທດ. ທ່ານຫງຽນຕັນດຸງ ນາຍົກລັດຖະມົນຕີຫວຽດ ນາມກ່າວວ່າ, ການປັກຫຼັກໝາຍຊາຍແດນແມ່ນເຫດການປະຫວັດສາດ, ພາຍຫຼັງຂີດແບ່ງຊາຍແດນຢ່າງຈະແຈ້ງແລ້ວ, ເສດຖະກິດຂອງສອງປະເທດຍ່ອມຈະໄດ້ຮັບການພັດທະນາຕື່ມອີກ.
|
