|
ມີວິທີການໃໝ່ຊະນິດໜຶ່ງຂອງອາຊີວະສຶກສາກຳລັງເຜີຍແຜ່ຢູ່ແຫ່ງຕ່າງໆຂອງຈີນ.ວິທີການການສຶກສາທີ່ເອີ້ນວ່າ"ການຮຽນຈາກປື້ມກັບການຝຶກງານຕົວຈິງໄປຄຽງຄູ່ກັນ"ເຮັດໃຫ້ນັກຮຽນທັງຮຽນທິດສະດີວິຊາສະເພາະ,ທັງມີໂອກາດໄປຝຶກງານຢູ່ວິສາຫະກິດ.ຜູ້ຮຽນຈົບດ້ວຍວິທີການແບບນີ້,ມີຄວາມສາມາດໃນວຽກງານຕົວຈິງຢ່າງຊຳນິຊຳນານ,ແລະໄດ້ຮັບຄວາມ ຊົມເຊີຍຈາກວິສາຫະກິດ.
ທີ່ຈິງແລ້ວ,"ການຮຽນຈາກປື້ມກັບການຝຶກງານຕົວຈິງໄປຄຽງຄູ່ກັນແມ່ນວິທີການຂອງອາຊີວະສຶກສາຊະນິດໜຶ່ງທີ່ເຮັດໃຫ້ການຮຽນທິດສະດີກັບພາກຕົວຈິງດຳເນີນໄປຄຽງຄູ່ກັນ.ຢູ່ແຂວງຮູນານທາງພາກກາງຂອງຈີນ,ມີໂຮງຮຽນວິຊາຊີບຂອງ38ເມືອງພວມຈັດ ການສຶກສາແບບນີ້.ນັກຮຽນຂອງໂຮງຮຽນເຫຼົ່ານີ້ສາມາດເລືອກຮຽນ14ວິຊາຕາມຄວາມຕ້ອງການຂອງຕົນ ຄື ການຄຸ້ມຄອງໂຮງແຮມ ການເຮັດເບົ້າຫຼໍ່ເຄື່ອງຕ່າງໆແລະການຈໍລະຈອນສິນຄ້າເປັນຕົ້ນ.ໃນການຮ່ຳຮຽນເປັນເວລາ3ປີ,ເມື່ອຮຽນໄປເຄິ່ງປີແລ້ວ,ນັກຮຽນກໍຈະຕ້ອງໄປຝຶກງານຕົວຈິງຢູ່ວິສາຫະກິດເປັນເວລາເຄິ່ງປີ,ແລະໄດ້ເງິນເດືອນສ່ຳໃດສ່ຳໜຶ່ງ. ພາຍຫັຼງຮ່ຳຮຽນແລະເຝິກງານຄົບ3ປີແລ້ວ,ພວກເຂົາເຈົ້າຈະໄດ້ຮັບໃບຢັ້ງຢືນການຮຽນຈາກໂຮງຮຽນວິຊາສະເພາະຊັ້ນກາງແລະໃບຢັ້ງຢືນປະສົບການສີໄມ້ລາຍມືຢ່າງໃດຢ່າງ ໜຶ່ງ,ແລະຈະໄດ້ໄປເຮັດວຽກຢູ່ວິສາຫະກິດທີ່ເຊັນຂໍ້ຜູກພັນກັບໂຮງຮຽນນັ້ນຢ່າງສະດວກ.
ທ່ານຢາງຕົ້ງລຽງ ຫົວໜ້າສະຖາບັນອາຊີວະສຶກສາວິທະຍາສາດເຕັກນິກແຂວງຮູນານເວົ້າ ວ່າ,ປະຈຸບັນນີ້,ໂຮງຮຽນຫຼັງນີ້ໄດ້ເຊັນຂໍ້ຜູກພັນກັບວິສາຫະກິດ5ແລ້ວ.
"ໂຮງຮຽນພວກເຮົາຈັດວາງແຜນການອົບຮົມນັກຮຽນຕາມຄວາມຮຽກຮ້ອງຕ້ອງການຂອງວິສາຫະກິດ.ສະນັ້ນ,ທີ່ຈິງແລ້ວ,ກ່ອນນັກຮຽນຮຽນຈົບກໍໄດ້ຊອກໄດ້ວຽກເຮັດໄວ້ກ່ອນແລ້ວ, ຄວນວ່າ,ການປະກອບອາຊີບແມ່ນບໍ່ມີບັນຫາຫຍັງດອກ.ປີໜ້າໂຮງຮຽນພວກເຮົາມີແຜນຈະຮັບນັກຮຽນປະມານ2ພັນຄົນ."
ຍ້ອນນັກຮຽນທີ່ກໍ່ສ້າງດ້ວຍວິທີເອົາ"ການຮຽນຈາກປື້ມກັບການຝຶກງານຕົວຈິງໄປຄຽງຄູ່ກັນ"ນັ້ນສາມາດຕອບສະໜອງຄວາມຮຽກຮ້ອງຂອງວຽກງານຢ່າງວ່ອງໄວ,ຈຶ່ງໄດ້ຮັບຄວາມຊົມເຊີຍຈາກຫຼາຍວິສາຫະກິດ.ວິສາຫະກິດບໍລິການກິນດື່ມທີ່ຊື່ວ່າ"ເຂົາງົວຄຳ" ຂອງເມືອງຊາງຊ່າແຂວງຮູນານກໍໄດ້ເຊັນສັນຍາສະຖາບັນອາຊີວະສຶກສາວິທະຍາສາດເຕັກ ນິກແຂວງຮູນານ.ທ່ານນາງໄຊ້ອ້ຽນ ຜູ້ຈັດການໃຫຍ່ຂອງບໍລິສັດນີ້ບອກນັກຂ່າວວ່າ,ໃນຖາ ນະທີ່ເປັນວິສາຫະກິດໜຶ່ງ,ພວກເພິ່ນເຫັນດີເຫັນພ້ອມນຳວິທີການການສຶກສາແບບນີ້,ແລະ ຍິນດີເຂົ້າຮ່ວມວຽກງານອົບຮົມນັກຮຽນ.ນາງເວົ້າວ່າ:"ບໍລິສັດພວກເຮົາກໍຈະສົ່ງຄູສອນວິສາສະເພາະດ້ານຊັບພະຍາກອນມະນຸດໄປອົບຮົມນັກຮຽນຢູ່ໂຮງຮຽນ,ເຮັດແບບນີ້,ນັກ ຮຽນຈະເຊື່ອມໂຍງເຂົ້າວິສາຫະກິດພວກເຮົາໄດ້ໄວທີ່ສຸດ,ໃຊ້ເວລາພຽງແຕ່ສາມມື້ຮອດຫ້າມື້ກໍຈະລື້ງກັບວຽກງານໄດ້ໂລດ."
ທີ່ຈິງແລ້ວ,ວິສາຫະກິດຫຼວງຫຼາຍເຫັນດີເຫັນຊອບນຳວິທີໃຫ້ເອົາ"ການຮຽນຈາກປື້ມກັບການຝຶກງານຕົວຈິງຄຽງຄູ່ກັນໄປ"ນັ້ນໄດ້ຮັບຄວາມຊົມເຊີຍຈາກວິສາຫະກິດຢ່າງຫຼວງ ຫຼາຍ,ໄດ້ສ່ອງແສງໃຫ້ເຫັນບັນຫາຂໍ້ໜຶ່ງທີ່ລະບອບອາຊີວະສຶກສາຂອງຈີນປະເຊີນໃນສະເພາະໜ້ານີ້,ນັ້ນກໍຄື ການຮຽນທິດສະດີກັບພຶດຕິກຳຕົວຈິງແຍກອອກຈາກກັນ,ນັກຮຽນໄດ້ຮຽນຮູ້ແຕ່ທິດສະດີພື້ນຖານອ່າວບໍລິບູນໃນໂຮງຮຽນ,ແຕ່ພັດບໍ່ມີໂອກາດໄປປະຕິບັດຕົວຈິງ.ທັງນີ້ເຮັດໃຫ້ພວກເຂົາເຈົ້າບໍ່ມີຄວາມສາມາດເຮັດວຽກຕົວຈິງໃນຍາມຮຽນ,ຈຶ່ງຍາກທີ່ຈະຕອບສະໜອງຄວາມຮຽກຮ້ອງຕ້ອງການຂອງວິສາຫະກິດໂດວໄວໄດ້.ການລິເລີ່ມ ຂອງວິທີການສຶກສາແບບ"ການຮຽນຈາກປື້ມກັບການຝຶກງານຕົວຈິງໄປຄຽງຄູ່ກັນ"ສາ ມາດແກ້ໄຂບັນຫາດັ່ງກ່າວ,ໄດ້ຫຼຸດຕົ້ນທຶນການອົບຮົມຂອງວິສາຫະກິດທີ່ຕ້ອງຈ່າຍພາຍ ຫຼັງໄດ້ຮັບເອົານັກຮຽນເຂົ້າເຮັດວຽກ.ສະນັ້ນ,ວິທີການການສຶກສາດັ່ງກ່າວກໍຄ່ອຍໆເຜີຍແຜ່ຢູ່ແຫ່ງຕ່າງໆຂອງຈີນ.
ຢູ່ເມືອງເຟີ່ງໄຄ່ແຂວງກວາງຕຸ້ງທາງພາກຕາເວັນອອກສຽງໃຕ້ຂອງຈີນ,ມີວິສາຫະກິດທຶນໄຕ້ຫວັນ9ຫຼັງໄດ້ເຊັນສັນຍາກັບໂຮງຮຽນວິຊາຊີບທ້ອງຖິ່ນດັ່ງກ່າວ,ດຳເນີນແຜນການອົບ ຮົມຕາມແບບ"ການຮຽນຈາກປື້ມກັບການຝຶກງານຕົວຈິງໄປຄຽງຄູ່ກັນ".ທ່ານເຊິນຮ້ວນ ຈ່າວ ຄູໃຫຍ່ໂຮງຮຽນວິຊາຊີບຊັ້ນກາງເມືອງເຟີ່ງໄຄ່ເວົ້າສູ່ຟັງວ່າ,ນັກຮຽນຂອງໂຮງຮຽນຫຼັງນີ້ຮຽນທິດສະດີເຄິ່ງປີ,ແລ້ວຝຶກງານເຄິ່ງປີ,ນັກຮຽນສາມາດເອົາເງິນເດືອນທີ່ໄດ້ຈາກການຝຶກງານມາຈ່າຍຄ່າຮຽນ,ແລະຜົນການຝຶກງານຂອງນັກຮຽນກໍໄດ້ຂຽນເຂົ້າໃນໃບຄະແນນ.
ໃນເວລາໄປເອົາຂ່າວ,ນັກຂ່າວໄດ້ສັງເກດເຫັນວ່າ,ຜ່ານການອົບຮົມດ້ວຍວິທີ"ການຮຽນຈາກປື້ມກັບການຝຶກງານຕົວຈິງໄປຄຽງຄູ່ກັນ"ນັ້ນ,ກ່ອນຮຽນຈົບ,ນັກຮຽນສ່ວນຫຼາຍໄດ້ມີສີໄມ້ລາຍມືຕົວຈິງຢ່າງຊຳນິຊຳນານແລ້ວ,ນອກນີ້,ນັກຮຽນຍັງໄດ້ຮຽນຮູ້ລະບຽບແລະຄວາມຕ້ງການຂອງວິສາຫະກິດໃນເວລາຝຶກງານ,ສະນັ້ນ,ວິສາຫະກິດຈຶ່ງຍາດກັນຮັບນັກຮຽນແບບນີ້ເຂົ້າເຮັດວຽກ.ນ້ອງຢານຮຸ່ຍ ນັກຮຽນຂອງໂຮງຮຽນວິຊາຊີບຊັ້ນກາງເມືອງເຟີ່ງໄຄ່ແຂວງກວາງຕຸ້ງ ບອກນັກຂ່າວວ່າ,ສະພາບການປະກອບອາຊີບຂອງນັກຮຽນໂຮງຮຽນຫຼັງນີ້ດີກວ່ານັກຮຽນຂອງໂຮງຮຽນມັດທະຍົມປາຍ.ນ້ອງເວົ້າວ່າ: (ປ່ອຍອັດສຽງ)
"ດຽວນີ້,ນັກສຶກສາມະຫາວິທະຍາໄລກໍຊອກວຽກຍາກ,ພວກເຮົາທັງຮຽນຈາກຕຳລາທັງຝຶກງານຕົວຈິງໄປພ້ອມ,ເມື່ອຮຽນຈົບແລ້ວ,ຫາວຽກກໍງ່າຍຫຼາຍ."
ຕາມຮູ້ວ່າ,ຢູ່ປະເທດພັດທະນາແລ້ວ,ວິທີການການສຶກສາແບບນີ້ໄດ້ມີປະຫວັດຮ້ອຍກວ່າປີແລ້ວ.ຢູ່ເຢຍລະມັນ,ໃນອາທິດໜຶ່ງ,ນັກຮຽນເຮັດວຽກ3ມື້ແລະຮຽນທິດສະດີ2ມື້,ມີນັກຮຽນ 60%ໄດ້ຮັບການສຶກສາແບບນີ້.ຢູ່ອາເມລິກາ,ນັກຮຽນມີໂອກາດເຮັດວຽກໃນຍາມພັກຮຽນຍາມຮ້ອນຫຼືຝຶກງານເພື່ອອະນາຄົດ.
ແຕ່ວ່າ,ປະຈຸບັນນີ້,ຢູ່ຈີນ,ວິທີການສຶກສາແບບນີ້ຍັງມີອຸປະສັກກີດຂວາງຫຼາຍຢ່າງ.ຕົວຢ່າງ ຄື ທັດສະນະຄະຕິເກົ່າແກ່ທີ່ເນັ້ນໜັກພາກທິດສະດີ ຖືເບົາສີໄມ້ລາຍມືຕົວຈິງເປັນຕົ້ນຍັງຄົງຕົວຢູ່.ກ່ຽວກັບສະພາບການດັ່ງກ່າວ,ທ່ານຢູຈູກວ່າງ ຜູ້ຊ່ຽວຊານສະຖາບັນຄົ້ນຄວ້າສູນອາຊີວະສຶກສາຂອງກະຊວງສຶກສາທິການຈີນເວົ້າວ່າ,ໃນຂະນະທີ່ອອກແຮງພັດທະນາການສຶກສາຊັ້ນສູງແລະບຳລຸງສ້າງຜູ້ມີຄວາມຮູ້ຄວາມສາມາດດີເດັ່ນ,ຈີນຄວນເພີ່ມການກໍ່ສ້າງຜູ້ມີຄວາມຮູ້ຄວາມສາມາດດ້ານເຕັກນິກ.ວິທີກການສຶກສາທີ່ໃຫ້"ການຮຽນຈາກປື້ມກັບການຝຶກງານຕົວຈິງໄປຄຽງຄູ່ກັນ"ເປັນໜ້າຈະໃຫ້ໂຮງຮຽນວິຊາຊີບປະເພດຕ່າງໆຂອງຈີນຖອດຖອນເອົາໄປໃຊ້.
"ຖ້າເວົ້າຕາມຄວາມໝາຍໂດຍລວມແລ້ວ,ວິທີ"ການຮຽນຈາກປື້ມກັບການຝຶກງານຕົວຈິງໄປຄຽງຄູ່ກັນ"ແມ່ນທິດຂະຫຍາຍຕົວຢ່າງໜຶ່ງ,ໂດຍສະເພາະແມ່ນເວົ້າໃນດ້ານການສຶກສາຕະຫຼອດຊີວິດ."
|
