|
|
 |
| (GMT+08:00)
2006-09-29 15:28:43
|
|
ອາເມລິກາປະກາດເຊົາໃຫ້ການຊ່ວຍເຫຼືອແກ່ໄທ
cri
Author: cai
ຕາມຂ່າວສານຊີນຮວາ:ວັນທີ 28 ກັນຍາ,ກະຊວງການຕ່າງປະເທດອາເມລິກາປະກາດວ່າ,ເນື່ອງຈາກວ່າໄທໄດ້ເກີດການລັດຖະປະຫານທາງການທະຫານໃນຫວ່າງມໍ່ໆນີ້,ອາເມລິກາຕົກລົງເຊົາຊ່ວຍເຫຼືອເກືອບ 24 ລ້ານໂດລາຕໍ່ລັດຖະບານໄທ.
ໃນກອງປະຊຸມຖະແຫຼງຂ່າວ,ທ່ານຊີນ ເມັກໂຄມາກ ໂຄສົກກະຊວງການຕ່າງປະເທດອາເມລິກາເວົ້າວ່າ,ເງິນຊ່ວຍເຫຼືອທີ່ເຊົາໃຫ້ນັ້ນລວມທັງຄ່າໃຊ້ຈ່າຍໃນການຝຶກທະຫານໄທ ການຊື້ເອົາຍຸດໂທປະກອນພ້ອມທັງການເຄື່ອນໄຫວເພື່ອຮັກສາສັນຕິພາບ,ແຕ່ບໍ່ລວມທັງເງິນທີ່ໃຊ້ເພື່ອຈຸດປະສົງມະນຸດສະທຳ.
ຕາມຂ່າວແຈ້ງວ່າ,ໃນຂະນະທີ່ລັດຖະບານອາເມລິກາຕິຕຽນຢ່າງຮຸນແຮງຕໍ່ທະຫານໄທທີ່ກໍ່ລັດຖະປະຫານ,ກອງບັນຊາການຂອງກອງທະຫານອາເມລິກາປະຈຳມະຫາສະໝຸດປາຊີຟິກໄດ້ອອກຄຳສັ່ງໃຫ້ຢຸດຕິປະຕິບັດໜ້າທີ່ຊົ່ວຄາວແລະການເຄື່ອນໄຫວຢ້ຽມຢາມທັງໝົດຢູ່ໄທ.
|
|
|
