|
 ທ່ານຜູ້ຟັງທີ່ໂຄລົບ,ໃນວົງການຮູບເງົາຈີນມີຜູ້ກຳກັບການສະແດງໜຸ່ມກຸ່ມໜຶ່ງ,ໃນການແກ່ງແຍ່ງໃນຕະຫຼາດທີ່ດຸເດືອດ,ເຂົາເຈົ້າຍຶດໝັ້ນເປົ້າໝາຍສິລະປະຂອງຕົນ,ພ້ອນກັນນັ້ນກໍພະຍາຍາມເຮັດໃຫ້ຜູ້ຊົມໃກ້ຊິດກັບຕະຫຼາດ,ຮູບເງົາຂອງເຂົາເຈົ້າໄດ້ຮັບຄວາມສົນໃຈນັບມື້ນັບຫຼາຍຢູ່ຈີນແລະຕ່າງປະເທດ.ໃນລາຍການຈີນປັດຈຸບັນພາກນີ້,ເຊີນຟັງບົດແຈ້ງຂ່າວຂອງນັກຂ່າວcri.
ໃນຫຼາຍປີມານີ້,ລາຍໄດ້ຈາກາກນຂາຍປີ້ໃນຕະຫຼາດຮູບເງົາຈີນສ່ວນຫຼາຍໄດ້ຖືກບາງຮູບເງົາໃຫຍ່ທີ່ນຳເຂົ້າແລະຮູບເງົາທີ່ລົງທຶນຫຼາຍພາຍໃນປະເທດນັ້ນແບ່ງປັນເອົາໄປ,ສ່ວນຮູບເງົາຕົ້ນທຶນຕ່ຳທີ່ຜູ້ກຳກັບການສະແດງໜຸ່ມຖ່າຍນັ້ນມີໂອກາດໜ້ອຍທີ່ສຸດທີ່ຈະໄດ້ສາຍໃນໂຮງຮູບເງົາເຖິງຈະສາຍໄດ້,ຂາຍປີ້ກໍ່ບໍ່ຫຼາຍປານໃດ,ແຕ່ໃນລະດູຮ້ອນປີນີ້,ຮູບເງົາເລື່ອງ"ເພັດບ້າບິ່ນ"ທີ່ພຽງແຕ່ລົງທຶນ4ລ້ານກວ່າຢວນນັ້ນພັດໄດ້ຂາຍປີ້ເກືອບ20ລ້ານຢວນ,ທ້າວນິງຮ້າວ ຜູ້ກຳກັບການສະແດງແມ່ນຊາວໜຸ່ມຜູ້ນຶ່ງທີ່ມີອາຍຸບໍ່ຮອດ30ປີ.ນັກວິຈານຮູບເງົາຫຼາຍຄົນຂອງຈີນເອີ້ນຮູບເງົາເລື່ອງ"ເພັດບ້າບິ່ນ"ເປັນ"ພະລັງຊີວິດໃໝ່ໃຫ້ແກ່ຮູບເງົາທີ່ຈີນຜະລິດ".ຮູບເງົາເລື້ອງນີ້ໄດ້ໃຊ້ວິທີຕະຫຼົກ,ສະແດງໃຫ້ເຫັນຄວາມໄຮ້ສາລະຂອງຊີວິດຕົວຈິງ.ເນື້ອໃນຂອງຮູບເງົາແມ່ນຢູ່ໂຮງງານຮ້າງແຫ່ງໜຶ່ງ,ໄດ້ປະກົດເຫັນເພັດອັນລ້ຳຄ່າກ້ອນໜຶ່ງ,ສະນັ້ນ,ນັກທຸລະກິດທີ່ຢາກຊື້ທີ່ດິນໂຮງງານໄປປຸກເຮືອນຢູ່,ຫົວໜ້າພະແນກຮັກສາຄວາມສະຫງົບຂອງໂຮງງານແລະໂຈນໃຫຍ່ສາກົນເລີ່ມ"ຕໍ່ສູ້ຍາດແຍ່ງເພັດ"ດ້ວຍສະຕິປັນຍາແລະຄວາມກ້າຫານ,ໃນການຍາດແຍ່ງນັ້ນດັ່ງກ່າວໄດ້ເກີດເລື່ອງຕະຫຼົກຫຼາຍ.ທ່ານດີເຣັກ ເອວເລີ ນັກວິຈານຮູບເງົາຜູ້ອາວຸໂສຂອງວາລະສານວາໄຣຕີຂອງຮໍລີວູດໄດ້ຕີລາຄາສູງຕໍ່ຮູບເງົາເລື່ອງ"ເພັດບ້າບິ່ນ".ທ່ານເວົ້າວ່າ:
ໃນເວລາເຫັນຮູບເງົາຂອງທ້າວນິງຮ້າວ,ຂ້າພະເຈົ້າຮູ້ສຶກຕົກສະເງີ້,ຂ້າພະເຈົ້າເຄີຍເບິ່ງຮູບເງົາຂອງລາວໃນເມື່ອກ່ອນ,ແຕ່ຕ່າງກັບເລື້ອງນີ້ທັງນັ້ນ,ຂ້າພະເຈົ້າຕົກສະເງີ້ທີ່ໄດ້ເຫັນລາວຖ່າຍຮູບເງົາທີ່ມີລັກສະນະຕ່າງກັບເມື່ອກ່ອນຢ່າງສິ້ນເຊີງ,ນີ້ແມ່ນຮູບເງົາທີ່ດີຫລາຍໍ.ບົດລະຄອນຂອງຮູບເງົາດີທີ່ສຸດ,ອົງປະກອບກໍດີຄືກັນ,ນີ້ແມ່ນເລື່ອງສຳຄັນສຳລັບຮູບເງົາເລື້ອງໜຶ່ງ."
ທ້າວນິງຮ້າວພຽງແຕ່ແມ່ນຜູ້ໜຶ່ງໃນຜູ້ກຳກັບການສະແດງໜຸ່ມໄຟແຮງຂອງຈີນ.ໂດຍທົ່ວໄປແລ້ວ,ຜູ້ກຳກັບການສະແດງໜຸ່ມແມ່ນເກີດຂຶ້ນພາຍຫຼັງຊຸມປີ1970,ເມື່ອພວກເຂົາເຈົ້າຫາກໍ່ເຂົ້າໃນວົງການຮູບເງົາ,ກໍ່ໄດ້ພົບກະແສເສດຖະກິດຕະຫຼາດຂອງຈີນ.ພວກເຂົາເຈົ້າໄດ້ເລືອກເອົາແບບວິທີດຳລົງຊີບທີ່ຕ່າງຈາກຄົນຮຸ້ນກ່ອນ,ຄືປະຖິ້ມເງິນເດືອນຄົງທີ່,ກາຍເປັນຜູ້ມີອາຊີບອິດສະຫຼະຢ່າງແທ້ຈິງ.ທຳມະດາແລ້ວ,ພວກເຂົາເຈົ້າແມ່ນຊອກທຶນເອົາເອງເພື່ອຖ່າຍຮູບເງົາ.ກ່ອນຈະໄດ້ຮັບທຶນກ້ອນທຳອິດ,ພວກເຂົາເຈົ້າໄດ້ປະສົບຄວາມລະອິດລະອ້ຽວ,ຫຼາຍຄົນເຄີຍປະກອບອາຊີບຫຼາຍຊະນິດເພື່ອລ້ຽງຊີບ,ນີ້ກາຍເປັນປະສົບການອັນຈຳເປັນຂອງພວກເຂົາເຈົ້າເພື່ອປະດິດຄິດແຕ່ງໃນດ້ານສິລະປະ.ຮູບເງົາຂອງພວກເຂົາເຈົ້າໄດ້ນຳເອົາພະລັງຊີວິດໃໝ່ມາໃຫ້ຂະແໜງການຮູບເງົາຂອງຈີນ.ພ້ອມກັນນັ້ນ,ຮູບເງົາຂອງພວກເຮົາຍັງໄດ້ຮັບລາງວັນເລື້ອຍໆໃນງານຮູບເງົາຂອງຕ່າງປະເທດ.ຫວ່າງມໍ່ໆນີ້,ຮູບເງົາເລື່ອງ"ຄົນດີຂອງເຂດຊ່ານເຊຍ"ຂອງທ່ານເຈຍຈ່າງເຄີ່ ຜູ້ກຳກັບການສະແດງໜຸ່ມຂອງຈີນໄດ້ຮັບລາງວັນສິງຄຳໃນງານມະຫະກຳຮູບເງົາວີນີສ.ຮູບເງົາຂອງທ່ານເຈຍຈ່າງເຄີ່ມີລັກສະນະທີ່ບັນທຶກຊີວິດຈິງ,ໄດ້ສະແດງໃຫ້ເຫັນຄວາມຮູ້ສຶກທີ່ຖືກຕ້ອງແລະພິເສດຕໍ່ສັງຄົມຕົວຈິງຂອງຈີນ.
ຮູບເງົາເລື່ອງ"ສານຢູ່ເທິງຫຼັງມ້າ"ຂອງທ່ານລິວເຈຍ ຜູ້ກຳກັບການສະແດງໜຸ່ມອີກຜູ້ໜຶ່ງກໍ່ໄດ້ຮັບລາງວັນຮູບເງົາດີເດັ່ນກວ່າໝູ່ຂອງຢູເນັດ(unit)ເສັ້ນຂອບຟ້າໃນງານມະຫະກຳຮູບເງົາວີນີສຄັ້ງທີ63.ຮູບເງົານີ້ແມ່ນຮຽບຮຽງຕາມປະສົບການ ຂອງທ່ານເຟີງ ຜູ້ພິພາກສາຂອງສານຮາກຖານຢູ່ເຂດຊົນເຜົ່າສ່ວນໜ້ອຍແຂວງຢຸນນານ.ທ່ານເຟີງໃຊ້ມ້າຕ່າງກາໝາຍຊາດ,ໄປໄຂສານໄຕ່ສວນຄະດີຢູ່ບ້ານພູດອຍສອກຫຼີກສາມແຫ່ງທີ່ບໍ່ມີທາງຫຼວງໄປຮອດ,ໄດ້ສ່ອງແສງໃຫ້ເຫັນຄວາມຂັດແຍ່ງກັນລະຫວ່າງທັດສະນະຄະຕິຕຸລາການຍຸກປະຈຸບັນກັບຊີວິດການເປັນຢູ່ຕົວຈິງແລະຮີດຄອງປະເພນີຂອງປະຊາຊົນເຂດພູດອຍຫ່າງໄກສອກຫຼີກ.ພາຍຫຼັງເບິ່ງຮູບເງົາເລື້ອງນີ້ແລ້ວ,ທ່ານວີນມາ ອັນເດີຊັນ ນັກທຸລະກິດຮູບເງົາມາຈາກຊູແອດເວົ້າຕໍ່ນັກຂ່າວວ່າ:
"ຂ້າພະເຈົ້າມັກຮູບເງົາ"ສານຢູ່ເທິງຫຼັງມ້າ"ຫຼາຍ,ຍ້ອນວ່າຮູບເງົາມາຈາກຊີວິດການເປັນຢູ່ຕົວຈິງ,ພ້ອມກັນນັ້ນສະແດງອອກມາດ້ວຍແບບວິທີທີ່ເຮັດໃຫ້ຄົນໄດ້ພິນິດພິຈາລະນາ,ເຖິງວ່າໃນຮູບເງົາບໍ່ໄດ້ໃຫ້ຄຳຕອບ,ແຕ່ວ່າພາບຂອງຮູບເງົາຍັງໄດ້ໃຫ້ຄະຕິແກ່ຄົນ.ເວົ້າລວມແລ້ວ,ພວກຂ້າພະເຈົ້າເລືອກຊື້ຮູບເງົາຈີນ,ຍ້ອນວ່າມັນໄດ້ສ່ອງແສງໃຫ້ເຫັນຊີວິດຕິວຈິງຂອງມະນຸດທົ່ວໄປ.ນີ້ແມ່ນສຳຄັນທີ່ສຸດຕໍ່ຮູບເງົາແລະທົ່ວໂລກ.
ຜູ້ກຳກັບການສະແດງໜຸ່ມທັງຫຼາຍຂອງຈີນລ້ວນແຕ່ຍຶດໝັ້ນເປົ້າໝາຍສິລະປະຂອງຕົນ,ແຕ່ເຖິງວ່າຂາຍປີ້ໄດ້ດີ,ຜູ້ກຳກັບການສະແດງກໍ່ບໍ່ເຂົ້າຮ່ວມການແບ່ງປັນລາຍໄດ້.ທ້າວເວນມາໄຊດ້ານ ຜູ້ກຳກັບການສະແດງໜຸ່ມຂອງເຜົ່າຕິເບດມີຄວາມຮູ້ສຶກເລິກເຊິ່ງຕໍ່ເລື່ອງນີ້.
ລາວເວົ້າວ່າ:
"ຖ້າຖ່າຍທຳຮູບເງົາເທື່ອທຳອິດ,ຜູ້ອື່ນຈະບໍ່ໄວ້ວາງໃຈ,ສະນັ້ນ,ກ່ອນອື່ນ,ການຊອກຫາເງິນທຶນກໍ່ຍາກຫຼາຍ,ເຖິງຈະໄດ້ກໍ່ບໍ່ຫຼາຍ,ຫຼັງຈາກຖ່າຍແລ້ວຍັງມີຕົ້ນທຶນຜະລິດກໍດີຢູ່ແລ້ວ."
ປັດຈຸບັນ,ຈີນຜະລິດຮູບເງົາປະມານ300ເລື້ອງຕໍ່ປີ,ຜູ້ຊົມຫວັງຢາກເບິ່ງຮູບເງົາທີ່ມີຫຼາຍລົດຊາດ,ລັດຖະບານຈີນເອົາໃຈໃສ່ສະໜັບສະໜູນສະໜູນຜູ້ກຳກັບການສະແດງໜຸ່ມ.ບາງອົງການກໍ່ເຫັນໄປໃນແງ່ດີຕໍ່ຜູ້ກຳກັບການສະແດງໜຸ່ມຂຈອງຈີນ."ໂຄງການຜູ້ກຳກັບການສະແດງດາລາໃໝ່ຂອງອາຊີ"ທີ່ລົງທຶນໂດຍທ່ານລິວເດີຮວາ ດາລາຮູບເງົາຮົງກົງກໍ່ໄດ້ສະໜອງໂອກາດໃຫ້ຜູ້ກຳກັບການສະແດງໜຸ່ມຂອງຈີນບາງຄົນ,ທ້າວນິງຮ້າວ ຜູ້ກຳກັບການສະແດງທີ່ເວົ້າເຖິງດັ່ງກ່າວກໍ່ແມ່ນຜູ້ໜຶ່ງ.ທ່ານອີກົວເຫວີຍ ຜູ້ຮັບຜິດຊອບການປະຕິບັດໂຄງການນີ້ແນະນຳໃຫ້ຮູ້ວ່າ:
"ໂຄງການດາລາໃໝ່ໄດ້ລົງທຶນ25ລ້ານໂດລາຮົງກົງ,ເພື່ອຖ່າຍທຳຮູບເງົາທີ່ມີຄວາມຊັດເຈນສູງ,ຢາກຊອກໄດ້ຜູ້ກຳກັບການສະແດງດີເດັ່ນຢູ່ທົ່ວອາຊີ,ຫວັງໃຫ້ມີກະແສຮູບເງົາອັນໃໝ່.ໃນໂຄງການມີຮູບເງົາ6ເລື້ອງ,ມີເລື້ອງໜຶ່ງແມ່ນໃຫ້ທ້າວນິງຮ້າວຂອງຈີນ ກຳກັບການສະແດງ.ມີຜູ້ກຳກັບການສະແດງຮົງກົງສອງຄົນ,ມາເລເຊຍຜູ້ໜຶ່ງ,ໄຕ້ຫວັນຜູ້ໜຶ່ງ,ພວກເຂົາເຈົ້າລ້ວນແຕ່ມີຊື່ສຽງໃດໜຶ່ງໃນລະດັບໂລກ.
ເຖິງວ່າການຈຳໜ່າຍຮູບເງົາຂອງຈີນຍັງມີບັນຫາຈຳນວນໜຶ່ງກໍຕາມ,ແຕ່ຈີນມີຕະຫຼາດຜູ້ຊົມບົ່ມຊ້ອນອັນໃຫຍ່ຫຼວງ,ແລະສະພາບແວດລ້ອມທີ່ນັບມື້ນັບເປີດໂອກາດເຮັດໃຫ້ຜູ້ກຳກັບການສະແດງໜຸ່ມຫຼາຍຄົນເຕັມໄປດ້ວຍຄວາມໝັ້ນໃຈ,ຮູບເງົາຂອງພວກເຮົມພວມເຮັດໃຫ້ຕະຫຼາດຮູບເງົາຈີນຍິ່ງມີຫຼາກຫຼາຍແບະຍິ່ງມີຊີວິດຊີວາ.
|
