|
|
 |
| (GMT+08:00)
2006-09-29 17:03:46
|
 |
|
ທາງລົດໄຟຊີງຫາຍ-ຕິເບດທົນຕໍ່ການທົດສອບຂອງລະດູຮ້ອນໂດຍພື້ນຖານ
cri
Author: cai
ຕາມຂ່າວໜັງສືພິມ"ເຢີນມີນຢື້ປ້າວ":ວັນທີ 28 ກັນຍາ,ຢູ່ນະຄອນລາຊາຂອງເຂດຕິເບດ,ທ່ານຊູ່ນຢົງຟູ ອະດີດລັດຖະມົນຕີຊ່ອຍວ່າການກະຊວງທາງລົດໄຟຈີນເວົ້າວ່າ,ການຂົນສົ່ງຂອງທາງລົດໄຟຊີງຫາຍ-ຕິເບດປອດໄພແລະໄວ້ໃຈໄດ້,ທາງລົດໄຟຢູ່ເຂດດິນກ້າມມີພື້ນຖານແໜ້ນໜາ,ການແລ່ນຂະບວນລົດໄຟບໍ່ມີຜົນກະທົບຕໍ່ສະພາບແວດລ້ອມຊີວະພາບຕາມທາງ,ທາງລົດໄຟໄດ້ທົນທານຕໍ່ການທົດສອບຢ່າງຂ້ຽວຂາດຂອງລະດູຮ້ອນໂດຍພື້ນຖານ.
ໂຄງການທາງລົດໄຟຊີງຫາຍ-ຕິເບດໄດ້ແກ້ໄຂບັນຫາຫຍຸ້ງຍາກ 3 ຂໍ້ຂອງໂລກໃນການກໍ່ສ້າງທາງລົດໄຟຄື"ດິນກ້າມຫຼາຍປີ ອາກາດໜາວຈັດແລະຂາດອັອກຊີແຊນ ຊີວະພາບອ່ອນແອ".ການຕິດຕາມວັດແທກຕໍ່ທາງລົດໄຟຕອນທົດລອງດິນກ້າມເປັນເວລາ 5 ປີລຽນຕິດນັ້ນສະແດງໃຫ້ເຫັນວ່າ,ພື້ນຖານທາງລົດໄຟຊີງຫາຍ-ຕິເບດຕອນດິນກ້າມຂຶ້ນຫຼືລົງໜ້ອຍກວ່າ 2 ຊັງຕິແມັດຕໍ່ປີ,ນີ້ໄດ້ສະແດງໃຫ້ເຫັນວ່າ,ພື້ນຖານທາງລົດໄຟຢູ່ເຂດດິນກ້າມແມ່ນແໜ້ນໜາດີ,ທາງລົດໄຟຊີງຫາຍ-ຕິເບດໄດ້ທົນທານຕໍ່ການທົດສອບຢ່າງຂ້ຽວຂາດຂອງລະດູຮ້ອນໂດຍພື້ນຖານແລ້ວ.ໃນເດືອນສິງຫາປີນີ້,ພາຍຫຼັງຜູ້ຊ່ຽວຊານດ້ານດິນກ້າມຂອງຈີນແລະຕ່າງປະເທດທີ່ເຂົ້າຮ່ວມກອງປະຊຸມດິນກ້າມສາກົນຂອງອາຊີໄດ້ທັດສະນະສຶກສາຢູ່ກັບບ່ອນແລ້ວເຫັນວ່າ,ທາງລົດໄຟຊີງຫາຍ-ຕິເບດສາມາດສະແດງໃຫ້ເຫັນລະດັບກ້າວໜ້າຂອງເຕັກນິກດິນກ້າມຂອງໂລກໃນຍຸກປະຈຸບັນ,ເປັນຕົວແທນຂອງຄວາມຄືບໜ້າຫຼ້າສຸດຂອງໂຄງການດິນກ້າມສາກົນ,ຜົນສຳເລັດທີ່ໄດ້ຮັບນັ້ນສາມາດໃຫ້ປະເທດອື່ນໆຖອດຖອນບົດຮຽນນຳກັນ.
|
|
|
