ຕາມ​ຂ່າວສານ​ຊິນ​ຮວາ: ວັນ​ທີ 28 ກັນຍາ ລົມພາຍຸ "ຊາງ​ຊານ" ​ໄດ້​ພັດ​ຖະຫຼົ່ມນະ​ຄອນ​ຫຼວງ​ຟິ​ລິບ​ປິນ​ແລະບໍລິ​ເວນ​ໃກ້​ຄຽງ​​, ພາ​ໃຫ້​ມີ​ຝົນຕົກ​ໜັກ ມີ 8 ຄົນ​ເສຍ​ຊີ​ວິດ ​ແລະ​ຂາດ​ໄຟ​ຟ້າ​ ​ແລະຄົມມະນາຄົມ​ຖືກ​ຕັດຂາດ​ ທັງ​ເກີດ​ໄພ​ນ້ຳ​ຖ້ວມ​ເປີດ​ບໍ​ລິ​ເວນ​ກວ້າງ.

​ ລົມພາຍຸ​ມີ​ຄວາມ​ໄວ​ເຖິງ 150 ກິ​ໂລ​ແມັດ​ຕໍ່​ຊົ່ວ​ໂມງ​ໄດ້​ພັດຮອດ​ມາ​ນີລາ ໃນຕອນ​ທ່ຽງ​ວັນ​ທີ 28 ກັນ​ຍາ.

ຕອນ​ເຊົ້າມື້​ດຽວ​ກັນ ​ເດີ່ນຍົນ​ມາ​ນີລາ​ໄດ້​ຍົກ​ເລີກ​ຖ້ຽວ​ບິນ​ສາກົນ​ແລະ​ພາຍ​​ໃນປະ​ເທດ​ທຸກ​ຖ້ຽວ, ຜູ່​ໂດຍສານຫຼາຍຮ້ອຍ​ຄົນ​ຕົກ​ຄ້າງຢູ່​ສະໜາມ​ບິນ​. ຕາມ​ສະ​ຖິ​ຕິ​ຂອງ​ພາກ​ສ່ວນ​ຄົມ​ມະ​ນາ​ຄົມ​, ຍັງ​ມີ​ຜູ່​ໂດຍສານ 4400 ກວ່າ​ຄົນ​​ຄ້າງ​ຢູ່​ທ່າ​ເຮືອ​ແຫ່ງ​ຕ່າງໆ​.

ຫ້ອງການ​ປ້ອງ​ກັນປະຊາຊົນ​ຟິລິບ​ປິນ​ໄດ້​ປະກາດ​ບົດ​ລາຍ​ງານ​ສະຖິຕິ​, ຄາດ​ວ່າ, ຢູ່​ເຂດ​ລູ​ຊອນ​​ໃຕ້​ແລະ​ໂບ​ໂຮ​ນທີ່​ຖືກ​ລົມພາຍຸ​ໂຈມ​ຕີ​ໜັກໜ່ວງ​ກວ່າ​ໝູ່ຊັບ​ສິນ​ໄດ້​ປະ​ສົບ​ຄວາມ​ເສຍ​ຫາຍ​ໂດຍ​ກົງ​​ 1 ລ້ານ 2 ​ແສນ​ກວ່າໂດ​ລາ.