|
ຕາມຂ່າວສານຊິນຮວາ: ມື້ນີ້ ກອງປະຊຸມລະດັບລັດຖະມົນຕີກ່ຽວກັບວິສາຫະກິດຂະໜາດນ້ອຍແລະກາງຂອງອົງການອາເປັກຄັ້ງທີ 13 ໄດ້ໄຂຂຶ້ນຢູ່ທີ່ຮາໂນຍ, ກອງປະຊຸມຈະດຳເນີນ 2 ມື້, ເຈາະຈົງປຶກສາຫາລືມາດຕະການນະໂຍບາຍການຊ່ອຍເຫຼືອວິສາຫະກິດຂະໜາດນ້ອຍແລະກາງຍົກຄວາມສາມາດການແຂ່ງຂັນການຄ້າແລະການລົງທຶນໃຫ້ສູງຂຶ້ນ, ແລະໄດ້ເນັ້ນໜັກຄວາມສຳຄັນຂອງການຮ່ວມມືລະຫວ່າງວິສາຫະກິດຂະໜາດນ້ອຍແລະກາງຂອງພາກພື້ນແຫ່ງນີ້.
ຖະແຫຼງການຮາໂນຍທີ່ຜ່ານຮັບຮອງໃນກອງປະຊຸມຊີ້ອອກວ່າ, ໃຕ້ເບື້ອງຫຼັງໂລກາພິວັດໄດ້ພັດທະນາຢ່າງວ່ອງໄວ, ອົງກອນເສດຖະກິດຕ່າງໆຂອງອົງການອາເປັກ ໂດຍສະເພາະແມ່ນອົງກອນເສດຖະກິດແລະວິສາຫະກິດຂະໜາດນ້ອຍແລະກາງທີ່ພວມພັດທະນາພວມປະເຊີນໜ້າກັບສິ່ງທ້າທາຍອັນມະຫາສານໃນການສວຍໃຊ້ໂອກາດການຄ້າແລະການລົງທຶນ. ອົງກອນເສດຖະກິດຂອງອົງການອາເປັກຄວນເອົາໃຈໃສ່ນຳການໃຊ້ມາດຕະການອັນລະອຽດເພື່ອເພີ່ມທະວີການແຂ່ງຂັນດ້ານການຄ້າແລະການລົງທຶນຂອງວິສາຫະກິດຂະໜາດນ້ອຍແລະກາງ.
ຜູ່ແທນທີ່ຮ່ວມປະຊຸມເຫັນວ່າ, ສະມາຊິກຕ່າງໆຂອງອົງການອາເປັກຄວນຊົມໃຊ້ແລະປັບປຸງສະພາບແວດລ້ອມທຸລະກິດຂອງວິສາຫະກິດຂະໜາດນ້ອຍແລະກາງ, ໂດຍສະເພາະແມ່ນບົດຮຽນຂອງການເພີ່ມທະວີການແຂ່ງຂັນດ້ານການຄ້າແລະການລົງທຶນຂອງວິສາຫະກິດຂະໜາດນ້ອຍແລະກາງ.
|
