|
|
 |
| (GMT+08:00)
2006-09-30 17:35:56
|
 |
|
ຫໍພິພິດທະພັນແຫ່ງຊາດຈີນລະລຶກການເດີນທັບທາງໄກໄດ້ຮັບໄຊຊະນະຄົບຮອບ 70 ປີ
cri
Author: sayvanny
ຕາມຂ່າວ CRI: ເລີ່ມແຕ່ວັນທີ 30 ກັນຍາເປັນຕົ້ນໄປ, ຫໍພິພິດທະພັນແຫ່ງຊາດຈີນໄດ້ຈັດງານວາງສະແດງຂະຫນາດໃຫຍ່ເລື່ອງ: ກາບກອນປະຫວັດສາດຂອງວິລະຊົນ,ເພື່ອລະລຶກກອງທັບແດງຂອງຈີນເດີນທັບທາງໄກໄດ້ຮັບໄຊຊະນະຄົບຮອບ 70 ປີ.
ງານວາງສະແດງເທື່ອນີ້ຈະຈັດເປັນເວລາຫນຶ່ງເດືອນ, ໄດ້ວາງສະແດງຮູບພາບ 120 ແຜ່ນ, ວັດຖຸບູຮານ 200 ກວ່າເຄື່ອງ,ຮູບແຕ້ມ 15 ແຜ່ນ.ໃນນັ້ນ, ວັດຖຸບູຮານສ່ວນຫລາຍທີ່ສຸດແມ່ນມີແຕ່ຫໍພິພິດທະພັນແຫ່ງຊາດຈີນຈິ່ງມີ, ວັດຖຸບູຮານບໍ່ຫນ້ອຍແມ່ນວາງສະແດງຢ່າງເປີດເຜີຍເປັນຄັ້ງທຳອິດ,ອັນໄດ້ສະແດງໃຫ້ເຫັນການເດີນທັບຂອງກອງທັບແດງທີ່ບໍ່ຢ້ານຄວາມຫຍຸ້ງ ຍາກລຳບາກແລະມິດຕະພາບອັນເລິກເຊິ່ງລະຫວ່າງທະຫານກັບປະຊາຊົນແລະລະຫວ່າງນາຍກັບພົນທະຫານ.
ແຕ່ປີ 1934 ຫາປີ 1936, ເພື່ອຍາດແຍ່ງຄວາມເປັນເອກະລາດແຫ່ງຊາດ, ບັນລຸຈຸດປະສົງຍຸດທະສາດທີ່ຕໍ່ຕ້ານຍີ່ປຸ່ນ,ກອງທັບແດງກຳມະກອນຊາວນາຈີນໄດ້ເດີນທັບ 1 ຫມື່ນ 2 ພັນ 500 ກິໂລແມັດດ້ວຍຈິດໃຈທີ່ບໍ່ງໍ້ອງ່ຽງຕໍ່ອຸປະສັກໃດໆແລະຄວາມອົງອາດກ້າຫານຂອງວິລະຊົນ,ໃນທີ່ສຸດໄດ້ຮັບໄຊຊະນະ.
|
|
|
