|
ມາເລເຊຍເຫັນວ່າງານກິລາໂອລິມປິກແມ່ນໂອກາດດີທີ່ສຸດສຳລັບ ສຳນັກຂ່າວສານມາເລເຊຍກັບຈີນເພີ່ມທະວີການແລກປ່ຽນແລະຮ່ວມມືກັນ
cri
Author: sayvanny
ຕາມຂ່າວສານຊີນຮວາ: ວັນທີ 29 ກັນຍາ, ຢູ່ປັກກິ່ງ, ທ່ານຈາອີນູດິນ.ມາຍດິນ ລັດຖະມົນຕີກະຊວງຖະແຫລງຂ່າວຂອງມາເລເຊຍເວົ້າວ່າ, ປັກກິ່ງຈັດງານກິລາໂອລິມປິກໃນປີ 2008 ຈະແມ່ນໂອກາດດີທີ່ສຸດສຳລັບສຳນັກຂ່າວສານຂອງມາເລເຊຍແລະຈີນເພີ່ມທະວີການແລກປ່ຽນແລະການຮ່ວມມືກັນດ້ວຍຮູບການໂດຍກົງກວ່າເກົ່າ.
ໃນເວລາເຂົ້າຮ່ວມພິທີສ້າງຕັ້ງສຳນັກຂ່າວສານມາເລເຊຍສາຂາປັກກິ່ງທີ່ຈັດຂຶ້ນໃນມື້ວານນີ້,ທ່ານຈາອີນູດິນ.ມາຍດິນເວົ້າວ່າ, ໃນໄລຍະປັກກິ່ງຈັດງານກິລາໂອລິມປິກ, ສຳນັກຂ່າວສານມາເລເຊຍທີ່ເປັນສຳນັກຂ່າວສານແຫ່ງຊາດຂອງມາເລເຊຍກັບຂ່າວສານຊີນຮວາ ທີ່ເປັນຂ່າວສານແຫ່ງຊາດຈີນສາມາດເພີ່ມທະວີການຮ່ວມມືໃນດ້ານການແຈ້ງຂ່າວງານກິລາໂອລິມປິກ, ພ້ອມກັນໂຄສະນາສະພາບມະໂຫລານຂອງງານກິລາໂອລິມປິກປັກກິ່ງ, ພ້ອມກັນໂຄສະນາກຳລັງຕົວຈິງຂອງຈີນໃນຖານະເປັນປະເທດເຈົ້າພາບຈັດງານກິລາໂອລິມປິກອັນດັບຫນຶ່ງ.
|
|
