|
|
 |
| (GMT+08:00)
2006-10-03 18:15:15
|
 |
|
ການຮ່ວມມືດ້ານເສດຖະກິດລະຫວ່າງຈີນກັບອາຊຽນໄດ້ໄວຂຶ້ນຢ່າງຮອບດ້ານ
cri
ຕາມຂ່າວສານຊິນຮວາ,ໃນບໍ່ເທົ່າໃດປີມານີ້,ການຮ່ວມມືດ້ານເສດຖະກິດການຄ້າລະຫວ່າງຈີນກັບອາຊຽນແມ່ນເນື່ອງນິດທີ່ສຸດ.ທ່າອ່ຽງຕ່າງໆສະແດງໃຫ້ເຫັນວ່າ,ການຮ່ວມມືດ້ານເສດຖະກິດດລະຫວ່າງຈີນກັບອາຊຽນໄດ້ໄວຂຶ້ນຢ່າງຮອບດ້ານ.
ເຄືອຂ່າຍຄົມມະນາຄົມ,ອົງປະກອບຜະລິດຕະພັນທີ່ມີລັກສະນະຄ້ຳຊູນກັນນັບມື້ນັບສົມບູນຂຶ້ນ,ແລະແຜນການຫຼຸດພາສີໄດ້ຮັບການປະຕິບັດຢ່າງໜັກແໜ້ນ,ທັງນີ້ໄດ້ເຮັດໃຫ້ການຄ້າສິນຄ້າລະຫວ່າງຈີນກັບອາຊຽນໄດ້ເພີ່ມຂຶ້ນດ້ວຍຄວາມໄວທີ່ປະຈັກຕາຊາວໂລກ.ປັດຈຸບັນ,ຈີນແລະອາຊຽນຕ່າງເປັນຄູ່ການຄ້າໃຫຍ່ທີ4ຂອງກັນ,ແຕ່ເດືອນກໍລະກົດປີກາຍຮອດເດືອນກໍລະກົດປີນີ້,ມູນຄ່າການຄ້າລະຫວ່າງຈີນກັບອາຊຽນໄດ້ບັນລຸເຖິງ143ຕື້ກວ່າໂດລາ,ເພີ່ມຂຶ້ນ22%.
ການພົວພັນທາງການເມືອງທີ່ໝັ້ນທ່ຽງ,ຕະຫຼາດບໍລິໂພກອັນກວ້າງໃຫຍ່ເຮັດໃຫ້ການຮ່ວມມືດ້ານການລົງທຶນແກ່ກັນລະຫວ່າງຈີນກັບອາຊຽນໄດ້ຄ່ອຍໆເຂົ້າສູ່ສະພາບການອັນດີງາມ.ແຕ່ຕົ້ນປີນີ້ມາ,ການລົງທຶນລະຫວ່າງສອງຝ່າຍໄດ້ມີທ່ວງທ່າເພີ່ມຂຶ້ນໄວຢ່າງເດັ່ນຊັດກວ່າ ເກົ່າ.
ຕາມກະຊວງການຄ້າຈີນເຜີຍໃຫ້ຮູ້ວ່າ,ປັດຈຸບັນ,ຈຸດໜັກຂອງການເຈລະຈາກ່ຽວກັບເຂດການຄ້າເສລີລະຫວ່າງຈີນກັບອາຊຽນໄດ້ຫັນໄປສູ່ຂົງເຂດການຄ້າການບໍລິການແລະການລົງທຶນ,ແລະການເຈລະຈາໄດ້ມີຄວາມຄືບໜ້າຢ່າງສະດວກ.
|
|
|
