|
ມື້ວານນີ້ແມ່ນວັນທີ1ຕຸລາ,ແມ່ນວັນລະລຶກສາທາລະນະລັດປະຊາຊົນຈີນສ້າງຕັ້ງຂຶ້ນຄົບຮອບ57ປີ,ປັດຈຸບັນ,ປະຊາຊົນທົ່ວປະເທດຈີນພວມສະຫຼອງວັນຊາດ,ຫວັງວ່າຜູ້ຟັງທັງຫຼາຍກໍຄົງຈະມ່ວນຊື່ນນຳກັນກັບພວກເຮົາດ້ວຍ.
ຫວ່າງມໍ່ໆນີ້,ນ້ອງບຸນສະນິດ ໄຊຍະວົງ ທີ່ຢູ່ບ້ານຫົວຂົວ ເມືອງໄຊເສດຖາ ນະຄອນຫຼວງວຽງຈັນໄດ້ຝາກຈົດໝາຍມາຍັງພວກເຮົາໂດຍຂຽນວ່າ, "ໃນຄວາມຮູ້ສຶກຂອງນ້ອງເອງ,ວິທະຍຸ CRI ໄດ້ໃຫ້ຄວາມຮູ້ແລະຂໍ້ມູນຂ່າວສານຫຼາຍໆດ້ານເຊັ່ນ:ດ້ານວັດທະນະທຳ ດ້ານສັງຄົມ ເສດຖະກິດ ການເມືອງ ສິ່ງແວດລ້ອມແລະສິ່ງອື່ນໆອີກຫຼາຍຢ່າງ.ໂດຍສະເພາະແມ່ນກ່ຽວກັບອາຊີແລະເກືອບວ່າທົ່ວໂລກ.ສິ່ງເຫຼົ່ານີ້ໄດ້ເຮັດໃຫ້ນ້ອງມີຄວາມປະທັບໃຈ,ເພາະວ່າ,ນ້ອງໄດ້ຮຽນຮູ້ສິ່ງໃໝ່ໆແລະໄດ້ຮູ້ເຖິງສະພາບການຂອງສັງຄົມຢ່າງຕໍ່ເນື່ອງຈາກ CRI.ນອກຈາກນີ້,CRI ຍັງໄດ້ຈັດກິດຈະກຳພິເສດເຊັ່ນ:ການຕອບຄຳຖາມ ເສັງຄວາມຮູ້ ຮຽນພາສາຈີນແລະອື່ນໆ,ເຊິ່ງລ້ວນແຕ່ສ້າງໃຫ້ນັກຮຽນ ນັກສຶກສາຫຼາຍໆຄົນໄດ້ມີຄວາມຮູ້ເພີ່ມຂຶ້ນອີກຕື່ມ"
ນ້ອງບຸນສະນິດ ໄຊຍະວົງແມ່ນແຟນລາຍການຜູ້ໜຽວແໜ້ນຂອງພວກເຮົາ,ບໍ່ພຽງແຕ່ຮູ້ທຸກໆລາຍການຂອງພວກເຮົາ,ຍັງສາມາດບອກເຖິງການເຄື່ອນໄຫວຕິດຕໍ່ພົວພັນກັບຜູ້ຟັງຂອງວິທະຍຸCRI,ກໍ່ຫວັງວ່າທ່ານຜູ້ຟັງອື່ນໆກໍ່ຄົງຈະໄດ້ຮັບປະໂຫຍດຈາກການຟັງລາຍການຂອງCRIຄືກັບນ້ອງບຸນສະນິດທີ່ຢູ່ນະຄອນຫຼວງວຽງຈັນຢູ່ຕໍ່ເມາະ.
ສຸດທ້າຍ,ມີຂ່າວດີຂ່າວໜຶ່ງຢາກບອກໃຫ້ຜູ້ຟັງຮູ້,ໃນທ້າຍປີນີ້,ລາຍການວິທະຍຸCRIຂອງພວກເຮົາກໍ່ຈະອອກອາກາດຢູ່ນະຄອນຫຼວງວຽງຈັນໃນລະບົບFM93ເມກາເຮີດສ,ເມື່ອເຖິງເວລານັ້ນ,ທ່ານຜູ້ຟັງຂອງCRIທີ່ຢູ່ນະຄອນຫຼວງວຽງຈັນແລະບັນດາແຂວງໃກ້ຄຽງກໍ່ຈະສາມາດຮັບຟັງລາຍການພວກເຮົາໄດ້ຢ່າງຊັດເຈນແລະສະດວກກວ່າເກົ່າ,CRIກັບທ່ານຜູ້ຟັງກໍ່ຈະສະນິດສະນົມກົນຫຼາຍຂຶ້ນ.ເອົາລະ,ເວລາຟັງເພງມາຮອດແລ້ວ,ມອບເພງມ່ວນໆເພງໜຶ່ງໃຫ້ຟັງ,ເພງນີ້ຊື່ວ່າ"ມ້ຽນຕູ້ຍມ້ຽນ",ແປວ່າ"ໜ້າຕໍ່ໜ້າ",ຫວັງວ່າຄົງຈະຖືກໃຈທ່ານ.
|
