|
|
 |
| (GMT+08:00)
2006-10-04 18:52:00
|
 |
|
ທ່ານຊິນໂຈ ອາເບເວົ້າວ່າ ຈະພະຍາຍາມສ້າງການພົວພັນກັບຈີນແລະສ.ເກົາຫຼີທີ່ອວ່າຍໜ້າໄປສູ່ອະນາຄົດ
cri
Author: cai
ຕາມຂ່າວສານຊີນຮວາ:ວັນທີ 3 ຕຸລາ,ໃນເວລາຕອບການຊັກຖາມຂອງຜູ້ແທນພັກຕ່າງໆຢູ່ສະພາສູງແລະສະພາຕ່ຳຍີ່ປຸ່ນ,ທ່ານຊິນໂຈ ອາເບ ນາຍົກລັດຖະມົນຕີຍີ່ປຸ່ນໄດ້ກ່າວອີກວ່າ,ຈະປັບປຸງການພົວພັນລະຫວ່າງຍີ່ປຸ່ນກັບຈີນແລະລະຫວ່າງຍີ່ປຸ່ນກັບສ.ເກົາຫຼີທີ່ພວມຢູ່ໃນສະພາບຈືດຈາງນັ້ນໃຫ້ດີຂຶ້ນ,ທຳຄວາມພະຍາຍາມເພື່ອສ້າງການພົວພັນລະຫວ່າງຍີ່ປຸ່ນກັບສອງປະເທດດັ່ງກ່າວທີ່ອວ່າຍໜ້າໄປສູ່ອະນາຄົດ.
ເມື່ອເວົ້າເຖິງບັນຫາຮັບຮູ້ປະຫວັດສາດຂອງສົງຄາມໂລກຄັ້ງທີ 2,ທ່ານອາເບກ່າວເນັ້ນວ່າ,ຄວນສຳນຶກຜິດຕໍ່ເລື່ອງຈິງທີ່ໄດ້ສ້າງຜົນຮ້າຍຢ່າງໃຫຍ່ຫຼວງໃຫ້ແກ່ຍີ່ປຸ່ນແລະຕ່າງປະເທດນັ້ນຢ່າງກົງໄປກົງມາ.ກ່ຽວກັບບັນຫານາງບຳເລີທະຫານ,ທ່ານອາເບເວົ້າວ່າ,ຫຼັກໝັ້ນພື້ນຖານຂອງລັດຖະບານຍີ່ປຸ່ນແມ່ນສືບທອດຈິດໃຈຂອງຄວາມເວົ້າຂອງທ່ານໂຄໂນ ໂຢເຮອີ ອະດີດເລຂາທິການໃຫຍ່ຄະນະລັດຖະບານຍີ່ປຸ່ນທີ່ໄດ້ກ່າວໄວ້ໃນປີ 1993.ຄວາມເວົ້າດັ່ງກ່າວຮັບຮອງເລື່ອງຈິງທີ່ທະຫານຍີ່ປຸ່ນບັງຄັບຜູ້ຍິງຂອງອາຊີເຂົ້າກອງທະຫານເປັນນາງບຳເລີທະຫານ,ແລະຂໍອະໄພໂທດຕໍ່ເລື່ອງນີ້.
|
|
|
