|
|
 |
| (GMT+08:00)
2006-10-05 20:46:10
|
 |
|
ສະພາບປ້ອງກັນແລະຄວບຄຸມໄຂ້ຫວັດສັດປີກຂອງຈີນຍັງຂ້ຽວຂາດຢູ່
cri
Author: cai
ຕາມຂ່າວCRI:ວັນທີ 5 ຕຸລາ,ຢູ່ປັກກິ່ງ,ທ່ານອີນເຊີງເຈ ລັດຖະມົນຕີຊ່ວຍວ່າການກະຊວງກະສິກຳຈີນເວົ້າວ່າ,ຈີນໄດ້ເຂົ້າສູ່ລະດູໃບໄມ້ຫຼົ່ນແລະລະດູໜາວເຊິ່ງເປັນລະດູການທີ່ໄຂ້ຫວັດສັດປີກມັກເກີດຂຶ້ນຫຼາຍ,ສະພາບປ້ອງກັນແລະຄວບຄຸມໄຂ້ຫວັດສັດປີກຍັງຂ້ຽວຂາດຢູ່.
ວັນທີ 5 ຕຸລາ,ກະຊວງກະສິກຳຈີນໄດ້ຈັດກອງປະຊຸມທາງໂທລະພາບ,ເພື່ອຈັດວາງວຽກງານປ້ອງກັນແລະຄວບຄຸມໄຂ້ຫວັດສັດປີກຂອງແຂວງສຳຄັນສ່ວນໜຶ່ງ.ໃນກອງປະຊຸມ,ທ່ານອີນເຊີງເຈໄດ້ແນະນຳວ່າ,ແຕ່ທ້າຍເດືອນກັນຍາຜ່ານມານີ້,ເຂດນີງເຊ້ຍແລະເຂດມົງໂກໃນຂອງຈີນໄດ້ເກີດສະພາບໄຂ້ຫວັດສັດປີກຢ່າງລຽນຕິດ.ການຂົນສົ່ງສັດປີກແລະຜະລິດຕະພັນສັດປີກໄດ້ເພີ່ມຄວາມສ່ຽງໃນການແຜ່ເຊື້ອພະຍາດ,ນົກຍ້າຍຖິ່ນທີ່ຕິດເຊື້ອພະຍາດອາດຈະພາໃຫ້ເກີດພະຍາດເທື່ອໃໝ່,ວຽກງານປ້ອງກັນແລະຄວບຄຸມໄຂ້ຫວັດສັດປີກຂອງຈີນຍັງມີຂອດອ່ອນຢູ່.
ຕາມໄດ້ຊາບ,ລັດຖະບານຈີນໄດ້ຮຽກຮ້ອງໃຫ້ແຂວງທີ່ກ່ຽວຂ້ອງວາງແລະປັບປຸງແຜນງານຮັບມືກັບກໍລະນີສຸກເສີນເພື່ອປ້ອງກັນແລະຄວບຄຸມໄຂ້ຫວັດສັດປີກ,ຍົກຄວາມສາມາດຮັບມືກັບສະພາບພະຍາດທີ່ເກີດຂຶ້ນຢ່າງກະທັນຫັນໃຫ້ສູງຂຶ້ນຕື່ມອີກ.ພ້ອມກັນນັ້ນ,ຈີນຍັງໄດ້ປັບປຸງໂຄງປະກອບຜະລິດຢາວັກແຊງ,ວິສາຫະກິດຜະລິດຢາວັກແຊງທີ່ກ່ຽວຂ້ອງພວມອອກແຮງສຸດຂີດຜະລິດຢາວັກແຊງໄຂ້ຫວັດສັດປີກ,ເພື່ອຮັບປະກັນການຕອບສະໜອງຄວາມຕ້ອງການຢາວັກແຊງ.
|
|
|
