|
|
 |
| (GMT+08:00)
2006-10-06 18:28:57
|
 |
|
ທ່ານຊິນໂຈ ອາເບເວົ້າວ່າ ການພົວພັນລະຫວ່າງຍີ່ປຸ່ນຈີນແມ່ນການພົວພັນທີ່ແຍກອອກຈາກກັນບໍ່ໄດ້
cri
Author: cai
ຕາມຂ່າວສານຊີນຮວາ:ວັນທີ 5 ຕຸລາ,ທ່ານຊິນໂຈ ອາເບ ນາຍົກລັດຖະມົນຕີຍີ່ປຸ່ນເວົ້າວ່າ,ການພົວພັນລະຫວ່າງຍີ່ປຸ່ນຈີນແມ່ນການພົວພັນທີ່ແຍກອອກຈາກກັນບໍ່ໄດ້,ສອງຝ່າຍສາມາດຜ່ານຈາກການເພີ່ມທະວີການພົວພັນການເມືອງມາປະກອບສ່ວນເຂົ້າໃນສັນຕິພາບຂອງພາກພື້ນກໍ່ຄືຂອງໂລກ.
ທ່ານອາເບເວົ້າວ່າ,ເສດຖະກິດຍີ່ປຸ່ນແຍກອອກຈາກການພົວພັນຍີ່ປຸ່ນຈີນແລະການພົວພັນຍີ່ປຸ່ນສ.ເກົາຫຼີບໍ່ໄດ້.ຕໍ່ໄປພາຍໜ້າ,ຈະພະຍາຍາມເຮັດໃຫ້ການພົວພັນຍີ່ປຸ່ນຈີນແລະການພົວພັນຍີ່ປຸ່ນສ.ເກົາຫຼີກາຍເປັນການພົວພັນທີ່ໄວ້ເນື້ອເຊື່ອໃຈກັນ,ແລະທຳຄວາມພະຍາຍາມເພື່ອຂະຫຍາຍການຮ່ວມມືໃນຂົງເຂດຕ່າງໆເຊັ່ນເສດຖະກິດເປັນຕົ້ນ.ທ່ານເວົ້າວ່າ,ຍີ່ປຸ່ນກັບຈີນຈັດການພົບປະສຸດຍອດ,ສົນທະນາກັນຢ່າງກົງໄປກົງມາກ່ຽວກັບຄວາມຄິດ ເປົ້າໝາຍແລະອຸດົມຄະຕິຂອງໃຜລາວນັ້ນ,ແມ່ນບາດກ້າວທຳອິດໃນການສ້າງການພົວພັນທີ່ໄວ້ເນື້ອເຊື່ອໃຈກັນ.
ເມື່ອກ່າວເຖິງ"ຄວາມເວົ້າຂອງທ່ານມູຣາຢາມາ ໂທມິອິຊິ",ທ່ານອາເບເວົ້າວ່າ,ສົງຄາມໂລກຄັ້ງທີສອງໄດ້ສ້າງໄພພິບັດແລະຄວາມທຸກທໍລະມານໃຫ້ແກ່ປະເທດຕ່າງໆຂອງອາຊີນັ້ນແມ່ນເລື່ອງຈິງ.ທ່ານເວົ້າວ່າ,"ຄວາມເວົ້າຂອງທ່ານມູຣາຢາມາ ໂທມິອິຊິ"ໄດ້ຮັບຮອງວ່າ,ຈີນແລະສ.ເກົາຫຼີໄດ້ຖືກຮຸກຮານແລະປົກຄອງແບບລ່າເມືອງຂຶ້ນ,ທ່ານແມ່ນປະກາດຄວາມເວົ້າເຫຼົ່ານີ້ພາຍຫຼັງກອງປະຊຸມຄະນະລັດຖະບານຜ່ານຮັບຮອງ,ຄະນະລັດຖະບານຊຸດນີ້ຈະສືບທອດຄວາມເວົ້າດັ່ງກ່າວ.
|
|
|
