|
|
 |
| (GMT+08:00)
2006-10-07 17:22:34
|
 |
|
ການບິນອະວະກາດຂອງຈີນໄດ້ບັນລຸການພັດທະນາແບບກ້າວກະໂດດໃນຂົງເຂດເຕັກນິກອະວະກາດ
cri
ຕາມຂ່າວສານຊິນຮວາ, ມື້ອື່ນ(ວັນທີ8ຕຸລາ)ແມ່ນວັນລະລຶກການສ້າງພາລະກິດການບິນອະວະກາດຈີນຄົບຮອບ50ປີ. ໃນ50ປີມານີ້, ພາລະກິດການບິນອະວະກາດຂອງຈີນໄດ້ບັນລຸການພັດທະນາແບບກ້າວກະໂດດໃນ3ຂົງເຂດໃຫຍ່ຄື: ເຕັກນິກອະວະກາດ, ການໝູນໃຊ້ອະວະກາດແລະວິທະຍາສາດອະວະກາດເປັນຕົ້ນ.
ຜູ້ຮັບຜິດຊອບທີ່ກ່ຽວຂ້ອງຂອງຄະນະກຳມະການອຸດສາຫະກຳວິທະຍາສາດເຕັກໂນໂລຊີປ້ອງກັນຊາດຈີນແນະນຳວ່າ, ແຕ່ປີ1996ເປັນຕົ້ນມາ, ລູກສອນໄຟຍານສົ່ງລະບົບສາງເຈິ່ງທີ່ຈີນຄົ້ນຄວ້າຜະລິດໂດຍຕົນເອງນັ້ນໄດ້ຍິງສົ່ງ48ເທື່ອຢ່າງສຳເລັດຜົນລຽນຕິດ, ລັກສະນະຄວາມປອດໄພແລະຄວາມໄວ້ວາງໃຈລ້ວນແຕ່ໄດ້ບັນລຸລະດັບກ້າວໜ້າຂອງໂລກ. ຈີນໄດ້ຄົ້ນຄວ້າຜະລິດແລະຍິງສົ່ງດາວທຽມ70ໜ່ວຍ, ຖືກນຳໃຊ້ເຂົ້າໃນຂົງເຂດຕ່າງໆຢ່າງກວ້າງຂວາງເຊັ່ນ: ຂົງເຂດເສດຖະກິດ, ວິທະຍາສາດເຕັກໂນໂລຊີ, ວັດທະນະທຳແລະການສຶກສາແລະການສ້າງສາດ້ານປ້ອງກັນຊາດເປັນຕົ້ນ. ນອກນັ້ນ, ຈີນໄດ້ຍິງສົ່ງຍານອະວະກາດບໍ່ມີຄົນຂັບ4ລຳແລະຍານອະວະກາດບັນທຸກຄົນສອງລຳຢ່າງສຳເລັດຜົນ, ໄດ້ກາຍເປັນປະເທດທີສາມໃນໂລກທີ່ສາມາດຍິງສົ່ງຍານອະວະກາດບັນທຸກຄົນໂດຍເຈົ້າຕົນເອງ.
ຜູ້ຮັບຜິດຊອບຜູ້ນີ້ຊີ້ອອກວ່າ, ປັດຈຸບັນ, ຈີນຍັງພວມສຸມກຳລັງດຳເນີນກິດຈະກຳຢັ່ງແທກພະຈັນ, ນີ້ຈະເຮັດໃຫ້ພາລະກິດການບິນອະວະກາດຂອງຈີນພັດທະນາຂຶ້ນສູ່ລະດັບສູງກວ່າເກົ່າ.
|
|
|
