|
ວິສາກະກິດຜະລິດເກີບຂອງຈີນຈະຮັບມືກັບມາດຕະການຕ້ານການຂາຍເລຂອງສະຫະພາບເອີລົບ
cri
ຕາມຂ່າວCRI, ອີງຕາມການຕັດສິນສຸດທ້າຍຂອງສະພາມົນຕີສະຫະພາບເອີລົບຜ່ານໃນວັນທີ5ຕຸລາ, ໃນໄລຍະສອງປີແຕ່ວັນທີ7ຕຸລາເປັນຕົ້ນໄປ, ເກີບໜັງທີ່ຈີນແລະຫວຽດນາມຜະລິດ, ແລະສົ່ງໄປຂາຍຢູ່ສະຫະພາບເອີລົບຕ່າງຈະຕ້ອງເສຍພາສີຕ້ານການຂາຍເລ16,5%ແລະ10%. ວິສາຫະກິດຜະລິດເກີບຂອງຈີນພາກັນສະແດງຄວາມບໍ່ພໍໃຈຕໍ່ການຕັດສິນດັ່ງກ່າວ, ແລະກ່າວວ່າຈະຕັ້ງໜ້າຮັບມືກັບມາດຕະການຕ້ານການຂາຍເລຂອງສະຫະພາບເອີລົບ.
ບຸກຄົນໃນຂະແໜງການຄາດຄະເນວ່າ, ໃນສອງປີຂ້າງໜ້າ, ຍອດປະລິມານເກີບໜັງສົ່ງອອກສະຫະພາບເອີລົບຂອງວິສາຫະກິດຈີນຈະຫຼຸດລົງ40%ຂຶ້ນໄປ, ນີ້ຈະພາໃຫ້ກຳມະກອນຈຳນວນຫຼວງຫຼາຍໃນວິສາຫະກິດສົ່ງອອກຂອງຈີນຫວ່າງງານ. ປັດຈຸບັນ, ວິສາຫະກິດຜະລິດເກີບສຳຄັນຂອງແຂວງກວງຕຸ້ງ, ແຂວງເຈີ້ຈ່ຽງແລະແຂວງຝູຈ້ຽນຈີນກ່າວວ່າ, ພວກເຂົາເຈົ້າບໍ່ປັດປ່າຍຄວາມອາດເປັນໄປທີ່ກ່າວຟ້ອງຕໍ່ສານສະຫະພາບເອີລົບໂດຍກົງ; ກໍມີວິສາຫະກິດກ່າວວ່າ, ຈະສ້າງແຫຼ່ງຜະລິດຢູ່ຕ່າງປະເທດ, ເດີນຕາມເສັ້ນທາງພັດທະນາແບບສາກົນ.
|
|
