ຕາມ​ຂ່າວສານ​ຊິນ​ຮວາ: ​ໃນ​ປີ 2007, ຈີນ​ຈະ​ໃຊ້​ມາດຖານ​ລະດັບ​ຊາດໃໝ່ຕໍ່​ການ​ລະ​ບາຍ​ອາຍ​ຄວັນ​ລົດ​ຍົນ, ​ເພື່ອ​ເຮັດ​ໃຫ້​ລົດຍົນຫຼຸດປະລິມານ​ລະບາຍອາຍ​ຄວັນ.

ວັນ​ທີ 7 ຕຸລາ, ນັກ​ຂ່າວ​ໄດ້​ຊາບ​ຈາກ​ກົມ​​ໃຫຍ່ອະນຸລັກສິ່ງ​ແວດ​ລ້ອມ​ແຫ່ງ​ຊາດ​ຈີນ​ວ່າ, ​ເມື່ອ​ປະ​ຕິ​ບັດ​ມາດຖານ​ໃໝ່​ແລ້ວ, ນັບ​ແຕ່​ປີ 2008 ຫາ​ປີ 2012, ຈີນ​​ຈະຫຼຸດປະລິ​ມານ​ອອກ​ຊິດ​ເດີ​ກາກ​ບອນ​ທີ່​ລະບາຍ​ຈາກກົ້ນລົດ 16 ລ້ານ​​ໂຕນ, ​ຈະ​ສ້າງ​ປະສິດທິພາບ​ທາງ​ດ້ານ​ສິ່ງ​ແວດ​ລ້ອມ​ຢ່າງ​ໃຫຍ່​​ໃຫ້​ສັງຄົມ, ​ແລະ​ຈະ​ຊຸກ​ຍູ້​ການ​ຍົກສູງ​ລະ​ດັບ​ເຕັກ​ນິກ​ຕື່ມ​ອີກ​.

ຕາມ​ຕົວ​ເລກຫຼ້າສຸດ, ຈີນ​ໄດ້ກາຍ​ເປັນ​ປະ​ເທດ​ຜະລິດ​ລົດຍົນ​ໃຫຍ່​ທີ 3 ຂອງ​ໂລກ​ແລ້ວ, ປະ​ລິ​ມານ​ການ​ຜະລິດ​ລົດຍົນ​ເຖິງ 5 ລ້ານ​ຄັນ​ຕໍ່​ປີ, ລົດຍົນ​ທີ່​ພວມ​​ແລ່ນນັ້ນມີ​​ເກືອບ 33 ລ້ານ​ຄັນ.