|
ຕາມຂ່າວ CRI: ວັນທີ 8 ຕຸລາຢູ່ທີ່ປັກກິ່ງ, ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນໄດ້ພົບປະທ່ານຊິນໂຈ ອາເບ ນາຍົກລັດຖະມົນຕີຍີ່ປຸ່ນທີ່ມາຢ້ຽມຢາມ, ທ່ານອູປາງໂກກ່າວວ່າ, ຈີນຍີ່ປຸ່ນຄວນພະຍາຍາມຢ່າງບໍ່ຢຸດຢັ້ງ, ເພີ່ມທະວີມິດຕະພາບລະຫວ່າງປະຊາຊົນສອງຊາດ.
ທ່ານອູປາງໂກກ່າວວ່າ, ຈີນຍີ່ປຸ່ນຂະຫຍາຍການພົວພັນໄມຕີຈິດຖານບ້ານໃກ້ເຮືອນຄຽງແລະຮ່ວມມືແມ່ນການເລືອກເອົາພຽງໜຶ່ງດຽວທີ່ສອດຄ່ອງກັບຜົນປະໂຫຍດກົກຮາກຂອງປະຊາຊົນສອງຊາດ, ແລະກໍ່ມີຜົນດີຕໍ່ສັນຕິພາບ ສະຖຽນລະພາບແລະການພັດທະນາຂອງອາຊີແລະຂອງໂລກ. ສອງຝ່າຍຄວນຍຶດໝັ້ນນ້ຳໃຈ "ຖືປະຫວັດສາດເປັນແວ່ນແຍງ ອວ່າຍໜ້າໄປສູ່ອະນາຄົດ", ໂຄລົບຫຼັກການເອກະສານການເມືອງຈີນຍີ່ປຸ່ນ 3 ສະບັບ, ຊຳລະບັນຫາປະຫວັດສາດແລະບັນຫາໄຕ້ຫວັນໃຫ້ເໝາະສົມ; ຕໍ່ໄປພາຍໜ້າ ຄວນອອກແຮງຊຸກຍູ້ການແລກປ່ຽນໃນຂົງເຂດປະຊາຊົນ ວັດທະນະທຳແລະຊາວໜຸ່ມເຍົາວະຊົນເປັນຕົ້ນ.
ທ່ານຊິນໂຈ ອາເບກ່າວວ່າ, ຍີ່ປຸ່ນຫວັງໃຫ້ຍີ່ປຸ່ນຈີນຖືໂອກາດສອງປະເທດສ້າງສາຍສຳພັນການທູດຄົບຮອບ 35 ປີໃນປີ 2007, ຊຸກຍູ້ການແລກປ່ຽນໃນດ້ານຕ່າງໆ, ເພີ່ມຄວາມເຂົ້າໃຈກັນລະຫວ່າງປະຊາຊົນສອງຊາດ, ຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍຂຶ້ນສູ່ລະດັບສູງ.
|
