|
ທ່ານຫູຈີນທ່າວກ່າວວ່າ,ຈີນຍີ່ປຸ່ນຕ້ອງສັງເກດແລະກຳກັບການພົວພັນສອງປະເທດຈາກດ້ານຍຸດທະສາດແລະສາຍຕາຍາວໄກ
cri
Author: shuo
ຕາມຂ່າວCRI:ຕອນບ່າຍວັນທີ8ຕຸລາ,ຢູ່ທີ່ປັກກິ່ງ,ທ່ານຫູຈີນທາວ ປະທານປະເທດຈີນໄດ້ພົບປະທ່ານຊິນໂຈ ອາເບ ນາຍົກລັດຖະມົນຕີຍີ່ປຸ່ນຜູ້ໃໝ່ທີ່ມາຢ້ຽມຢາມ.ທ່ານຫູຈີນທ່າວກ່າວວ່າ,ຈີນຍີ່ປຸ່ນຕ້ອງສັງເກດແລະກຳກັບການພົວພັນສອງປະເທດຈາກດ້ານຍຸດທະສາດແລະສາຍຕາຍາວໄກ.
ທ່ານຫູຈິນທ່າວກ່າວເນັ້ນວ່າ,ຖ້າຢາກໃຫ້ການພົວພັນຈີນຍີ່ປຸ່ນຂະຫຍາຍຕົວຢ່າງປອດໄສແລະໝັ້ນທ່ຽງເປັນເວລາຍາວນານ,ກ່ອນອື່ນຕ້ອງສ້າງຄວາມໄວ້ເນື້ອເຊື່ອໃຈກັນໃນດ້ານການເມືອງ,ລົງເລິກການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ,ພ້ອມທັງເປີດກວ້າງການໄປມາຫາສູ່ກັນລະຫວ່າງບຸກຄົນ,ເພີ່ມທະວີການຕິດຕໍ່ພົວພັນແລະປະສານງານລະຫວ່າງສອງປະເທດໃນວຽກງານພາກພື້ນແລະສາກົນ.ຝ່າຍຈີນຫວັງແລະຊົມເຊີຍຍີ່ປຸ່ນສືບຕໍ່ເດີນຕາມເສັ້ນທາງທີ່ເປັນປະເທດສັນຕິພາບ,ເສີມຂະຫຍາຍບົດບາດທີ່ມີລັກສະນະສ້າງສັນໃນວຽກງານພາກພື້ນແລະສາກົນ.
ທ່ານຊິນໂຈ ອາເບກ່າວວ່າ,ຍີ່ປຸ່ນເອົາໃຈໃສ່ນຳການພົວພັນຍີ່ປຸ່ນຈີນໃນລະດັບສູງ,ຍິນດີປະກອບສ່ວນເຂົ້າໃນການປົວແປງແລະຂະຫຍາຍການພົວພັນຍີ່ປຸ່ນຈີນຈາກດ້ານຍຸດທະສາດຕາມຈິດໃຈແລະຫຼັກການຂອງເອກະສານການເມືອງຍີ່ປຸ່ນຈີນສາມສະບັບ.ທ່ານກ່າວວ່າ,ຍຶດໝັ້ນເດີນຕາມເສັ້ນທາງພັດທະນາໂດຍສັນຕິບົນພື້ນຖານທີ່ສຳຫຼວດຕົນເອງໃນປະຫວັດສາດຢ່າງເລິກເຊິ່ງແມ່ນນະໂຍບາຍກຳນົດໄວ້ຂອງຍີ່ປຸ່ນ,ຈະບໍ່ປ່ຽນແປງ.
ທ່ານຊິນໂຈ ອາເບຍັງກ່າວຢ້ຳວ່າ,ຍີ່ປຸ່ນຈະຍຶດໝັ້ນນະໂຍບາຍຈີນດຽວຕາມຖະແຫຼງ ການຮ່ວມຍີ່ປຸ່ນຈີນ.
ທ່ານເວີ່ນເຈ່ຍປາວຕ້ອນຮັບທ່ານຊິນໂຈ ອາເບຢູ່ສະໜາມບິນ
ຕອນບ່າຍມື້ນີ້, ທ່ານເວີ່ນເຈຍປາວ ນາຍົກລັດຖະມົນຕີຈີນກໍໄດ້ເຈລະຈາກັບທ່ານຊິນໂຈ ອາເບ.ຫົວໜ້າລັດຖະບານສອງປະເທດກ່າວວ່າ,ຖ້າຢາກເຮັດໃຫ້ການພົວພັນຈີນຍີ່ປຸ່ນຂະຫຍາຍຕົວຢ່າງປອດໄສ ໝັ້ນທ່ຽງເປັນເວລາຍາວນານຕ້ອງຊຳລະບັນຫາວັດຢາຊືຄູນິ ຢ່າງເໝາະສົມ.ທ່ານເວີ່ນເຈ່ຍປາວຍັງໄດ້ສະເໜີຄວາມເຫັນ5ຂໍ້ກ່ຽວກັບການຂະຫຍາຍການພົວພັນຈີນຍີ່ປຸ່ນໃນອະນາຄົດ.
ທ່ານຊິນໂຈ ອາເບຂີ່ຍົນມາຮອດປັກກິ່ງ
ທ່ານຊິນໂຈ ອາເບ ນາຍົກລັດຖະມົນຕີຜູ້ໃໝ່ຂອງຍີ່ປຸ່ນແມ່ນຂີ່ຍົນພິເສດເດີນທາງມາຮອດປັກກິ່ງໃນຕອນທ່ຽງມື້ນີ້,ເລີ່ມຢ້ຽມຢາມຈີນຢ່າງເປັນທາງການ.
|
|
