|
ຕາມຂ່າວ ＣＲＩ: ຕອນເຊົ້າວັນທີ 9 ຕຸລາ, ໂທລະພາບແຫ່ງຊາດໄທລາຍງານວ່າ, ວັນທີ 8 ຕຸລາ, ສົມເດັດພູມິພົນ ອະດຸນຍະເດດ ເຈົ້າຊີວິດໄທໄດ້ຊົງລົງນາມໃນລາຊະໂອງການ, ປະກາດແຕ່ງຕັ້ງສະມາຊິກຄະນະລັດຖະບານຊົ່ວຄາວ 26 ຄົນ, ລັດຖະບານຊົ່ວຄາວຂອງໄທເຊິ່ງແມ່ນພົນເອກສຸຣະຍຸດ ຈຸລານົນເປັນນາຍົກລັດຖະມົນຕີໄດ້ສ້າງຕັ້ງຂັ້ນແລ້ວ.
ຕາມລາຊະໂອງການແຕ່ງຕັ້ງຂອງເຈົ້າຊີວິດໄທ, ມ່ອນຣາດຊະວົງປຣິດິຍາທອນ ເທວະກຸນ ອະດີດຜູ່ວ່າການທະນາຄານແຫ່ງຊາດໄທເປັນຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການເງິນ ທ່ານໂຄສິດ ປັ້ນປ່ຽນຣັດ ອະດີດຫົວໜ້າຄະນະບໍລິຫານງານທະນາຄານບາງກອກເປັນຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງອຸດສາຫະກຳ ທ່ານອາຣີ ວົງອາຣະຍະ ອະດີດລັດຖະມົນຕີຊ່ອຍວ່າການກະຊວງມະຫາດໄທເປັນລັດຖະມົນຕີວ່າການກະຊວງມະຫາດໄທ ທ່ານພົນເອກບຸນຣອດ ສົມທັດ ອະດີດເສນາທິການໃຫຍ່ກອງທັບບົກເປັນລັດຖະມົນຕີວ່າການກະຊວງປ້ອງກັນປະເທດ ທ່ານນິດ ພິບຸນສົງຄຣາມ ອະດີດລັດຖະມົນຕີຊ່ອຍວ່າການກະຊວງການຕ່າງປະເທດເປັນລັດຖະມົນຕີວ່າການກະຊວງການຕ່າງປະເທດ.
ເມື່ອເບິ່ງຈາກສະພາບການປະກອບສະມາຊິກຜູ່ໃໝ່ຂອງຄະນະລັດຖະບານຊົ່ວຄາວແລ້ວເຫັນວ່າ, ເຈົ້າໜ້າທີ່ຂັ້ນສູງໃນລັດຖະບານຊຸດກ່ອນໄດ້ກວມສ່ວນຫຼາຍ.
|
