|
|
 |
| (GMT+08:00)
2006-10-09 16:36:06
|
 |
|
ວົງການຕ່າງໆຂອງຍີ່ປຸ່ນຕັ້ງໜ້າຕີລາຄາຕໍ່ການມາຢ້ຽມຢາມຈີນຂອງທ່ານຊິນໂຈ ອາເບ
cri
Author: min
ຕາມຂ່າວ CRI: ວັນທີ 8 ແລະທີ 9 ຕຸລາ, ທ່ານຊິນໂຈ ອາເບ ນາຍົກລັດຖະມົນຕີຍີ່ປຸ່ນໄດ້ມາຢ້ຽມຢາມຈີນຢ່າງເປັນທາງການ, ໄດ້ເຈລະຈາກັບຜູ້ນຳຈີນ. ວົງການຕ່າງໆຂອງຍີ່ປຸ່ນໄດ້ຕີລາຄາຢ່າງຕັ້ງ ໜ້າຕໍ່ການຢ້ຽມຢາມເທື່ອນີ້.
ໜັງສືພິມ "ອາຊາຮິ ຊິນບູນ" ສະບັບວັນທີ 9 ຕຸລາ, ໄດ້ພິມບົດນຳທີ່ພາດຫົວເລື່ອງວ່າ "ຫວັງໃຫ້ການເຈລະຈາລະຫວ່າງຍີ່ປຸ່ນກັບຈີນສາມາດສະກັດກັ້ນບໍ່ໃຫ້ການພົວພັນສອງປະເທດສືບຕໍ່ຊຸດໂຊມລົງ", ໂດຍຂຂຽນວ່າ ຍ້ອນທ່ານ ຈູນິຊິໂລ ໂກອິຈູມິ ອະດີດ ນາຍົກລັດຖະມົນຕີຍີ່ປຸ່ນໄປນະມັດສະການວັດຢາຊຶຄູນິ, ໄດ້ເຮັດໃຫ້ການພົວພັນລະຫວ່າງຈີນຍີ່ປຸ່ນຊຸດໂຊມລົງຮອດຈຸດຕ່ຳສຸດ. ທ່ານຊິນໂຈ ອາເບຢ້ຽມຢາມຈີນເທື່ອນີ້ໄດ້ທຳຄວາມພະຍາຍາມເພື່ອສ້າງການພົວພັນຮ່ວມມືໃໝ່ລະຫວ່າງຈີນຍີ່ປຸ່ນ, ອັນໄດ້ສະກັດກັ້ນບໍ່ໃຫ້ການພົວພັນຈີນຍີ່ປຸ່ນຊຸດໂຊມລົງອີກ.
ມື້ດຽວກັນ, ໜັງສືພິມ "ມາອີນີຊີ ເດລີນິວສ໌" ກໍພິມບົດນຳ, ຕັ້ງໜ້າຕີລາຄາຕໍ່ທ່າທີເບິ່ງໄປທາງໜ້າຂອງຜູ້ນຳສອງປະເທດທີ່ອອກແຮງສ້າງການພົວພັນທີ່ໄວ້ເນື້ອເຊື່ອໃຈກັນຄືນໃໝ່.
ຕອນຄ່ຳວັນທີ 8 ຕຸລາ, ທ່ານນາຄາກາວາ ຮີເດນາໂອ ຜູ້ອຳນວຍການໃຫຍ່ພັກເສລີປະຊາທິປະໄຕຍີ່ປຸ່ນອອກຖະແຫຼງການວ່າ, ການ ຢ້ຽມຢາມຈີນຂອງທ່ານຊິນໂຈ ອາເບ ໄດ້ຮັບຜົນສຳເລັດເຕັມເມັດເຕັມໜ່ວຍ, ສອງຝ່າຍຈີນຍີ່ປຸ່ນໄດ້ບັນລຸຄວາມເຫັນເປັນເອກະສັນກັນກ່ຽວກັບການສ້າງ "ການພົວພັນຕ່າງຝ່າຍຕ່າງມີຜົນປະໂຫຍດທີ່ມີລັກສະນະຍຸດທະສາດ" ເຊິ່ງເປັນສັນຍະລັກສະແດງໃຫ້ເຫັນວ່າ ການພົວພັນສອງປະເທດໄດ້ກ້າວເຂົ້າສູ່ຍຸກໃໝ່, ຕໍ່ເລື່ອງນີ້, ທ່ານຍ້ອງຍໍໃນລະດັບສູງ. ທ່ານໂອຕາ ອາຄີຮີໂຣ ຜູ້ຕາງໜ້າພັກໂຄເມໂຕຂອງສະຫະພັນກຳອຳນາດກໍ່ເວົ້າວ່າ, ຫວັງໃຫ້ຍີ່ປຸ່ນຈີນເພີ່ມຄວາມເຂົ້າໃຈກັນຕື່ມອີກ, ແລະຫວັງໃຫ້ປະມຸກລັດຍີ່ປຸ່ນຈີນສາມາດສືບຕໍ່ສົນທະນາກັນເພື່ອແກ້ໄຂບັນຫາຕ່າງໆລະຫວ່າງສອງປະເທດໃນຕໍ່ໜ້າ.
|
|
|
