|
ສະພາບການກະກຽມເຂົ້າຮ່ວມງານເອັກສໂປຈີນອາຊຽນຄັ້ງທີສາມສະເພາະກົມສົ່ງເສີມການຜະລິດແລະການຄ້າພວກເຮົາໄດ້ກະກຽມໃຫ້ມີດັ່ງນີ້: ບັນດາວຽກທີ່ພວກເຮົາໄດ້ເຮັດມານີ້ແມ່ນຫນຶ່ງກໍ່ແມ່ນໄດ້ສະເຫນີໄປຍັງຫ້ອງ ການສຳນັກງານນາຍົກເພື່ອຂໍອະນຸມັດທາງດ້ານຫລັກການໃນການເຂົ້າຮ່ວມງານວາງສະແດງຄັ້ງນີ້,ແລະໄດ້ຮັບການເຫັນດີເພື່ອໃຫ້ສືບຕໍ່ເຂົ້າຮ່ວມງານດັ່ງກ່າວ,ພ້ອມກັນນັ້ນ,ກໍ່ໄດ້ມີການຕົກລົງແຕ່ງຕັ້ງຄະນະຮັບຜິດຊອບການກະກຽມລະດັບຊາດເພື່ອເຂົ້າຮ່ວມງານວາງສະແດງສິນຄ້າຈີນອາຊຽນຄັ້ງທີສາມຈາກສຳນັກ ງານນາຍົກລັດຖະມົນຕີ.ທັງໄດ້ເປີດກອງປະຊຸມປຶກສາຫາລືຂັ້ນວິຊາການຄັ້ງ ທຳອິດໃນວັນທີ 25 ເດືອນ 5 2006 ກ່ຽວກັບການມອບວຽກທີ່ກ່ຽວຂ້ອງກັບຂະແຫນງການເພື່ອໄດ້ກະກຽມໂດຍກົມສົ່ງເສີມການຜະລິດແລະການຄ້າ, ມີຄະນະກຳມະການແຜນການແລະການລົງທຶນ, ອົງການທ່ອງທ່ຽວແຫ່ງຊາດ, ສະພາການຄ້າແລະອຸດສາຫະກຳແຫ່ງຊາດໄດ້ເຂົ້າຮ່ວມໃນການປຶກສາຫາລືກະກຽມແບ່ງວຽກ.ຈາກນັ້ນ,ພວກເຮົາໄດ້ຮັບຕ້ອນຄະນະຜູ່ແທນກອງເລຂາຈີນອາຊຽນໃນລະຫວ່າງວັນທີ 26 ຫາວັນທີ 31 ເດືອນ 6 2006,ເຊິ່ງຈັດໃຫ້ມີການພົບປະກັບຂະແຫນງການກ່ຽວຂ້ອງເຊັ່ນກະຊວງອຸດສາຫະກຳແລະ ການຄ້າ,ອົງການທ່ອງທ່ຽວແຫ່ງຊາດແລະຄະນະກຳມະການແຜນການແລະການລົງທຶນ,ແລະສະພາການຄ້າອຸດສາຫະກຳແຫ່ງຊາດ, ຈຸດປະສົງແມ່ນເພື່ອຕິດຕາມຄວາມພ້ອມຂອງສປປລາວໃນການກະກຽມເຂົ້າຮ່ວມງານວາງສະແດງຄັ້ງນີ້
ນອກນັ້ນ, ພວກເຮົາກໍ່ໄດ້ຈັດປະຊຸມຂັ້ນວິຊາການຄັ້ງທີສອງຂຶ້ນໃນວັນທີ 8 ເດືອນ 6 2006,ພວກເຮົາໄດ້ສະເຫນີແຜນການກະກຽມໃນຕໍ່ຫນ້າ,ພ້ອມນັ້ນ, ກໍ່ໄດ້ເປັນເອກະພາບກັນເລືອກເອົານະຄອນຫລວງວຽງຈັນເປັນເມືອງແຫ່ງສະເຫນ່.
ນອກນີ້ ພວກເຮົາກໍ່ໄດ້ເຂົ້າຣ່ວມກອງປະຊຸມເຈົ້າຫນ້າທີ່ອາວູໂສຈີນອາຊຽນຄັ້ງທຳອິດໃນລະຫວ່າງວັນທີ 11 ຫາ 17 ເດືອນ 6 2006,ເພື່ອແຈ້ງຜົນຂອງການກະກຽມງານຄັ້ງນີ້,ສະເຫນີແຜນການສືບຕໍ່ໃນຕໍ່ຫນ້າ.ນອກນັ້ນ,ກໍ່ໄດ້ມີການເຂົ້າຮ່ວມເຈລະຈາສອງຝ່າຍໂດຍສະເພາະແມ່ນປະເທດທີ່ຍັງມີບັນຫາໃນການເຂົ້າຮ່ວມໃນປີຜ່ານມາ,ເພື່ອໃຫ້ຝ່າຍຈີນໄດ້ມີນະໂຍບາຍໃນການຊ່ອຍເຫລືອ.
ອີກອັນຫນຶ່ງກໍ່ແມ່ນພວກເຮົາກໍ່ໄດ້ປະສານສົມທົບປຶກສາຫາລືກັບສະຖາບັນວິຈິດສິນແຫ່ງຊາດ,ເພື່ອສຶກສາຄວາມເປັນໄປໄດ້ໃນການອອກແບບແລະກໍ່ສ້າງເຄື່ອງຈຳລອງ, ມາສຶກສາຄວາມເປັນໄປໄດ້ກໍ່ສ້າງແລະນຳໄປວາງສະແດງແລ້ວ, ສະນັ້ນ,ຜ່ານການປະກອບຄຳເຫັນຂອງຂະແຫນງການກ່ຽວຂ້ອງ,ຈິ່ງໄດ້ຕົກລົງກັນວ່າ,ຄວນຈະເອົາເຄື່ອງຈຳລອງເປັນປະຕູໄຊ, ປະຕູໄຊກໍ່ເປັນເອກະລັກຂອງນະຄອນຫລວງວຽງຈັນ,ເຊິ່ງເປັນສິ່ງທີ່ຄົນຮູ້ຈັກມາຫລວງຫລາຍ.
ມາເຖິງວັນທີ 7 ເດືອນ 7 2006,ພວກເຮົາກໍ່ໄດ້ເປີດກອງປະຊຸມວິຊາການຄັ້ງທີສາມ,ໄດ້ປຶກສາຫາລືສ້າງຄວາມເປັນເອກະພາບຂັ້ນວິຊາການ,ເພື່ອນຳສະເຫນີຂໍການຮັບຮອງຈາກທ່ານປະທານຄະນະຊີ້ນຳກະກຽມເຂົ້າຮ່ວມງານວາງສະແດງ,ເພື່ອວ່າຈະມອບຫມາຍໃຫ້ແຕ່ລະຂະແຫນງການນັ້ນໄດ້ກະກຽມຮ້ານວາງສະແດງຂອງຊາດຄືແນວໃດ,ໂດຍທີວ່າແຕ່ລະພາກສ່ວນໄດ້ກະກຽມສິ່ງໂຄສະນາຂອງຕົນເອງ,ເປັນຕົ້ນແມ່ນຄະນະລົງທຶນຈະນຳເອົາຫຍັງໄປໂຄສະນາດຶງດູດການລົງທຶນ,ການທ່ອງ ທ່ຽວຈະກະກຽມໂຄສະນາແຫລ່ງທ່ອງທ່ຽວ,ສະພາອຸດສາຫະກຳການຄ້າແຫ່ງຊາດຈະກະກຽມທຸລະກິດຄືແນວໃດເພື່ອໄປເຂົ້າຮ່ວມງານວາງສະແດງ,ພ້ອມດຽວກັນນັ້ນ, ພວກເຮົາກໍ່ໄດ້ກະກຽມວັດຖຸອຸປະກອນແລະຜະລິດຕະພັນທີ່ຈະນຳໄປຕົບແຕ່ງຮ້ານວາງສະແດງ, ອັນໃດຍັງຄົງຄ້າງ,ແລ້ວກໍ່ຈະແກ້ໄຂໃຫ້ທັນ.ອັນນີ້ແມ່ນການປະຕິບັດຈັດຕັ້ງວຽກງານຂອງພວກເຮົາຜ່ານມາ.
ມູນເຫດທີ່ພວກເຮົາເລືອກເອົານະຄອນຫລວງວຽງຈັນເປັນຕົວເມືອງແຫ່ງສະເຫນ່ແມ່ນຍ້ອນວ່ານະຄອນຫລວງວຽງຈັນແມ່ນຈຸດໃຈກາງຂອງການພົວພັນທາງດ້ານເສດຖະກິດ,ທາງດ້ານສັງຄົມ ວັດທະນະທຳ,ທັງເປັນສູນກາງໃນການດຶງດູດການລົງທຶນຈາກຕ່າງປະເທດ,ແລະມີສະຖານທີ່ທ່ອງທ່ຽວ, ທຳມະຊາດ,ວັດວາອາຮາມ,ບູຊະນິຍະສະຖານຫລາຍແຫ່ງ, ເຊິ່ງວ່າຈຸດເສື່ອມຕໍ່ລະຫວ່າງພາກເຫນືອແລະພາກໃຕ້ຂອງລາວ. ຢູ່ໃນນີ້, ພວກເຮົາກໍ່ມີຂົວທີ່ເຊື່ອມຕໍ່ຢູ່ລະຫວ່າງລາວກັບປະເທດໄທ,ກາຍເປັນຂົວເຊື່ອມຕໍ່ທາງສາກົນ,ໄດ້ສ້າງຄວາມສະດວກຫລາຍຢ່າງໃຫ້ແກ່ການຂົນສົ່ງລະຫວ່າງລາວໄທ,ແລະກັບສາກົນ.ແມ່ນຍ້ອນມູນເຫດເຫລົ່ານີ້, ພວກເຮົາຈິ່ງຄ່ອຍໄດ້ເລືອກເອົານະຄອນຫລວງວຽງຈັນເປັນຕົວເມືອງແຫ່ງສະເຫນ່ໃນການເຂົ້າຮ່ວມງານວາງສະແດງຄັ້ງນີ້.
ການຈັດການວາງສະແດງຕົວເມືອງແຫ່ງຄວາມສະເຫນ່,ມີຄວາມສຳ ຄັນຍ້ອນວ່າງານວາງສະແດງຈີນອາຊຽນເປັນງານວາງສະແດງລະດັບພາກພື້ນ, ແລະອາການວາງສະແດງເມືອງສະເຫນ່ແມ່ນບົ່ງບອກເຖິງເອກະລັກຂອງແຕ່ລະຊາດ,ທັງບົ່ງບອກເຖິງວັດທະນະທຳຮີດຄອງປະເພນີຂອງຊາດ; ອີກອັນຫນຶ່ງທີ່ສຳຄັນແມ່ນສິ່ງຈຳລອງເມືອງສະເຫນ່ຈະເປັນຈຸດເດັ່ນໃນການດຶງດູດຄວາມສົນໃຈຂອງແຂກທີ່ມາຮ່ວມໃນງານວາງສະແດງເພື່ອດຶງດູດການລົງທຶນແລະການທ່ອງທ່ຽວ.
ເນື້ອໃນແລະການຈັດວາງຮ້ານວາງສະແດງຂອງຊາດລາວ,ພວກເຮົາຕົບແຕ່ງຄືແນວນີ້: ໄດ້ຕັ້ງເຄື່ອງຈຳລອງປະຕູໄຊຢູ່ທາງເຂົ້າຮ້ານວາງສະແດງຂອງຊາດລາວ,ເຂົ້າໄປແລ້ວ ຈະໄດ້ເຫັນແຜ່ນທີ່ສປປລາວ,ຫລັງຈາກນັ້ນຈະເປັນເຂດຂອງການລົງທຶນ,ຂອງການທ່ອງທ່ຽວ,ຂອງການພົວພັນລາວຈີນ,ນອກນັ້ນຈະມີການວາງສະແດງສິນຄ້າຕົວຢ່າງ,ເປັນຕົ້ນມີເຄື່ອງເຟີນີເຈີ,ເຄື່ອງແກະຊະຫລັກດ້ວຍໄມ້ດ້ວຍເງິນ, ຜ້າໄຫມແລະອື່ນໆ.ນອກຈາກນັ້ນ, ຍັງມີການໂຄສະນາປະເທດລາວ, ຊາດລາວ.ໂດຍຈະມີການຈັດໃຫ້ມີຟິມປະເທດລາວແລະຊາດລາວຢູ່ໃນງານ.ພ້ອມນີ້ພວກເຮົາກໍ່ໄດ້ສືບຕໍ່ກະກຽມສະ ຫນອງຂໍ້ມູນທີ່ຈຳເປັນໃຫ້ແກ່ກັບຜູ່ຈັດຕັ້ງງານເປັນແຕ່ລະໄລຍະ, ນອກນີ້ກໍ່ມີເຂດພົບປະທຸລະກິດ.
ໃນການເຂົ້າຮ່ວມງານຄັ້ງນີ້,ນັບທັງຄັ້ງທີ່ຜ່ານມາ, ໂດຍສະເພາະແມ່ນຄັ້ງທີ່ຜ່ານມາ,ພວກເຮົາແມ່ນມີຫລາຍອັນເຊິ່ງວ່າມີຜົນອັນດີໃຫ້ແກ່ສປປລາວເຮົາ.ຄືຫນຶ່ງແມ່ນຝ່າຍຈີນໃຫ້ຄວາມສຳຄັນແກ່ຄະນະຜູ່ແທນຂັ້ນສູງຂອງລາວເຮົາ, ໂດຍສະເພາະແມ່ນຕໍ່ກັບລາວເພິ່ນຖືວ່າເປັນເພື່ອນມິດທີ່ມີອຸດົມການອັນດຽວກັນ, ແລະເປັນເພື່ອນສະຫາຍທີ່ເຊື່ອໃຈກັນໄດ້.ເຊິ່ງຈະໃຫ້ການສະ ຫນັບສະຫນູນແບບຕ່າງຈາກການພົວພັນກັບປະເທດອື່ນໃນການເຂົ້າຮ່ວມງານຄັ້ງ,ເຈົ້າແຂວງກວງຊີກໍ່ໄດ້ມາພົບກັບຄະນະນຳພວກເຮົາ, ອັນນີ້ແມ່ນເຂົາຖືສຳຄັນ.
ຫ້ອງວາງສະແດງແຫ່ງຊາດຂອງລາວພວກເຮົາກໍ່ໄດ້ຮັບການເລືອກເປັນລາງວັນອອກແບບດີເດັ່ນປະຈຳປີກາຍນີ້, ຫ້ອງວາງສະແດງແຫ່ງຊາດຂອງລາວໃນປີຜ່ານມາເຫັນວ່າໄດ້ສ້າງຈຸດເດັ່ນເປັນທີ່ດຶງດູດປະຊາຊົນຈີນເຂົ້າມາເບິ່ງ,ທັງມີນັກທຸລະກິດຈີນເຂົ້າມາຊອບມາຖາມ,ມີນັກຂ່າວຫລາຍໆສະຖາບັນຈີນເຂົ້າມາເອົາຂ່າວ,ມາສົນໃຈກ່ຽວກັບຫ້ອງວາງສະແດງແຫ່ງຊາດຂອງລາວ.ພວກເພິ່ນໄດ້ສົນໃຈກ່ຽວກັບຮີດຄອງປະເພນີລາວແລະການລົງທຶນຢູ່ລາວ,ຜູ່ໃດໄປມາກໍ່ສົນໃຈນຳພວກເຮົາ,ເພາະເອື້ອຍນ້ອງລາວໄດ້ນຸ່ງສິ້ນແລະຜ້າປ່ຽມ,ໄດ້ສ້າງຄວາມດຶງດູດໃຫ້ແກ່ຜູ່ກາຍມາ,ນັກທຸລະກິດຂອງລາວກໍ່ໄດ້ປະກາດເອົາສິນຄ້າຂອງຕົນເອງໄປໂຄສະນາໃນງານ,ແລະກໍ່ໄດ້ມີການພົບປະກັບນັກທຸລະກິດຈີນ,ແລະມີນັກທຸລະກິດຈຳນວນຫນຶ່ງສົນໃຈຢາກມາລົງທຶນຢູ່ລາວ,ເປັນຕົ້ນເຂົາເຈົ້າຢາກມາລົງທຶນທາງດ້ານບໍ່ແຮ່,ທາງດ້ານກະສິກຳ,ການທ່ອງທ່ຽວ.ນອກນັ້ນ, ເພິ່ນກໍ່ໄດ້ສະຫນັບສະຫນູນພວກເຮົາໃຫ້ພາສາແປ,ເຊິ່ງແມ່ນນັກສຶກສາອາສາສະຫມັກຈີນສອງຄົນມາປະຈຳຢູ່ຮ້ານ,ເພື່ອະທິບາຍໃຫ້ກັບນັກທຸລະກິດຈີນແລະປະຊາຊົນຈີນທີ່ເຂົ້າມາຮ້ານວາງສະແດງ.ຈາກການເຂົ້າຮ່ວມງານຄັ້ງຜ່ານມາ,ໄດ້ເຮັດໃຫ້ຊາວຈີນໄດ້ຮູ້ຈັກປະເທດລາວຫລາຍຂຶ້ນ, ທາງໂທລະພາບຂອງຈີນກໍ່ໄດ້ເຜີຍແຜ່ຮູບພາບການເຄື່ອນໄຫວຂອງຄະນະຜູ່ແທນລາວ,ແລະຮ້ານວາງສະແດງຂອງລາວຕະຫລອດໄລຍະຈັດງານ,ສິນຄ້າຂອງລາວກໍ່ເປັນທີ່ຮູ້ຈັກຂອງຊາວຈີນນັບມື້ນັບຫລາຍຂຶ້ນ,ໂດຍສະເພາະແມ່ນຜະ ລິດຕະພັນເຟີນີເຈີແລະຜະລິດຕະພັນນ້ອຍ,ເຮັດໃຫ້ເຂົາເຈົ້າສົນໃຈຫລາຍ.
|
