|
|
 |
| (GMT+08:00)
2006-10-09 19:11:42
|
 |
|
ກອງປະຊຸມສຳມະນາເຕັກນິກຫຸ່ນຍົນຈີນ ຍີ່ປຸ່ນແລະສ.ເກົາຫຼີຄັ້ງປະຖົມມະເລີກຈັດຂຶ້ນຢູ່ປັກກິ່ງ
cri
Author: cai
ຕາມຂ່າວCRI:ວັນທີ 9 ຕຸລາ,"ກອງປະຊຸມສຳມະນາເຕັກນິກຫຸ່ນຍົນຈີນ ຍີ່ປຸ່ນແລະສ.ເກົາຫຼີ"ຄັ້ງປະຖົມມະເລີກໄດ້ຈັດຂຶ້ນຢູ່ປັກກິ່ງ.ເຈົ້າໜ້າທີ່ລັດຖະບານ ຜູ້ຊ່ຽວຊານແລະຜູ້ແທນວິສາຫະກິດປະມານ 70 ກວ່າທ່ານທີ່ມາຈາກ 3 ປະເທດດັ່ງກ່າວໄດ້ວາງຂໍ້ລິເລີ່ມໃຫ້ເພີ່ມທະວີການແລກປ່ຽນແລະການຮ່ວມມືລະຫວ່າງສາມຝ່າຍຕື່ມອີກໃນດ້ານເຕັກນິກຫຸ່ນຍົນແລະການຫັນເປັນອຸດສາຫະກຳ.
ໃນກອງປະຊຸມເທື່ອນີ້,ຜູ້ຕາງໜ້າຂອງລັດຖະບານ 3 ປະເທດໄດ້ແນະນຳແຜນຍຸດທະສາດພັດທະນາເຕັກນິກຫຸ່ນຍົນຂອງປະເທດຕົນ,ຜູ້ຊ່ຽວຊານແລະວິສາຫະກິດທີ່ກ່ຽວຂ້ອງໄດ້ແນະນຳວຽກງານຄົ້ນຄວ້າທີ່ຕົນໄດ້ເຮັດແລະໄດ້ຫາລືກັນກ່ຽວກັບເຕັກນິກແນວໜ້າຂອງຫຸ່ນຍົນໃນສະເພາະໜ້ານີ້.ຜູ້ແທນທີ່ຮ່ວມປະຊຸມໄດ້ເປັນເອກະສັນກັນກ່າວວ່າ,ສາມຝ່າຍຄວນເພີ່ມທະວີການແລກປ່ຽນດ້ານເຕັກນິກຫຸ່ນຍົນ ແຜນອຸດສາຫະກຳແລະໝາກຜົນຄົ້ນຄວ້າ,ຈັດຕັ້ງການຮ່ວມມືຄົ້ນຄວ້າດ້ວຍຫຼາຍຮູບແບບ,ຮ່ວມກັນຊຸກຍູ້ໃຫ້ເຕັກນິກຫຸ່ນຍົນພັດທະນາຕື່ມອີກ.
|
|
|
