|
ເຂດກວາງຊີຈີນຈະສະໜອງສະພາບແວດລ້ອມອັນດີງາມໃຫ້ແກ່ກອງປະຊຸມສຸດຍອດກ່ຽວກັບການລະລຶກຈີນອາຊຽນສ້າງຕັ້ງການພົວພັນເປັນຄູ່ເຈລະຈາຄົບຮອບ15ປີ
cri
ຕາມຂ່າວສານຈີນ,ໃນເວລາພົບປະກັບຜູ່ຕາງໜ້າຂອງ10ປະເທດອາຊຽນຢູ່ນະຄອນນານນິງ ເທສະບານເຂດປົກຄອງຕົນເອງກວາງຊີເຜົ່າຈວ້າງໃນວັນທີ8ຕຸລາ,ທ່ານລີຈິນຈາວ ຮອງປະທານເຂດກວາງຊີກ່າວວ່າ,ເຂດກວາງຊີຈະສະໜອງສະພາບແວດລ້ອມອັນດີງາມໃຫ້ແກ່ກອງປະຊຸມສຸດຍອດກ່ຽວກັບການລະລຶກຈີນອາຊຽນສ້າງຕັ້ງການພົວພັນເປັນຄູ່ເຈລະຈາຄົບຮອບ15ປີ.
ທ່ານລີຈິນຈາວກ່າວວ່າ,ເຂດກວາງຊີຈະສຸມກຳລັງຊ່ອຍຈັດກອງປະຊຸມສຸດຍອດເທື່ອນີ້ໃຫ້ດີ.ປັດຈຸບັນ,ເຂດກວາງຊີໄດ້ທຸ້ມເທກຳລັງຄົນແລະຊັບສິນຢ່າງຫຼວງຫຼາຍເຂົ້າໃນການປັບປຸງພື້ນຖານໂຄງລ່າງຂອງນະຄອນນານນິງທີ່ເປັນສະຖານທີ່ຈັດກອງປະຊຸມ,ການກໍ່ສ້າງເສັ້ນທາງໃໝ່ແລະຂົວໃໝ່ພວມຢູ່ໃນໄລຍະສຳເລັດການກໍ່ສ້າງ,ວຽກປັບປຸງສະຖານທີ່ຈັດປະຊຸມທີ່ກ່ຽວຂ້ອງກໍພວມດຳເນີນໄປຕາມແຜນ.
|
|
