|
ພາກໃຕ້ຟີລິບປິນເກີດເຫດການລະເບີດ
cri
Author: cai
ຕາມຂ່າວສານຊີນຮວາ:ວັນທີ 10 ຕຸລາ,ຢູ່ເຂດມີນດານາວ ພາກໃຕ້ຟີລິບປິນ,ໄດ້ເກີດເຫດການລະເບີດສອງລາຍຢ່າງລຽນຕິດ,ຢ່າງໜ້ອຍພາໃຫ້ 8 ຄົນຕາຍ 20 ກວ່າຄົນບາດເຈັບ.
ຕາມຂ່າວແຈ້ງວ່າ,ມື້ດຽວກັນ,ສະຖານທູດອາເມລິກາປະຈຳຟີລິບປິນແລະລັດຖະບານອົສຕຼາລີຕ່າງໄດ້ກ່າວເຕືອນວ່າ,ມີຂ່າວລັບທີ່ແນ່ໃຈໄດ້ສະແດງໃຫ້ເຫັນວ່າ,ຫວ່າງມໍ່ໆນີ້,ພວກກໍ່ການຮ້າຍຈະກໍ່ເຫດການຫຼອນໂຈມຕີຢູ່ເຂດພາກໃຕ້ຟີລິບປິນແລະບ່ອນທີ່ຊາວຕ່າງປະເທດມັກທ່ຽວ.
ຫວ່າງກ່ອນນີ້,ລັດຖະບານແລະຝ່າຍທະຫານຂອງຟີລິບປິນໄດ້ເຜີຍໃຫ້ຮູ້ວ່າ,ສະມາຊິກຫຼາຍສິບຄົນຂອງ"ເຈມາອາ ອິສລາມີຢາ" ອົງການກໍ່ການຮ້າຍອາຊີອະຄະເນໄດ້ເລັດລອດເຂົ້າເຂດມີນດານາວແລະເກາະຄາກາຢານ ຊູລູ ພາກໃຕ້ຟີລິບປິນ,ເພື່ອຊ່ອຍຝຶກແອບຜູ້ປະກອບອາວຸດຕ້ານລັດຖະບານທີ່ນຳໂດຍອາບູ ໄຊຢັຟທີ່ຢູ່ແຫ່ງນັ້ນ.
|
|
