|
|
 |
| (GMT+08:00)
2006-10-12 20:41:05
|
 |
|
ຈີນເດັດດ່ຽວຄັດຄ້ານການໃຊ້ການເຄື່ອນໄຫວທາງການທະຫານມາແກ້ໄຂບັນຫານິວເຄຼຍແຫຼມເກົາຫຼີ
cri
Author: shuo
ຕາມຂ່າວCRI:ວັນທີ12ຕຸລາ,ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ຈີນເດັດດ່ຽວຄັດຄ້ານການໃຊ້ການເຄື່ອນໄຫວທາງການທະຫານມາແກ້ໄຂບັນຫານິວເຄຼຍແຫຼມເກົາຫຼີ.
ໃນງານຊຸມນຸມນັກຂ່າວທີ່ຈັດຂຶ້ນຢູ່ທີ່ປັກກິ່ງ,ທ່ານລິວຈ້ຽງຊ່າວກ່າວວ່າ,ຈຸດຢືນຂອງ ຈີນໃນການແກ້ໄຂບັນຫານິວເຄຼຍແຫຼມເກົາຫຼີແມ່ນ,ບັນລຸການປອດນິວເຄຼຍຢູ່ແຫຼມເກົາຫຼີ,ປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ.ຝ່າຍຈີນເຫັນວ່າ,ໃຕ້ສະພາບການໃນສະເພາະໜ້ານີ້,ຝ່າຍສປປເກົາຫຼີຄວນຢຸດຕິທຸກການເຄື່ອນໄຫວທີ່ອາດຈະພາໃຫ້ສະຖານະການຊຸດຮ້າຍລົງອີກ,ຝ່າຍທີ່ກ່ຽວຂ້ອງອື່ນໆຄວນໃຊ້ມາດຕະການອັນເໝາະສົມເພື່ອເຮັດໃຫ້ບັນຫານິວເຄຼຍແຫຼມເກົາຫຼີຈະໄດ້ຮັບການແກ້ໄຂດ້ວຍວິທີເຈລະຈາແລະປຶກສາຫາລື.ຝ່າຍຈີນຈະທຳຄວາມພະຍາ ຍາມຢ່າງຕັ້ງໜ້າເພື່ອຟຶ້ນຟູການເຈລະຈາຫົກຝ່າຍກ່ຽວກັບບັນຫານິວເຄຼຍແຫຼມເກົາຫຼີ.
ໃນເວລາຕອບຄຳຖາມກ່ຽວກັບຈີນຈະລົງໂທດສປປເກົາຫຼີແລະຢຸດຕິການສະໜອງການຊ່ອຍເຫຼືອດ້ານເສດຖະກິດໃຫ້ສປປເກົາຫຼີຫຼືບໍ່,ທ່ານລິວຈ້ຽນຊ່າວກ່າວວ່າ,ຈີນສຸມກຳລັງເຂົ້າໃນການຂະຫຍາຍການພົວພັນຮ່ວມມືທີ່ມີໄມຕີຈິດຖານບ້ານໃກ້ເຮືອນຄຽງທີ່ດີຕໍ່ກັນກັບສປປເກົາຫຼີ,ໃນໄລຍະດົນນານມານີ້,ຈີນໄດ້ສະໜອງການຊ່ອຍເຫຼືອດ້ານເສດຖະກິດໃຫ້ສປປເກົາຫຼີຕາມຄວາມສາມາດຂອງຕົນ,ຈຸດປະສົງຕົ້ນຕໍແມ່ນເພື່ອຊ່ອຍໃຫ້ປະຊາຊົນສປປເກົາຫຼີປົວແປງຊີວິດການເປັນຢູ່ໃຫ້ດີຂຶ້ນ,ຝ່າຍຈີນຈະຍຶດໝັ້ນນະໂຍບາຍດັ່ງກ່າວຢ່າງສະເໝີຕົ້ນສະເໝີປາຍ,ມັນມີຜົນດີຕໍ່ການຍົກລະດັບຊີວິດການເປັນຢູ່ຂອງປະຊາຊົນສປປເກົາຫຼີໃຫ້ສູງຂຶ້ນ.
|
|
|
