|
|
 |
| (GMT+08:00)
2006-10-12 21:02:51
|
 |
|
ການບິນອະວະກາດບັນທຸກມະນຸດແລະການສຳຫຼວດດວງຈັນກາຍເປັນເປົ້າໝາຍສຳຄັນຂອງການບິນອະວະກາດຂອງຈີນໃນ5ປີຕໍ່ໜ້າ
cri
ຕາມຂ່າວCRI,ປຶ້ມປົກຂາວວ່າດ້ວຍການບິນອະວະກາດຂອງຈີນປີ2006ທີ່ລັດຖະບານຈີນປະກາດໃນວັນທີ12ຕຸລາຂຽນວ່າ,ການບິນອະວະກາດບັນທຸກມະນຸດແລະການສຳຫຼວດດວງຈັນແມ່ນເປົ້າໝາຍສຳຄັນຂອງການບິນອະວະກາດຂອງຈີນໃນ5ປີຕໍ່ໜ້າ.
ປຶ້ມປົກຂາວຂຽນວ່າ,ໃນ5ຕໍ່ໜ້າ,ຈີນຈະສືບຕໍ່ປະຕິບັດໂຄງການການບິນອະວະກາດບັນທຸກມະນຸດ,ບັນລຸເປົ້າໝາຍໃຫ້ນັກບິນອະວະກາດເຄື່ອນໄຫວຢູ່ເທິງອະວະກາດ,ແລະທົດລອງໃຫ້ຍານອະວະກາດຕໍ່ໃສ່ກັນ.ເລີ່ມຄົ້ນຄວ້າຜະລິດຫ້ອງທົດລອງອະວະກາດທີ່ມີຂະໜາດອັນແນ່ນອນ, ມີຄົນບົວລະບັດໃນໄລຍະສັ້ນ,ແລະເປັນເຈົ້າການບິນຕາມວົງໂຄຈອນໃນໄລຍະຍາວ. ສົ່ງດາວທຽມຂຶ້ນໄປສຳຫຼວດດວງຈັນໜ່ວຍທຳອິດ,ເພື່ອດຳເນີນການສຳຫຼວດດ້ານວິທະຍາສາດແລະສຳຫຼວດຄົ້ນຄວ້າຊັບພະຍາກອນຂອງດວງຈັນ.
ປຶ້ມປົກຂາວຍັງຂຽນວ່າ,ລັດຖະບານຈີນສືບຕໍ່ສະໜັບສະໜູນການແລກປ່ຽນແລະຮ່ວມມືກັນລະຫວ່າງຊາດໃນຂົງເຂດເຕັກນິກອະວະກາດ,ການນຳໃຊ້ອະວະກາດແລະວິທະຍາສາດອະວະກາດບົນພື້ນຖານຫຼັກການສະເໝີພາບແລະຕ່າງຝ່າຍຕ່າງມີຜົນປະໂຫຍດ,ນຳໃຊ້ເຂົ້າໃນທາງສັນຕິແລະພ້ອມກັນພັດທະນາ.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວຢູ່ປັກກິ່ງໃນວັນທີ12ຕຸລາ,ທ່ານຊຸນໄລອ້ຽນ ຫົວໜ້າກົມການບິນອະວະກາດແຫ່ງຊາດຈີນຍັງກ່າວວ່າ,ຈີນແລະອາເມລິກາຈະຮ່ວມມືຕື່ມອີກໃນຂົງເຂດການບິນອະວະກາດ,ປະກອບສ່ວນເຂົ້າໃນການສ້າງການພົວພັນຮ່ວມມືທີ່ມີລັກສະນະສ້າງສັນລະຫວ່າງສອງປະເທດ.
|
|
|
