|
ປະທານາທິບໍດີສ.ເກົາຫຼີຢ້ຽມຢາມຈີນຈະແລກປ່ຽນຄວາມເຫັນກັບຜູ່ນຳຈີນກ່ຽວກັບການພົວພັນຈີນສ.ເກົາຫຼີແລະສະຖານະການແຫຼມເກົາຫຼີ
cri
ຕາມຂ່າວCRI,ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງໃນວັນທີ12ຕຸລາ,ທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນກ່າວວ່າ,ທ່ານໂລມູຢຸນ ປະທານາທິບໍດີສ.ເກົາຫຼີຈະຢ້ຽມຢາມເຮັດວຽກຢູ່ຈີນມື້ໜຶ່ງຄືວັນທີ13ຕຸລາ.
ທ່ານລິວຈ້ຽນຊາວ ກ່າວວ່າ,ໃນໄລຍະຢ້ຽມຢາມຈີນ,ທ່ານໂລມູຢຸນຈະແຍກອອກພົບປະກັບທ່ານຫູຈິນທາວ ປະທານປະເທດ,ທ່ານອູປ່າງໂກວ ປະທານສະພາປະຊາຊົນແຫ່ງຊາດ ແລະທ່ານເວິນເຈ່ຍປາວ ນາຍົກລັດຖະມົນຕີຈີນ.
ທ່ານລິວຈ້ຽນຊາວເຜີຍໃຫ້ຮູ້ວ່າ,ການພົວພັນລະຫວ່າງຈີນກັບສ.ເກົາຫຼີແລະສະພາບຫຼ້າສຸດຂອງສະຖານະການແຫຼມເກົາຫຼີຈະແມ່ນຫົວຂໍ້ຈຸດສຸມທີ່ຜູ່ນຳສອງປະເທດຈະຫາລືກັນ.ທ່ານຫວັງວ່າ,ການຢ້ຽມຢາມຂອງທ່ານໂລມູຢຸນເທື່ອນີ້ຈະມີບົດບາດຊຸກຍູ້ອັນຕັ້ງໜ້າຕໍ່ການເພີ່ມທະວີການພົວພັນມິດຕະພາບແລະການຮ່ວມມືລະຫວ່າງສອງປະເທດ.
|
|
