ຕາມ​ຂ່າວສານ​ຊິນ​ຮວາ: ວັນ​ທີ 14 ຕຸລາ, ສື່​ມວນ​ຊົນ​ອິນ​ໂດ​ເນ​ເຊຍ​ລາຍ​ງານ​ວ່າ, ອິນ​ໂດ​ເນ​ເຊຍ ສິງກະ​ໂປ ມາ​ເລ​ເຊຍ ບຼູ​ໄນ​ແລະ​ໄທ​ໄດ້​ກ້າວເຖິງ​ຂັ້ນມີ​ຄວາມ​ຮັບ​ຮູ້​ຄື​ກັນ​ຢູ່​ອິນ​ໂດ​ເນ​ເຊຍ, ຕົກລົງ​ສ້າງ​ຄະນະ​ກຳມະການ​ປະສົມ​ລັດຖະມົນຕີ​ສິ່ງ​ແວດ​ລ້ອມ 5 ປະ​ເທດ​ອາ​ຊຽນ, ​ເພື່ອ​ຮ່ວມ​ມື​ກັນ​ຕິດຕາມ​ຄວບ​ຄຸມ​ບັນຫາ​ຄວັນ​ຈາກ​ໄຟ​ໄໝ້​ປ່າ​ໃນ​ພາກ​ພື້ນ​ຕົນ.

ວັນ​ທີ 13 ຕຸລາ, ລັດຖະມົນຕີ​ສິ່ງ​ແວດ​ລ້ອມ​ຂອງ 5 ປະ​ເທດ​ອາ​ຊຽນ​ໄດ້​ຈັດ​ກອງ​ປະ​ຊຸມ​ຢູ່​ເມືອງ​ເປ​ກັນ​ບາຣູ​ແຂວງຣີອຸບ​ຂອງ​ອິນ​ໂດ​ເນ​ເຊຍ​ກ່ຽວ​ກັບ​ການ​ຄວບ​ຄຸມ​ຄວັນ​ຈາກ​ໄຟ​ໄໝ້​ປ່າ. ​ໃນ​ພິທີ​ໄຂ​ກອງ​ປະຊຸມ ທ່ານຣັກມາດ ວີ​ໂຕລາ ລັດຖະມົນຕີ​ກະຊວງ​ສິ່ງ​ແວດ​ລ້ອມ​ຂອງ​ອິນ​ໂດ​ເນ​ເຊຍ​ກ່າວ​ວ່າ, ລັດຖະມົນຕີ​ທີ່​ຮ່ວມ​ປະຊຸມ​ເຫັນ​ດີ​​ເບີກ​ເງິນຊ່ອຍ​ອິນ​ໂດ​ເນ​ເຊຍ​ດັບ​ໄຟ​ໄໝ້​ປ່າ, ສະ​ໜັບ​ສະໜຸນອິນ​ໂດ​ເນ​ເຊຍ​ໃນ​ການອະນຸມັດ​ໃຫ້ "ສັນຍາ​ຮ່ວມ​​ໃນ​ການ​ກຳ​ຈັດ​ໄພ​ຈາກ​ຄວັນ​ໄຟ​ຂອງ​ອາ​ຊຽນ" ມີ​ຜົນ​ບັງຄັບ​ໃຊ້​ຢູ່​ອິນ​ໂດ​ເນ​ເຊຍ. ກອງ​ປະ​ຊຸມ​ຕົກ​ລົງ​ວ່າ, ໜ່ວຍ​ຜູ່​ຊ່ຽວ​ຊານ​ສາ​ກົນ​ຈະ​ອົບ​ຮົມ​ນັກວິຊາການ​ດ້ານ​ການ​ດັບ​ໄຟ​ແລະ​ກຳ​ຈັດ​ຄວັນ​ໄຟ​ຢ່າງ​ວ່ອງ​ໄວ​ຢູ່​ອິນ​ໂດ​ເນ​ເຊຍ.