|
ນັກວິທະຍາສາດ4ປະເທດສຳຫຼວດວິທະຍາສາດຢ່າງສັງລວມຢູ່ເປີ້ນພູພາກໃຕ້ແລະເໜືອຂອງພູຮິມາໄລເປັນຄັ້ງທຳອິດ
cri
ຕາມຂ່າວສານຊິນຮວາ,ໜ່ວຍສຳຫຼວດວິທະຍາສາດທີ່ປະກອບດ້ວຍນັກວິທະຍາສາດຂອງ4ປະເທດຄືຈີນ,ອິນເດຍ,ເນປານແລະບູຕານໄດ້ອອກເດີນທາງຈາກເມືອງລາຊາຂອງຈີນໃນ ວັນທີ15ຕຸລາ,ເດີນທາງໄປພູຮິມາໄລ,ໄດ້ເປີດສາກທີ່ນັກວິທະຍາສາດ4ປະເທດດັ່ງກ່າວຮ່ວມກັນດຳເນີນການສຳຫຼວດວິທະຍາສາດສັງລວມຢູ່ເປີ້ນພູໃຕ້ແລະເໜືອຂອງພູຮິມາໄລເປັນເທື່ອທຳອິດ.
ເທື່ອນີ້ແມ່ນນັກວິທະຍາສາດຈີນສຳຫຼວດວິທະຍາສາດໂດຍສັງລວມທີ່ມີຫຼາຍວິຊາຢ່າງຂະໜາດໃຫຍ່ຢູ່ເປີ້ນພູໃຕ້ຂອງພູຮິມາໄລເປັນເທື່ອທຳອິດ.ສະມາຊິກໜ່ວຍສຳຫຼວດວິທະຍາສາດຈະສຳຫຼວດແບບປຽບທຽບ ເກືອບເດືອນໜຶ່ງຢູ່ເປີ້ນພູໃຕ້ແລະເໜືອຂອງພູຮິມາໄລ.ເນື້ອໃນສຳຫຼວດລວງທັງພູມສັນຖານ,ທໍລະນີ,ພຶກສາຊາດ,ລານນ້ຳກ້າມ,ສິ່ງແວດລ້ອມແລະການພັດທະນາເສດຖະກິດສັງຄົມເປັນຕົ້ນ.
ບຸກຄົນທີ່ກ່ຽວຂ້ອງຂອງສະພາບັນດິດວິທະຍາສາດຈີນແນະນຳວ່າ,ໃນຊູ່ມື້ນີ້ທີ່ເສດຖະກິດໂລກາພິວັດ,ເຮັດແນວໃດ,ຄົ້ນຄວ້າການຊຸກຍູ້ການພັດທະນາແບບຍືນຍົງຂອງບັນດາປະເທດຢູ່ເຂດພູຮິມາໄລ,ເຮັດແນວໃດໃຫ້ແຖບພູຮິມາໄລສະໜອງການຄ້ຳຊູໃຫ້ແກ່ການພັດທະນາຂອງບັນດາປະເທດອາຊີໃຕ້ໃຫ້ດີກວ່າເກົ່ານັ້ນໄດ້ກາຍເປັນໜ້າທີ່ສຳຄັນອັນດັບໜຶ່ງຂອງການສຳຫຼວດວິທະຍາສາດເທື່ອນີ້.
ພູຮິມາໄລແມ່ນລະບົບພູທີ່ສູງໃຫຍ່ກວ່າໝູ່ໃນໂລກ,ແຈກຢາຍຢູ່ໃນດິນແດນຂອງຈີນ,ປາກີສະຖານ,ອິນເດຍ,ເນປານ,ບູຕານແລະອື່ນໆ.
|
|
