ຕາມ​ຂ່າວສານ​ຊິນ​ຮວາ: ​ເວລາ 20 ​ໂມງຂອງ​ວັນ​ທີ 14 ຕຸລາ, ​ເຂື່ອນ​ໄຟຟ້າຊານ​​ເຊຍ​ຂອງ​ຈີນ​ມີ​ໜ່ວຍ​ຈັກ​​ໃຫຍ່​ 8 ໜ່ວຍ​ໄດ້​​ແລ່ນ​ຈັກ​ຜະລິດ​ໄຟຟ້າ 3 ມື້​ລຽນຕິດ,​ສະພາບ​ແລ່ນ​ຈັກ​ເປັນ​ຢ່າງ​ດີ.

ທ່ານ​ຈ້າວ​ຢຸນຟາ ຮອງ​ວິສະວະກອນ​ໃຫຍ່​ຂອງ​ສູນຄວບຄຸມ​ເຂື່ອນໄຟຟ້າ​ຊານ​ເຊຍ​ຂອງ​ຈີນ​ໄດ້​ບອກ​ນັກ​ຂ່າວ​ວ່າ, ນັບ​ແຕ່​ວັນ​ທີ 11 ຕຸລາ​ເປັນຕົ້ນມາ, ມີໜ່ວຍ​ຈັກ 14 ໜ່ວຍ​​ເລີ່ມ​ແລ່ນ​ຈັກ​ຜະ​ລິດ​ໄຟ​ຟ້າ. ​ໃນ​ນັ້ນມີ​ 8 ໜ່ວຍ​​ໄດ້​ແລ່ນຈັກ​ຜະລິດ​ໄຟຟ້າ 3 ມື້​ລຽນຕິດ. ສະມັດຖະພາບ​​ຜະ​ລິດ​ໄຟ​ຟ້າ​ຂອງ​ໜ່ວຍ​ຈັກ 14 ໜ່ວຍນີ້​ແມ່ນ 9 ລ້ານ 8 ​ແສນ​ກິ​ໂລ​ວັດ.