|
ຈີນໃຫ້ລາງວັນແກ່ຄອບຄົວຊົນນະບົດທີ່ປະຕິບັດແຜນການຄຸມກຳເນີດ
cri
ຕາມຂ່າວCRI, ວັນທີ15ຕຸລາ ,ຢູ່ຄຸນມິງ ເມືອງພາກໃຕ້ຂອງຈີນ,ທ່ານຈ່າງເວີຍຊິງ ຫົວໜ້າຄະນະກຳມະການປະຊາກອນແລະແຜນການຄຸມກຳເນີດແຫ່ງຊາດຈີນເຜີຍໃຫ້ຮູ້ວ່າ,ປີນີ້,ຢູ່ເຂດຊົນນະບົດຂອງຈີນ ມີຜູ່ເຖົ້າອາຍຸ60ປີຂຶ້ນໄປ ຈຳນວນ1ລ້ານ8ແສນ5ໝື່ນຄົນຈະໄດ້ຮັບເງິນລາງວັນແຜນການຄຸມກຳເນີດຄົນລະ600ຢວນ.
ເລີ່ມແຕ່ປີ2004ເປັນຕົ້ນມາ,ຢູ່ຊົນນະບົດສ່ວນໜື່ງ,ຕໍ່ຜູ້ເຖົ້າອາຍຸ60ປີຂຶ້ນໄປທີ່ມີແຕ່ລູກຜູ່ດຽວຫຼືມີແຕ່ລູກສາວສອງຄົນນັ້ນ,ຈີນໄດ້ໃຫ້ເງິນລາງວັນຄົນລະ600ຢວນຕໍ່ປີ.ປັດຈຸບັນ,ວຽກງານລາຍນີ້ກຳລັງເຜີຍແຜ່ປະຕິບັດໃນຂອບເຂດທົ່ວປະເທດ.
ທ່ານຈ່າງເວີຍຊິ້ງກ່າວວ່າ,ການສ້າງກົນໄກດັ່ງກ່າວ,ເຮັດໃຫ້ຄອບຄົວທີ່ປະຕິບັດແຜນການຄຸມກຳເນີດໄດ້ຮັບຜົນປະໂຫຍດຕົວຈິງໃນດ້ານເສດຖະກິດ,ບັນຫາບຳນານໄດ້ຮັບການຮັບປະກັນ,ມັນມີຜົນດີຕໍ່ການດຳເນີນວຽກງານແຜນການຄຸມກຳເນີດ.
ຈີນແມ່ນປະເທດທີ່ມີປະຊາກອນຫຼາຍ,ໃນໄລຍະດົນນານມານີ້,ລັດຖະບານຈີນໄດ້ປະຕິບັດນະໂຍບາຍພື້ນຖານແຫ່ງຊາດທີ່ປະຕິບັດແຜນການຄຸມກຳເນີດເພື່ອຄວບຄຸມການເພີ່ມຂຶ້ນຂອງປະຊາກອນແລະຍົກຄຸນທາດຂອງປະຊາກອນໃຫ້ສູງຂຶ້ນ.
|
|
