ຕາມຂ່າວ CRI: ວັນ​ທີ 16 ຕຸລາ, ໃນ​ພິທີ​ໄຂ​ກອງ​ປະຊຸມ "ການ​ສຳຫຼວດລະຫວ່າງ​ລັດ​ຖະ​ບານ​ຄັ້ງ​ທີ​ສອງ​ກ່ຽວ​ກັບ​ແຜນການ​ດຳ​ເນີນ​ງານ​ທົ່ວ​ໂລກ​ເພື່ອ​ອະນຸລັກ​ສິ່ງ​ແວດ​ລ້ອມ​ທາງ​ທະ​ເລ​ບໍ່​​ໃຫ້ຖືກ​ເຊື່ອມ​ພິດ​ຈາກ​​ແຜ່ນດິນ" ທີ່​ຈັດ​ຂຶ້ນຢູ່​ທີ່​ປັກ​ກິ່ງ​, ທ່ານ​ໂຈ່​ວ​ເຊິ່ງ​ສຽນ ຫົວ​ໜ້າ​ກົມ​ໃຫຍ່​ອະ​ນຸລັກ​ສິ່ງ​​ແວດ​ລ້ອມ​ແຫ່ງ​ຊາດ​ຈີນ​ກ່າວ​ວ່າ, ການ​ອະນຸລັກ​ສິ່ງ​ແວດ​ລ້ອມ​ທາງ​ທະ​ເລ​ແລະ​ຊັບ​ພະຍາກອນທະ​ເລ, ຊຸກ​ຍູ້​ການ​ພັດທະນາ​ແບບ​ຍືນ​ຍົງ​ແມ່ນ​ໜ້າ​ທີ່​ຮັບ​ຜິດ​ຊອບ​ທີ່​ຫຼີກ​ລ່ຽງ​ບໍ່​ໄດ້​ຂອງ​ປະ​ເທດ​ຕ່າງໆ​ໃນໂລກ. ຈີນ​ຈະ​ເກາະ​ແຂ​ນຮ່ວມ​ມື​ກັບປະ​ເທດ​ຕ່າງໆ, ຕັ້ງ​ໜ້າ​ຊຸກ​ຍູ້​ການ​ປະ​ຕິບັດ​ແຜນການ​ດຳ​ເນີນ​ງານ​ທົ່ວ​ໂລກ​ເພື່ອອະນຸລັກ​ສິ່ງ​ແວດ​ລ້ອມ​ທາງ​ທະ​ເລ​ບໍ່​ໃຫ້​ຖືກ​ເຊື່ອມ​ພິດ​ຈາກ​ແຜ່ນດິນ.

ທ່ານ​ເຜີຍ​ໃຫ້​ຮູ້​ວ່າ, ​ໃນຫຼາຍປີ​ມາ​ນີ້, ຈີນ​ໄດ້​ບູລະນະ​ກົດໝາຍ​ ກົດ​ລະບຽບ​ແລະ​ນະ​ໂຍບາຍ​ກ່ຽວ​ກັບ​ການ​ອະນຸລັກ​ສິ່ງ​ແວດ​ລ້ອມ​ທາງ​ທະ​ເລ​ໃຫ້​ສົມບູນ​ຂຶ້ນ, ​ແລະ​ພວມ​ເພີ່ມ​ທະ​ວີ​ການ​ອະ​ນຸ​ລັກ​ສິ່ງ​ແວດ​ລ້ອມ​ທາງ​ທະ​ເລ​ຢ່າງ​ບໍ່​ຢຸດ​ຢັ້ງ.